* ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಭಾರತ ಹಾಗೂ ಅಮೆರಿಕ ನಡುವಿನ "ಅತಿ ದೊಡ್ಡ" ವ್ಯಾಪಾರ ಒಪ್ಪಂದ ಅಂತಿಮ ಹಂತದಲ್ಲಿದೆ ಎಂದು ಘೋಷಿಸಿದ್ದಾರೆ. ಶ್ವೇತಭವನದಲ್ಲಿ ನಡೆದ 'ಬಿಗ್ ಬ್ಯೂಟಿಫುಲ್ ಬಿಲ್' ಕಾರ್ಯಕ್ರಮದಲ್ಲಿ ಅವರು ಈ ಮಾಹಿತಿ ನೀಡಿದ್ದಾರೆ.
* ಟ್ರಂಪ್ ಈ ಸಂದರ್ಭದಲ್ಲಿ ಚೀನಾದೊಂದಿಗೆ ಕೂಡ ವ್ಯಾಪಾರ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ ಎಂದು ಹೇಳಿದ್ದಾರೆ. ಆದರೆ ಚೀನಾ ಒಪ್ಪಂದದ ಹೆಚ್ಚಿನ ವಿವರಗಳನ್ನು ಬಹಿರಂಗಪಡಿಸಲಿಲ್ಲ.
* ಅಮೆರಿಕದೊಂದಿಗೆ ಮುಂದಿನ ಹಂತದ ವ್ಯಾಪಾರ ಮಾತುಕತೆಗಾಗಿ ಭಾರತದ ವಾಣಿಜ್ಯ ಇಲಾಖೆಯ ಹೆಚ್ಚುವರಿ ಕಾರ್ಯದರ್ಶಿ ರಾಜೇಶ್ ಅಗರವಾಲ್ ವಾಷಿಂಗ್ಟನ್‌ಗೆ ಆಗಮಿಸಿದ್ದು, ಈ ಸಮಯದಲ್ಲಿಯೇ ಟ್ರಂಪ್ ತಮ್ಮ ಹೇಳಿಕೆಯನ್ನು ನೀಡಿದ್ದಾರೆ.
* ಭಾರತ ಹಾಗೂ ಅಮೆರಿಕ ಜುಲೈ 9ರೊಳಗೆ ಒಪ್ಪಂದ ಅಂತಿಮಗೊಳಿಸುವ ಗುರಿ ಹೊಂದಿದ್ದು, ಟ್ರಂಪ್ ಏಪ್ರಿಲ್ 2ರಂದು ಘೋಷಿಸಿದ್ದ ಅಧಿಕ ಸುಂಕವನ್ನು ತಾತ್ಕಾಲಿಕವಾಗಿ ಜುಲೈ 9ರವರೆಗೆ ತಡೆಹಿಡಿದಿದ್ದಾರೆ.