* ಬೆಂಗಳೂರು ಮೆಟ್ರೋದಲ್ಲಿ ಆಗಸ್ಟ್ 12ರಂದು 10.48 ಲಕ್ಷಕ್ಕೂ ಅಧಿಕ ಮಂದಿ ಪ್ರಯಾಣಿಸಿದ್ದು, ಇದು ಸಾರ್ವಕಾಲಿಕ ದಾಖಲೆಯಾಗಿದೆ.* ಐಟಿ ಹಬ್‌ ಎಲೆಕ್ಟ್ರಾನಿಕ್‌ ಸಿಟಿಗೆ ಸಂಪರ್ಕ ಕಲ್ಪಿಸುವ ಹಳದಿ ಮಾರ್ಗ ಆರಂಭವಾದ ಬಳಿಕ ಮೊದಲ ಬಾರಿಗೆ ಈ ಸಂಖ್ಯೆ 10 ಲಕ್ಷ ದಾಟಿದೆ. ಈ ಮೊದಲು ಜೂನ್‌ 4ರಂದು 9.66 ಲಕ್ಷ ಪ್ರಯಾಣಿಕರು ದಾಖಲೆಯಾಗಿದ್ದರು.* ಆರ್‌.ವಿ. ರಸ್ತೆ–ಬೊಮ್ಮಸಂದ್ರ ಹಳದಿ ಮಾರ್ಗವನ್ನು ಆರಂಭದ ದಿನ 52,215 ಮಂದಿ ಬಳಸಿದ್ದು, ಎರಡನೇ ದಿನವೂ ಸಮಾನ ಪ್ರಮಾಣದ ಜನ ಸಂಚರಿಸಿದ್ದಾರೆ.* ಮುಖ್ಯವಾಗಿ ವಿದ್ಯಾರ್ಥಿಗಳು, ಐಟಿ ವೃತ್ತಿಪರರು, ಗಾರ್ಮೆಂಟ್ ಕಾರ್ಮಿಕರು ಹಾಗೂ ಕಾರ್ಖಾನೆ ಉದ್ಯೋಗಿಗಳು ಈ ಮಾರ್ಗವನ್ನು ಹೆಚ್ಚು ಬಳಸುತ್ತಿದ್ದಾರೆ.* ಹಳದಿ ಮಾರ್ಗದಲ್ಲಿ ರೈಲುಗಳು ಪ್ರತಿ 25 ನಿಮಿಷಕ್ಕೊಮ್ಮೆ ಓಡಬೇಕಾದರೂ ಪ್ರಸ್ತುತ 30–35 ನಿಮಿಷಕ್ಕೊಮ್ಮೆ ಸಂಚರಿಸುತ್ತಿವೆ. ಆಗಸ್ಟ್ ಅಂತ್ಯದೊಳಗೆ ಮತ್ತೊಂದು ರೈಲು ಸೇರ್ಪಡೆಗೊಂಡು ಅವಧಿ ಕಡಿಮೆಯಾಗಲಿದೆ.* ಪೀಕ್ ಅವರ್‌ಗಳಲ್ಲಿ ಹೆಚ್ಚಿನ ದಟ್ಟಣೆ ಕಂಡುಬರುತ್ತಿದ್ದು, ಇಂಟರ್‌ಚೇಂಜ್‌ ಸ್ಥಳಗಳಲ್ಲಿ ದಿಕ್ಕು ತಿಳಿಯದ ತೊಂದರೆ ಸಹ ಇದೆ.* ಮೆಟ್ರೋ ಬಳಕೆದಾರರು ಟ್ರಾಫಿಕ್ ಜಾಮ್‌ ಮತ್ತು ಮಾಲಿನ್ಯದಿಂದ ದೂರವಾಗಿ ಕಡಿಮೆ ವೆಚ್ಚದಲ್ಲಿ ತಲುಪುತ್ತಿರುವ ಸಂತಸ ವ್ಯಕ್ತಪಡಿಸಿದ್ದಾರೆ. ಎಂಟು ವರ್ಷಗಳ ನಿರೀಕ್ಷೆಯ ಬಳಿಕ ಹಳದಿ ಮಾರ್ಗ ಆರಂಭವಾದುದು ಈ ಭಾಗದ ಜನರಿಗೆ ದೊಡ್ಡ ಅನುಕೂಲ ತಂದಿದೆ.
