* ಅಮೆರಿಕದ ಪತ್ರಿಕೆ ಬ್ಲೂಮ್‌ ಬರ್ಗ್ ವರದಿ ಪ್ರಕಾರ : ಮುಕೇಶ್ ಅಂಬಾನಿಯನ್ನು ಹಿಂದಿಕ್ಕಿ ಮತ್ತೆ ಗೌತಮ್ ಅದಾನಿ ಭಾರತದ ಮತ್ತು ಏಷ್ಯಾದ ನಂಬರ್ 1 ಶ್ರೀಮಂತ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ. ಹಿಂಡನ್​​ಬರ್ಗ್​ ವರದಿಯ ಬಳಿಕ ಭಾರಿ ಸಂಪತ್ತಿನ ನಷ್ಟ ಹೊಂದಿದ್ದ ಅದಾನಿ ಸಮೂಹಗಳ ಅಧ್ಯಕ್ಷ ಗೌತಮ್​ ಅದಾನಿ ಮತ್ತೆ ಶ್ರೀಮಂತರ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಮೂಲಕ ರಿಲಯನ್ಸ್ ಇಂಡಸ್ಟ್ರೀಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ ಈಗ ಎರಡನೇ ಸ್ಥಾನಕ್ಕೆ ಜಾರಿದ್ದಾರೆ. 
* ಭಾರಿ ಸಂಪತ್ತಿನ ನಷ್ಟಕ್ಕೀಡಾಗಿ ಸಿರಿವಂತರ ಪಟ್ಟಿಯಲ್ಲಿ ಪಾತಾಳ ಕಂಡಿದ್ದ ಅದಾನಿ ಸಮೂಹಗಳ ಮುಖ್ಯಸ್ಥ ಗೌತಮ್​ ಅದಾನಿ, ಸಂಪತ್ತು ವೃದ್ಧಿಸಿಕೊಂಡು ಮತ್ತೆ ಏಷ್ಯಾದ ಅಗ್ರ ಸಿರಿವಂತರಾಗಿ ಹೊರಹೊಮ್ಮಿದ್ದಾರೆ.
* ಡಿಸೆಂಬರ್ 2022ರಲ್ಲಿ ಅದಾನಿ ಗ್ರೂಪ್ ಕಂಪನಿಗಳ ಷೇರು ಬೆಲೆಯನ್ನು ಅಕ್ರಮವಾಗಿ ಏರಿಸಲಾಗುತ್ತಿದೆ ಎಂದು ಹಿಂಡನ್ ಬರ್ಗ್ ವರದಿ ಪ್ರಕಟಿಸಿತ್ತು. ಅದರ ಬೆನ್ನಲ್ಲೇ ಅದಾನಿ ಷೇರು ಮೌಲ್ಯ ಭಾರಿ ಪ್ರಮಾಣದಲ್ಲಿ ಕುಸಿದು ಹೋಗಿತ್ತು. ಹೀಗಾಗಿ ಮುಕೇಶ್ ಅಂಬಾನಿ ಮತ್ತೆ ದೇಶದ ನಂಬ‌ರ್ ಒನ್ ಶ್ರೀಮಂತ ಎನ್ನುವ ಪಟ್ಟ ಗಿಟ್ಟಿಸಿಕೊಂಡಿದ್ದರು.
* ಅದಾನಿ ಗ್ರೂಪ್ ಕಂಪನಿಗಳ ಷೇರು ಮೌಲ್ಯ ಏರಿಕೆಯಾಗಿದೆ. ಎರಡು ದಿನಗಳ ಹಿಂದೆ ಸುಪ್ರೀಂ ಕೋರ್ಟ್ ನೀಡಿದ ತೀರ್ಪಿನಲ್ಲಿ, ಹಿಂಡನ್ ಬರ್ಗ್ ವರದಿ ಕುರಿತು ಹೊಸ ತನಿಖೆ ಅಗತ್ಯವಿಲ್ಲ ಎಂದು ಅಭಿಪ್ರಾಯಪಟ್ಟಿದ್ದು, ಇನ್ನಷ್ಟು ಪುಷ್ಟಿ ದೊರೆತಿದೆ. ಒಂದೇ ದಿನದಲ್ಲಿ ಅದಾನಿ ಷೇರುಗಳ ಮೌಲ್ಯ 770 ಕೋಟಿ ಡಾಲರ್(ಸುಮಾರು 64,057 ಕೋಟಿ ರೂಪಾಯಿ) ಹೆಚ್ಚಳವಾಗಿದೆ. ಇದೀಗ ಅದಾನಿ ಸಂಪತ್ತಿನ ಒಟ್ಟು ಮೌಲ್ಯ 9760 ಕೋಟಿ ಡಾಲರ್ (ಸುಮಾರು 8.12 ಲಕ್ಷ ಕೋಟಿ ರೂಪಾಯಿ)ಗೆ ತಲುಪಿದೆ. ಮುಕೇಶ್ ಅಂಬಾನಿ ಸಂಪತ್ತಿನ ಒಟ್ಟು ಒಟ್ಟು ಮೌಲ್ಯ 9700 ಕೋಟಿ ಡಾಲರ್(ಸುಮಾರು 8.06 ಲಕ್ಷ ಕೋಟಿ ರೂಪಾಯಿ) ಎಂದು ಅಮೆರಿಕದ ಪತ್ರಿಕೆ ಬ್ಲೂಮ್‌ ಬರ್ಗ್ ವರದಿ ಮಾಡಿದೆ.
* 1980ರಲ್ಲಿ ವಜ್ರದ ವ್ಯಾಪಾರಿಯಾಗಿ ವೃತ್ತಿ ಆರಂಭಿಸಿದ್ದ ಗೌತಮ್ ಅದಾನಿ ಇದೀಗ ಬಂದರುಗಳ ನಿರ್ವಹಣೆಯಿಂದ ಹಿಡಿದು ವಿದ್ಯುತ್ ಉತ್ಪಾದನಾ ಘಟಕಗಳವರೆಗೆ ನಾನಾ ರೀತಿಯ ಉದ್ದಿಮೆಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.
* ವಿಶ್ವದ ಶ್ರೀಮಂತರ ಪಟ್ಟಿಯಲ್ಲಿ ಅದಾನಿ 12ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಮುಖೇಶ್ ಅಂಬಾನಿ 13ನೇ ಸ್ಥಾನದಲ್ಲಿದ್ದಾರೆ. 
* ವಿಶ್ವದ ಶ್ರೀಮಂತರ ಪಟ್ಟಿಯಲ್ಲಿ ಟಾಪ್ 50 ಪಟ್ಟಿಯಲ್ಲಿರುವ ಭಾರತೀಯರು ಶಾಪೂರ್ ಮಿಸ್ತ್ರಿ 34.6 ಬಿಲಿಯನ್ ಡಾಲರ್ ಸಂಪತ್ತಿನೊಂದಿಗೆ 38 ಸ್ಥಾನದಲ್ಲಿದ್ದಾರೆ. ಶಿವ್ ನಡಾರ್ 33 ಬಿಲಿಯನ್ ಡಾಲರ್ ಸಂಪತ್ತಿನೊಂದಿಗೆ 45ನೇ ಸ್ಥಾನದಲ್ಲಿದ್ದಾರೆ.