* ಭಾರತದ ಭೂವಿಜ್ಞಾನ ಸಚಿವಾಲಯವು ಉಷ್ಣವಲಯದಲ್ಲಿರುವ ರಾಷ್ಟ್ರಗಳಿಗೆ ಅನುಕೂಲವಾಗುವಂತೆ ಭಾರತ್ ಹವಾಮಾನ ಮುನ್ಸೂಚನಾ ವ್ಯವಸ್ಥೆ(BFS)ಅನ್ನು ಬಿಡುಗಡೆ ಮಾಡಿದೆ.* ಇದನ್ನು ಪುಣೆಯಲ್ಲಿರುವ ಭಾರತೀಯ ಉಷ್ಣವಲಯ ಹವಾಮಾನ ಅಧ್ಯಯನ ಸಂಸ್ಥೆ (IITM) ಅಭಿವೃದ್ಧಿಪಡಿಸಿದೆ.* BFS ಗ್ರಾಮ ಮಟ್ಟದವರೆಗೆ ಮಾಹಿತಿ ನೀಡುವ ಸಾಮರ್ಥ್ಯ ಹೊಂದಿದ್ದು, ಇದರಲ್ಲಿ 67% ನಿಖರತೆ ಇದೆ. ಹಿಂದಿನ ವ್ಯವಸ್ಥೆಯೊಂದಿಗೆ ಹೋಲಿಸಿದರೆ ನಿಖರತೆ ಶೇ 30ರಿಂದ ಶೇ 67ಕ್ಕೆ ಹೆಚ್ಚಳವಾಗಿದೆ.* ಈ ವ್ಯವಸ್ಥೆ 6 ಕಿ.ಮೀ. ವ್ಯಾಪ್ತಿಯೊಳಗಿನ ಹವಾಮಾನ ಬದಲಾವಣೆಗಳನ್ನೂ ತಿಳಿಸಬಲ್ಲದು. ಈಗ 1–2 ಪಂಚಾಯ್ತಿ ಮಟ್ಟದಲ್ಲಿ ಮುನ್ಸೂಚನೆ ನೀಡಲಾಗುತ್ತಿದೆ. ಇದು ರೈತರಿಗೆ ಅನುಕೂಲವಾಗಲಿದೆ.* ಜಗತ್ತಿನ ಹಲವು ಹವಾಮಾನ ಸಂಸ್ಥೆಗಳು ಇದನ್ನು ಮಾದರಿಯಾಗಿ ಪರಿಗಣಿಸುತ್ತಿವೆ. BFS ಜಾಗತಿಕ ಮಟ್ಟದಲ್ಲಿ ಪ್ರಮುಖ ತಂತ್ರಜ್ಞಾನವನ್ನಾಗಿ ಪರಿಣಮಿಸಿದೆ.* ಭೂಮಿಯ ಮೇಲ್ಮೈಯನ್ನು ಪದರಗಳಾಗಿ ವಿಭಜಿಸಿ ಮಾಹಿತಿ ಸಂಗ್ರಹಿಸಲು ಟ್ರಯಾಂಗ್ಯುಲರ್ ಕ್ಯುಬಿಕ್ ಆಕ್ಟಾಹೆಡ್ರಲ್‌ (TCO) ಮಾದರಿ ಬಳಸಲಾಗುತ್ತಿದೆ. ಇದು ನಿಖರ ಮುನ್ಸೂಚನೆ ನೀಡಲು ನೆರವಾಗುತ್ತಿದೆ.* ಹಿಂದಿನ ‘ಪ್ರತ್ಯುಷ್’ ಸೂಪರ್ ಕಂಪ್ಯೂಟರ್‌ಗೆ 10 ಗಂಟೆಗಳಾಗುತ್ತಿದ್ದರೆ, ಈಗ ‘ಅರ್ಕಾ’ ಸೂಪರ್ ಕಂಪ್ಯೂಟರ್‌ದಿಂದ 4 ಗಂಟೆಗಳೊಳಗೆ ಮುನ್ಸೂಚನೆ ದೊರೆಯುತ್ತದೆ.* ಉತ್ತರ ಹಾಗೂ ದಕ್ಷಿಣ ಗೋಳಾರ್ಧದ 30° ಅಕ್ಷಾಂಶದೊಳಗಿನ ಎಲ್ಲಾ ರಾಷ್ಟ್ರಗಳಿಗೆ BFS ಲಾಭಕಾರಿಯಾಗಿದೆ. ಇದು ಹವಾಮಾನ ಮುನ್ಸೂಚನೆಯಲ್ಲಿ ಮಹತ್ವದ ಸಾಧನೆಯಾಗಿದೆ.
