ಬಾಹ್ಯಾಕಾಶದಲ್ಲಿ ವೈದ್ಯಕೀಯ ತುರ್ತು ಪರಿಸ್ಥಿತಿ: 25 ವರ್ಷಗಳಲ್ಲೇ ಮೊದಲ ಬಾರಿಗೆ ನಾಸಾದಿಂದ ‘ಕ್ರೂ-11’ ಕಾರ್ಯಾಚರಣೆ ಅವಧಿಗೆ ಮುನ್ನವೇ ಅಂತ್ಯ!

ಪ್ರಚಲಿತ ಘಟನೆಗಳು

ಬಾಹ್ಯಾಕಾಶದಲ್ಲಿ ವೈದ್ಯಕೀಯ ತುರ್ತು ಪರಿಸ್ಥಿತಿ: 25 ವರ್ಷಗಳಲ್ಲೇ ಮೊದಲ ಬಾರಿಗೆ ನಾಸಾದಿಂದ ‘ಕ್ರೂ-11’ ಕಾರ್ಯಾಚರಣೆ ಅವಧಿಗೆ ಮುನ್ನವೇ ಅಂತ್ಯ!12 ಜನವರಿ 2026

➤ ಅಂತರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದ (ISS) ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಗಗನಯಾತ್ರಿಯೊಬ್ಬರ ವೈದ್ಯಕೀಯ ಸಮಸ್ಯೆಯ ಕಾರಣದಿಂದ ಇಡೀ ಮಿಷನ್ ಅನ್ನು ನಿಗದಿತ ಅವಧಿಗಿಂತ ಒಂದು ತಿಂಗಳು ಮುಂಚಿತವಾಗಿ ಕೊನೆಗೊಳಿಸಲು ನಾಸಾ (NASA) ನಿರ್ಧರಿಸಿದೆ. ಕ್ರೂ-11 (Crew-11) ತಂಡದ ನಾಲ್ವರು ಸದಸ್ಯರು ಜನವರಿ 14, 2026ರಂದು ಭೂಮಿಗೆ ಮರಳಲಿದ್ದಾರೆ.
ಜೂನ್ 2025ರಲ್ಲಿ ಬಾಹ್ಯಾಕಾಶಕ್ಕೆ ತೆರಳಿದ್ದ ಕ್ರೂ-11 ತಂಡವು ಫೆಬ್ರವರಿ ಅಂತ್ಯದವರೆಗೆ ISS ನಲ್ಲಿ ಉಳಿಯಬೇಕಿತ್ತು. ಆದರೆ, ಕಳೆದ ವಾರ ತಂಡದ ಒಬ್ಬ ಅಂತರಿಕ್ಷಯಾತ್ರಿಯಲ್ಲಿ ಕಾಣಿಸಿಕೊಂಡ ವೈದ್ಯಕೀಯ ಸಮಸ್ಯೆಯಿಂದಾಗಿ ಜನವರಿ 8ರಂದು ನಡೆಯಬೇಕಿದ್ದ ಬಾಹ್ಯಾಕಾಶ ನಡಿಗೆಯನ್ನು (Spacewalk) ರದ್ದುಗೊಳಿಸಲಾಗಿತ್ತು. ಈಗ ಮುನ್ನೆಚ್ಚರಿಕಾ ಕ್ರಮವಾಗಿ ಇಡೀ ತಂಡವನ್ನು ವಾಪಸ್ ಕರೆಸಿಕೊಳ್ಳಲಾಗುತ್ತಿದೆ.
➤ ನಾಸಾ ನೀಡಿರುವ ಮಾಹಿತಿ ಪ್ರಕಾರ, ಬುಧವಾರ (January-14)ಸಂಜೆ 5 ಗಂಟೆ (ಅಮೆರಿಕದ ಪೂರ್ವ ಕಾಲಮಾನ – ET) ನಂತರ ಕ್ರೂ–11 ಯಾನವು ISS ನಿಂದ ಬೇರ್ಪಡುವ ಸಾಧ್ಯತೆ ಇದೆ. ಕ್ಯಾಲಿಫೋರ್ನಿಯಾ ಕರಾವಳಿಯ ಸಮುದ್ರ ಪ್ರದೇಶದಲ್ಲಿ ಇಳಿಯುವ ಸ್ಥಳದ ಹವಾಮಾನ ಅನುಕೂಲಕರವಾಗಿದ್ದರೆ ಈ ಕಾರ್ಯಾಚರಣೆ ನಡೆಯಲಿದೆ.
➤ ಈ ವಾರ ಆರಂಭದಲ್ಲಿ ಕ್ರೂ–11 ತಂಡದ ಒಬ್ಬ ಅಂತರಿಕ್ಷಯಾತ್ರಿ ವೈದ್ಯಕೀಯ ಸಮಸ್ಯೆ ಅನುಭವಿಸಿದ್ದಾರೆ. ಆದರೆ ವೈದ್ಯಕೀಯ ಗೌಪ್ಯತೆಯ ಕಾರಣದಿಂದ ಸಮಸ್ಯೆಯ ವಿವರಗಳು ಹಾಗೂ ಅಂತರಿಕ್ಷಯಾತ್ರಿಯ ಗುರುತು ಪ್ರಕಟಿಸಲಾಗಿಲ್ಲ. ನಾಸಾ ಅಧಿಕಾರಿಗಳ ಪ್ರಕಾರ, ಪರಿಸ್ಥಿತಿ ಸ್ಥಿರವಾಗಿದ್ದು ಇದು ತುರ್ತು ಸ್ಥಳಾಂತರವಲ್ಲ; ಮುನ್ನೆಚ್ಚರಿಕಾ ಕ್ರಮವಾಗಿ ಈ ನಿರ್ಧಾರ ಕೈಗೊಳ್ಳಲಾಗಿದೆ
➤ ನಾಸಾ ಆಡಳಿತಾಧಿಕಾರಿ ಜಾರೆಡ್ ಐಸಾಕ್‌ಮ್ಯಾನ್ ಅವರು ಮಾತನಾಡಿ, ಅಂತರಿಕ್ಷಯಾತ್ರಿಗಳ ಸುರಕ್ಷತೆ ದೃಷ್ಟಿಯಿಂದ ಕ್ರೂ–11 ತಂಡವನ್ನು ಯೋಜಿತ ಅವಧಿಗೆ ಮುನ್ನವೇ ಭೂಮಿಗೆ ಕರೆತರುವುದೇ ಒಳಿತೆಂದು ತೀರ್ಮಾನಿಸಲಾಗಿದೆ ಎಂದು ತಿಳಿಸಿದ್ದಾರೆ.
➤ ಭೂಮಿಗೆ ಮರಳಲಿರುವ ಕ್ರೂ–11 ಸದಸ್ಯರು:
=> ನಾಸಾ ಅಂತರಿಕ್ಷಯಾತ್ರಿಗಳು: ಝೇನಾ ಕಾರ್ಡ್‌ಮನ್, ಮೈಕ್ ಫಿಂಕೆ
=> ಜಪಾನ್ ಅಂತರಿಕ್ಷಯಾತ್ರಿ: ಕಿಮಿಯಾ ಯುಯಿ
=> ರಷ್ಯಾ ಕೋಸ್ಮೋನಾಟ್: ಒಲೆಗ್ ಪ್ಲಾಟೋನೋವ್
ಈ ತಂಡವು 2025ರ ಆಗಸ್ಟ್ ಆರಂಭದಲ್ಲಿ ISS ಗೆ ಆಗಮಿಸಿದ್ದು, ಮೂಲತಃ ಫೆಬ್ರವರಿ ಅಂತ್ಯದವರೆಗೆ ಬಾಹ್ಯಾಕಾಶ ನಿಲ್ದಾಣದಲ್ಲಿ ಉಳಿಯಬೇಕಾಗಿತ್ತು.

Take Quiz

Loading..!

ಪ್ರಚಲಿತ ಘಟನೆಗಳು