ಅಮೆರಿಕದ ವೀಸಾ ನೀತಿಯಲ್ಲಿ ಭಾರೀ ಬದಲಾವಣೆ: 75 ದೇಶಗಳಿಗೆ ನಿರ್ಬಂಧ

ಪ್ರಚಲಿತ ಘಟನೆಗಳು

ಅಮೆರಿಕದ ವೀಸಾ ನೀತಿಯಲ್ಲಿ ಭಾರೀ ಬದಲಾವಣೆ: 75 ದೇಶಗಳಿಗೆ ನಿರ್ಬಂಧ15 ಜನವರಿ 2026

➤ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತವು ಕಳೆದ ವರ್ಷ ಒಂದು ಲಕ್ಷಕ್ಕೂ ಹೆಚ್ಚು ವೀಸಾಗಳನ್ನು ರದ್ದುಪಡಿಸಿರುವುದು ವರದಿಯಾಗಿದೆ. ಇದರಲ್ಲಿ ಕಾನೂನು ಉಲ್ಲಂಘನೆ, ಅಪರಾಧ ಹಿನ್ನೆಲೆ ಹಾಗೂ ವಲಸೆ ನಿಯಮಗಳ ದುರುಪಯೋಗ ಮಾಡಿರುವ ವಿದೇಶಿಗರು ಪ್ರಮುಖ ಕಾರಣರಾಗಿದ್ದಾರೆ. ಅಮೆರಿಕವು ವಲಸೆ ನೀತಿಯನ್ನು ಮತ್ತಷ್ಟು ಕಠಿಣಗೊಳಿಸಿದ್ದು, ವಿಶ್ವದ 75 ರಾಷ್ಟ್ರಗಳ ವೀಸಾ ಪ್ರಕ್ರಿಯೆಯನ್ನು ಜನವರಿ 21, 2026 ರಿಂದ ಜಾರಿಗೆ ಬರುವಂತೆ ಅನಿರ್ದಿಷ್ಟಾವಧಿಗೆ ಸ್ಥಗಿತಗೊಳಿಸಿದೆ.
➤ ಭಾರತಕ್ಕೆ ವಿನಾಯಿತಿ: ಈ ಕಠಿಣ ನಿರ್ಧಾರದಿಂದ ಭಾರತಕ್ಕೆ ಸದ್ಯ ಯಾವುದೇ ತೊಂದರೆಯಿಲ್ಲ. 75 ದೇಶಗಳ ಪಟ್ಟಿಯಲ್ಲಿ ಭಾರತದ ಹೆಸರಿಲ್ಲದ ಕಾರಣ, ಭಾರತೀಯ ವಿದ್ಯಾರ್ಥಿಗಳು ಮತ್ತು ಉದ್ಯೋಗಿಗಳು ಎಂದಿನಂತೆ ವೀಸಾ ಪ್ರಕ್ರಿಯೆಯನ್ನು ಮುಂದುವರಿಸಬಹುದು.
➤ ಅಮೆರಿಕದ ರಾಷ್ಟ್ರೀಯ ಭದ್ರತೆ ಮತ್ತು ಆರ್ಥಿಕತೆಯನ್ನು ರಕ್ಷಿಸುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ. ಮುಖ್ಯವಾಗಿ 'Public Charge' (ಅಮೆರಿಕ ಸರ್ಕಾರದ ಸೌಲಭ್ಯಗಳ ಮೇಲೆ ಅವಲಂಬಿತರಾಗುವ ಸಾಧ್ಯತೆ ಇರುವವರು) ಆಧಾರದ ಮೇಲೆ ಅರ್ಜಿದಾರರ ಆರೋಗ್ಯ, ವಯಸ್ಸು, ಇಂಗ್ಲಿಷ್ ಭಾಷಾ ಪ್ರಾವೀಣ್ಯತೆ ಮತ್ತು ಆರ್ಥಿಕ ಸ್ಥಿತಿಯನ್ನು ಕಟ್ಟುನಿಟ್ಟಾಗಿ ಪರಿಶೀಲಿಸಲಾಗುತ್ತದೆ.
➤ ಅಫ್ಘಾನಿಸ್ತಾನ, ಬಾಂಗ್ಲಾದೇಶ, ಪಾಕಿಸ್ತಾನ, ನೇಪಾಳ, ಭೂತಾನ್, ರಷ್ಯಾ ಸೇರಿದಂತೆ ಒಟ್ಟು 75 ದೇಶಗಳ ಪ್ರಜೆಗಳಿಗೆ ಪ್ರವಾಸೋದ್ಯಮ, ಶಿಕ್ಷಣ ಮತ್ತು ಉದ್ಯೋಗ ವೀಸಾಗಳು ಸದ್ಯಕ್ಕೆ ದೊರೆಯುವುದಿಲ್ಲ. ಕಳೆದ ವರ್ಷ ಅಮೆರಿಕದ ಕಾನೂನು ಉಲ್ಲಂಘಿಸಿದ ಸುಮಾರು 1 ಲಕ್ಷಕ್ಕೂ ಅಧಿಕ ವೀಸಾಗಳನ್ನು ರದ್ದುಪಡಿಸಲಾಗಿದೆ. ಇದರಲ್ಲಿ ಸುಮಾರು 8,000 ವಿದ್ಯಾರ್ಥಿ ವೀಸಾಗಳು ಹಾಗೂ 2,500 ಎಚ್-1ಬಿ (H-1B) ವೀಸಾಗಳು ಸೇರಿವೆ.
➤ ಪಟ್ಟಿಯಲ್ಲಿ ಭಾರತ ಇಲ್ಲದಿದ್ದರೂ, ಅಮೆರಿಕವು ವೀಸಾ ನಿಯಮಗಳನ್ನು ಬಿಗಿಗೊಳಿಸಿರುವುದರಿಂದ ಅನಿವಾಸಿ ಭಾರತೀಯರು ಮತ್ತು ಅಲ್ಲಿಗೆ ತೆರಳುವ ವೃತ್ತಿಪರರು ಹೆಚ್ಚಿನ ತಪಾಸಣೆಗೆ ಒಳಗಾಗಬೇಕಾಗುತ್ತದೆ. ಪ್ರಸ್ತುತ ಅಮೆರಿಕದ ವಿಶ್ವವಿದ್ಯಾಲಯಗಳಲ್ಲಿ ಚೀನಾ ವಿದ್ಯಾರ್ಥಿಗಳಿಗಿಂತ ಭಾರತೀಯರೇ ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಬದಲಾಗುತ್ತಿರುವ ವೀಸಾ ನೀತಿಗಳ ಮೇಲೆ ನಿಗಾವಹಿಸುವುದು ಅಗತ್ಯವಾಗಿದೆ.

Take Quiz

Loading..!

ಪ್ರಚಲಿತ ಘಟನೆಗಳು