* ಸ್ವೀಡನ್‌ನ ಸ್ಟಾಕ್‌ಹೋಮ್‌ ಇಂಟರ್‌ನ್ಯಾಷನಲ್‌ ಪೀಸ್‌ ರಿಸರ್ಚ್‌ ಇನ್‌ಸ್ಟಿಟ್ಯೂಟ್‌ (SIPRI) ಬಿಡುಗಡೆ ಮಾಡಿದ 2024ರ ವರದಿ ಪ್ರಕಾರ, ಭಾರತವು ಪಾಕಿಸ್ತಾನಕ್ಕಿಂತ 9 ಪಟ್ಟು ಅಧಿಕ ರಕ್ಷಣಾ ವೆಚ್ಚ ಮಾಡುತ್ತಿದೆ.* ಈ ವರದಿ ಪೆಹಲ್ಗಾಮ್ ದಾಳಿಯ ಬಳಿಕ ಭಾರತ-ಪಾಕಿಸ್ತಾನ ನಡುವಿನ ಬಿಗುವಿನ ವಾತಾವರಣದ ಮಧ್ಯೆ ಬಿಡುಗಡೆಯಾಗಿದೆ.* 2023ರಲ್ಲಿನ ವೆಚ್ಚ ₹7.11 ಲಕ್ಷ ಕೋಟಿ (83.6 ಬಿಲಿಯನ್‌ ಡಾಲರ್‌) ಇದ್ದರೆ, 2024ರಲ್ಲಿ ಅದು ₹7.33 ಲಕ್ಷ ಕೋಟಿ (86.1 ಬಿಲಿಯನ್‌ ಡಾಲರ್‌) ಆಗಿದೆ. ಆದರೂ ಭಾರತವು ಜಾಗತಿಕ ಶ್ರೇಣಿಯಲ್ಲಿ ಐದನೇ ಸ್ಥಾನದಲ್ಲಿದ್ದರೂ, ಒಂದು ಸ್ಥಾನ ಕುಸಿತ ಕಂಡಿದೆ.* ಭಾರತವು ಶಸ್ತ್ರಾಸ್ತ್ರ ಖರೀದಿಯಲ್ಲಿ ವಿಶ್ವದಲ್ಲೇ ಮೊದಲ ಸ್ಥಾನದಲ್ಲಿದೆ. ಇತ್ತೀಚೆಗೆ ದೇಶೀಯ ಉತ್ಪಾದನೆಯನ್ನು ಉತ್ತೇಜಿಸಲು ಶೇ 22 ರಷ್ಟು ಖರೀದಿಯನ್ನು ಭಾರತೀಯ ಕಂಪನಿಗಳಿಂದಲೇ ಮಾಡುವ ನೀತಿಗೆ ಮುಂದಾಗಿದೆ. ಇದರ ಫಲವಾಗಿ ಸೇನಾ ವಾಹನ, ಹೆಲಿಕಾಪ್ಟರ್‌, ಜಲಾಂತರ್ಗಾಮಿ ನೌಕೆಗಳನ್ನು ಭಾರತವೇ ತಯಾರಿಸುತ್ತಿದೆ.* ದೇಶೀಯ ತಯಾರಿಕೆಯ ಜೊತೆಗೂಡಿ, ಕೆಲವು ಅತ್ಯಾಧುನಿಕ ಯುದ್ಧವಿಮಾನಗಳು ಮತ್ತು ಸೇನಾ ವ್ಯವಸ್ಥೆಗಳಿಗಾಗಿ ಇನ್ನೂ ಆಮದು ಅವಶ್ಯವಾಗಿದೆ.
