Job Description: ➤ ನೇಪಾಳದ ನೂತನ ಪ್ರಧಾನಿ ಬಾಲೇಂದ್ರ ಶಾ (Balen Shah) ಅವರು ಅಧಿಕಾರ ವಹಿಸಿಕೊಂಡ ನಂತರ ಪ್ರಥಮ ಬಾರಿಗೆ ಭಾರತೀಯ ರಾಯಭಾರಿ ನವೀನ್ ಶ್ರೀವಾಸ್ತವ್ ಅವರೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಿದ್ದಾರೆ. ನೇಪಾಳದ ಪ್ರಧಾನ ಮಂತ್ರಿ ಕಾರ್ಯಾಲಯವಾದ 'ಸಿಂಹ ದರ್ಬಾರ್'‌ನಲ್ಲಿ ನಡೆದ ಈ ಸಭೆಯು ಭಾರತ-ನೇಪಾಳ ರಾಜತಾಂತ್ರಿಕ ಸಂಬಂಧದಲ್ಲಿ ಹೊಸ ಮೈಲಿಗಲ್ಲಾಗಿದೆ.➤ ಅಧಿಕಾರ ಸ್ವೀಕರಿಸಿದ ಆರಂಭದಲ್ಲಿ ವಿದೇಶಿ ರಾಯಭಾರಿಗಳೊಂದಿಗೆ ನೇರ ಸಭೆಗಳನ್ನು ತಪ್ಪಿಸುತ್ತಿದ್ದ ಪ್ರಧಾನಿ ಬಾಲೇಂದ್ರ ಶಾ, ಇದೀಗ ತಮ್ಮ ವಿದೇಶಾಂಗ ನೀತಿಯಲ್ಲಿ ಬದಲಾವಣೆ ತಂದಿದ್ದಾರೆ. ಭಾರತೀಯ ರಾಯಭಾರಿಯೊಂದಿಗೆ ಪ್ರತ್ಯೇಕ ದ್ವಿಪಕ್ಷೀಯ ಸಭೆ ನಡೆಸುವ ಮೂಲಕ ನೇಪಾಳವು ಭಾರತದೊಂದಿಗಿನ ರಾಜತಾಂತ್ರಿಕ ಮತ್ತು ಬಾಂಧವ್ಯದ ಆದ್ಯತೆಯನ್ನು ಸ್ಪಷ್ಟಪಡಿಸಿದೆ.➤ ಪ್ರಧಾನಿ ನರೇಂದ್ರ ಮೋದಿ ಅವರ ಶುಭಾಶಯ: ಸಭೆಯ ವೇಳೆ ಭಾರತೀಯ ರಾಯಭಾರಿ ನವೀನ್ ಶ್ರೀವಾಸ್ತವ್ ಅವರು ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಆತ್ಮೀಯ ಶುಭಾಶಯ ಸಂದೇಶವನ್ನು ನೇಪಾಳ ಪ್ರಧಾನಿಗೆ ತಲುಪಿಸಿದರು. ಉಭಯ ದೇಶಗಳ ನಡುವಿನ ಬಹುಮುಖಿ ಸಹಕಾರ ಮತ್ತು ಮೂಲಸೌಕರ್ಯ ಅಭಿವೃದ್ಧಿ ಪಾಲುದಾರಿಕೆಯನ್ನು ಮತ್ತಷ್ಟು ಗಟ್ಟಿಗೊಳಿಸುವ ನಿಟ್ಟಿನಲ್ಲಿ ಈ ಚರ್ಚೆ ಅತ್ಯಂತ ಫಲಪ್ರದವಾಗಿದೆ ಎಂದು ಶ್ರೀವಾಸ್ತವ್ ತಿಳಿಸಿದ್ದಾರೆ.➤ ಪರಸ್ಪರ ಹಿತಾಸಕ್ತಿ ಮತ್ತು ಅಭಿವೃದ್ಧಿ: ಶಕ್ತಿ ಮತ್ತು ಜಲಸಂಪನ್ಮೂಲ: ನೇಪಾಳದ ಜಲವಿದ್ಯುತ್ ಕ್ಷೇತ್ರ ಮತ್ತು ಭಾರತಕ್ಕೆ ವಿದ್ಯುತ್ ರಫ್ತು ಮಾಡುವ ಯೋಜನೆಯ ಕುರಿತು ಚರ್ಚೆ. ವ್ಯಾಪಾರ ಮತ್ತು ಸಾರಿಗೆ: ಭಾರತವು ನೇಪಾಳದ ಶೇ. 60ಕ್ಕಿಂತ ಹೆಚ್ಚಿನ ವ್ಯಾಪಾರ ಪಾಲುದಾರನಾಗಿದ್ದು, ವ್ಯಾಪಾರ ಮಾರ್ಗಗಳ ಸುಗಮಗೊಳಿಸುವಿಕೆ. ಸಂಸ್ಕೃತಿ ಮತ್ತು ಸಾಂಸ್ಕೃತಿಕ ಬಾಂಧವ್ಯ: ಉಭಯ ದೇಶಗಳ ನಡುವಿನ ಐತಿಹಾಸಿಕ 'ರೋಟಿ-ಬೇಟಿ' (ಸಾಂಸ್ಕೃತಿಕ ಹಾಗೂ ಜನಸಾಮಾನ್ಯರ) ಸಂಬಂಧದ ಬಲವರ್ಧನೆ. ➤ ಭಾರತ - ನೇಪಾಳ ಬಾಂಧವ್ಯದ ಹಿನ್ನೆಲೆ: ಆರ್ಟಿಕಲ್ / ಒಪ್ಪಂದ: 1950ರ "ಶಾಂತಿ ಮತ್ತು ಮೈತ್ರಿ ಒಪ್ಪಂದ" (Indo-Nepal Treaty of Peace and Friendship) ಭಾರತ ಮತ್ತು ನೇಪಾಳದ ದ್ವಿಪಕ್ಷೀಯ ಸಂಬಂಧಗಳ ಅಡಿಪಾಯವಾಗಿದೆ. ಸೇನಾ ಸಹಕಾರ: ಭಾರತ ಮತ್ತು ನೇಪಾಳ ಜಂಟಿಯಾಗಿ 'ಸೂರ್ಯ ಕಿರಣ್' (Surya Kiran) ಮಿಲಿಟರಿ ಅಭ್ಯಾಸವನ್ನು ನಡೆಸುತ್ತವೆ. ಪ್ರಾದೇಶಿಕ ವೇದಿಕೆಗಳು: SAARC ಮತ್ತು BIMSTEC ನಂತಹ ಪ್ರಾದೇಶಿಕ ಒಕ್ಕೂಟಗಳಲ್ಲಿ ಭಾರತ ಮತ್ತು ನೇಪಾಳ ಸಕ್ರಿಯ ಸದಸ್ಯ ದೇಶಗಳಾಗಿವೆ.
