Amol Palekar to Receive META Lifetime Achievement Award 2026

ಪ್ರಚಲಿತ ಘಟನೆಗಳು

ಅಮೋಲ್ ಪಾಲೇಕರ್‌ಗೆ 2026ರ META ಜೀವಮಾನ ಸಾಧನೆ ಪ್ರಶಸ್ತಿ ಗೌರವ

Authored by: Heena Sheregar Date: 12 ಮಾರ್ಚ್ 2026

➤ ನವದೆಹಲಿ:ಭಾರತೀಯ ಚಿತ್ರರಂಗದ ಹಿರಿಯ ನಟ, ನಿರ್ದೇಶಕ ಮತ್ತು ರಂಗಭೂಮಿ ಪ್ರತಿಭೆಅಮೋಲ್ ಪಾಲೇಕರ್ಅವರಿಗೆ 2026ನೇ ಸಾಲಿನಮಹೀಂದ್ರಾ ಎಕ್ಸಲೆನ್ಸ್ ಇನ್ ಥಿಯೇಟರ್ ಅವಾರ್ಡ್ಸ್ (META)ವತಿಯಿಂದ ಪ್ರತಿಷ್ಠಿತ'ಜೀವಮಾನ ಸಾಧನೆ ಪ್ರಶಸ್ತಿ'ನೀಡಿ ಗೌರವಿಸಲಾಗುತ್ತಿದೆ. ಮಹೀಂದ್ರಾ ಸಮೂಹವು ಸ್ಥಾಪಿಸಿರುವ ಮತ್ತು 'ಟೀಮ್‌ವರ್ಕ್ ಆರ್ಟ್ಸ್' ನಿರ್ಮಿಸಿರುವ ಈ ಪ್ರಶಸ್ತಿಯು ಭಾರತೀಯ ರಂಗಭೂಮಿ ಕ್ಷೇತ್ರದಲ್ಲಿನ ಅತ್ಯುನ್ನತ ಗೌರವಗಳಲ್ಲಿ ಒಂದಾಗಿದೆ. ನವದೆಹಲಿಯಲ್ಲಿ 2026ರ ಮಾರ್ಚ್ 19 ರಿಂದ 25 ರವರೆಗೆ ನಡೆಯಲಿರುವ 21ನೇ META ರಂಗೋತ್ಸವದಲ್ಲಿ ಈ ಪ್ರಶಸ್ತಿಯನ್ನು ಪ್ರದಾನ ಮಾಡಲಾಗುವುದು.
➤ ಅಮೋಲ್ ಪಾಲೇಕರ್ ಅವರು ಕೇವಲ ನಟರಾಗಿ ಮಾತ್ರವಲ್ಲದೆ, ರಂಗಭೂಮಿಯ ಕ್ರಾಂತಿಕಾರಿ ಪ್ರಯೋಗಶೀಲರಾಗಿಯೂ ಗುರುತಿಸಿಕೊಂಡಿದ್ದಾರೆ.
- ರಂಗಭೂಮಿ: ಸತ್ಯದೇವ್ ದುಬೆ ಅವರ ಮಾರ್ಗದರ್ಶನದಲ್ಲಿ ಮರಾಠಿ ಪ್ರಾಯೋಗಿಕ ರಂಗಭೂಮಿಯಲ್ಲಿ ತೊಡಗಿಸಿಕೊಂಡ ಇವರು, ನಂತರ 'ಅನಿಕೇತ್' ಎಂಬ ಸ್ವಂತ ನಾಟಕ ತಂಡವನ್ನು ಆರಂಭಿಸಿದರು. ನಾಟಕಗಳನ್ನು ಪಾರ್ಕ್‌ಗಳು, ಗ್ಯಾರೇಜ್‌ಗಳು ಮತ್ತು ಕ್ಯಾಂಟೀನ್‌ಗಳಂತಹ ಪರ್ಯಾಯ ಸ್ಥಳಗಳಿಗೆ ಕೊಂಡೊಯ್ದು ರಂಗಭೂಮಿಯನ್ನು ಜನಸಾಮಾನ್ಯರಿಗೆ ತಲುಪಿಸಿದ ಕೀರ್ತಿ ಇವರಿಗೆ ಸಲ್ಲುತ್ತದೆ.
- ಸಿನಿಮಾ: 1970ರ ದಶಕದ ಬಾಲಿವುಡ್‌ನ 'ಲಾರ್ಜರ್ ದ್ಯಾನ್ ಲೈಫ್' ನಾಯಕರ ನಡುವೆ, ಇವರು ತಮ್ಮ ಸಹಜ ನಟನೆಯ ಮೂಲಕ 'ಪಕ್ಕದ ಮನೆಯ ಹುಡುಗ' (Boy-Next-Door) ಎಂಬ ಇಮೇಜ್ ಸೃಷ್ಟಿಸಿಕೊಂಡರು
- ಅಮೋಲ್ ಪಾಲೇಕರ್ ಪ್ರಮುಖ ಚಿತ್ರಗಳು: ಚೋಟಿ ಸಿ ಬಾತ್, ಚಿತ್‌ಚೋರ್, ಗೋಲ್ ಮಾಲ್ (ಫಿಲ್ಮ್‌ಫೇರ್ ಅತ್ಯುತ್ತಮ ನಟ ಪ್ರಶಸ್ತಿ), ಮತ್ತು ಭೂಮಿಕಾ.
- ಕನ್ನಡದ ನಂಟು: ಅಮೋಲ್ ಪಾಲೇಕರ್ ಅವರು ಕನ್ನಡದ ಖ್ಯಾತ ಚಿತ್ರಗಳಾದ 'ಕನ್ನೇಶ್ವರ ರಾಮ' (ನಿರ್ದೇಶನ: ಎಂ.ಎಸ್. ಸತ್ಯು) ಮತ್ತು 'ಪೇಪರ್ ಬೋಟ್ಸ್' ನಲ್ಲಿ ನಟಿಸಿದ್ದಾರೆ.
- ನಿರ್ದೇಶನ: ಇವರು ನಿರ್ದೇಶಿಸಿದ 'ಪಹೇಲಿ' ಸಿನಿಮಾ 2006ರಲ್ಲಿ ಭಾರತದಿಂದ ಆಸ್ಕರ್‌ ಪ್ರಶಸ್ತಿಗೆ ಅಧಿಕೃತವಾಗಿ ನಾಮನಿರ್ದೇಶನಗೊಂಡಿತ್ತು.
➤ META 2026: ಈ ಬಾರಿಯ ರಂಗೋತ್ಸವಕ್ಕೆ ದೇಶದ 20ಕ್ಕೂ ಹೆಚ್ಚು ರಾಜ್ಯಗಳಿಂದ ದಾಖಲೆಯ 422 ನಾಟಕಗಳು ಸಲ್ಲಿಕೆಯಾಗಿದ್ದವು. ಅಂತಿಮವಾಗಿ 10 ನಾಟಕಗಳನ್ನು 13 ವಿವಿಧ ವಿಭಾಗಗಳಲ್ಲಿ ಸ್ಪರ್ಧಿಸಲು ಆಯ್ಕೆ ಮಾಡಲಾಗಿದೆ. ಹಿಂದಿ, ಮಲಯಾಳಂ, ಬಂಗಾಳಿ, ಮರಾಠಿ, ಸಂಸ್ಕೃತ ಸೇರಿದಂತೆ ಹಲವು ಭಾಷೆಗಳ ನಾಟಕಗಳು ಇಲ್ಲಿ ಪ್ರದರ್ಶನಗೊಳ್ಳಲಿವೆ.
ಪ್ರಶಸ್ತಿ ಪ್ರದಾನ: META 2026: ಇದು 21ನೇ ಆವೃತ್ತಿಯಾಗಿದೆ ನವದೆಹಲಿಯ ಕಮಾನಿ ಆಡಿಟೋರಿಯಂ ಮತ್ತು ಶ್ರೀರಾಮ್ ಸೆಂಟರ್ ಫಾರ್ ಪರ್ಫಾರ್ಮಿಂಗ್ ಆರ್ಟ್ಸ್ ನಲ್ಲಿ 2026ರ ಮಾರ್ಚ್ 25 ರಂದು ನಡೆಯುವ ಸಮಾರೋಪ ಸಮಾರಂಭದಲ್ಲಿ ಅಮೋಲ್ ಪಾಲೇಕರ್ ಅವರಿಗೆ ಪ್ರಶಸ್ತಿ ನೀಡಿ ಗೌರವಿಸಲಾಗುವುದು.

Take Quiz

Loading..!

ಪ್ರಚಲಿತ ಘಟನೆಗಳು