* ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಮಾಸಿಕ "ಮನ್ ಕೀ ಬಾತ್" ಕಾರ್ಯಕ್ರಮದಲ್ಲಿ ಮಾತನಾಡುತ್ತಾ, ಆಪರೇಷನ್ ಸಿಂಧೂರ ಕೇವಲ ಮಿಲಿಟರಿ ಕಾರ್ಯಾಚರಣೆ ಅಲ್ಲ, ಇದು ಭಾರತದ ಬದಲಾಗುತ್ತಿರುವ ಭೂಮಿಕೆಗೆ ಪ್ರತಿಬಿಂಬವಾಗಿದೆ ಎಂದು ಹೇಳಿದ್ದಾರೆ.
* ಈ ಕಾರ್ಯಾಚರಣೆ ದೇಶದ ಸಂಕಲ್ಪ, ಸಾಹಸ ಮತ್ತು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಭಾರತದ ಹೆಚ್ಚುತ್ತಿರುವ ಪ್ರಭಾವವನ್ನು ತೋರಿಸಿದೆ ಎಂದು ಅವರು ಹೇಳಿದರು.
* ಏಪ್ರಿಲ್ 22ರಂದು ಪಹಲ್ಗಾಂನಲ್ಲಿ ನಡೆದ ಉಗ್ರ ದಾಳಿಗೆ ಪ್ರತಿಯಾಗಿ, ಮೇ 6-7ರ ನಡುರಾತ್ರಿ ಸೇನೆ ಈ ಕಾರ್ಯಾಚರಣೆಯನ್ನು ಕೈಗೊಂಡಿತು. 
* ಪಾಕಿಸ್ತಾನದಲ್ಲಿರುವ ಲಷ್ಕರ್-ಎ-ತೊಯ್ಬಾ, ಜೈಶ್-ಎ-ಮೊಹಮ್ಮದ್ ಮತ್ತು ಹಿಜ್ಬುಲ್ ಮುಜಾಹಿದೀನ್ ಉಗ್ರ ಸಂಘಟನೆಗಳ ಮೇಲಿನ ದಾಳಿ ಯಶಸ್ವಿಯಾಗಿ ನಡೆಯಿತು.
* ಮೋದಿ ಯೋಧರ ಸಾಹಸವನ್ನು ಶ್ಲಾಘಿಸುತ್ತಾ, ದೇಶಾದ್ಯಂತ ಯುವಕರು ದೇಶಭಕ್ತಿಯ ಕವಿತೆ, ಹಾಡುಗಳು ಮತ್ತು ಚಿತ್ರಗಳ ಮೂಲಕ ಗೌರವ ಸಲ್ಲಿಸಿದರು ಎಂದು ಹೇಳಿದರು.
* ಹಲವರು ನಾಗರಿಕ ರಕ್ಷಣಾಪಡೆಗೆ ಸ್ವಯಂಸೇವಕರಾಗಿ ಸೇರಿದ್ದು, ಈ ಕಾರ್ಯಾಚರಣೆಯು ದೇಶದಲ್ಲಿ ದೇಶಭಕ್ತಿಯ ತೀವ್ರತೆಯನ್ನು ಹೆಚ್ಚಿಸಿತು.
* ಉತ್ತರ ಭಾರತದಲ್ಲಿ ನವಜಾತ ಶಿಶುಗಳಿಗೆ "ಸಿಂಧೂರ" ಎಂಬ ಹೆಸರು ಇಡಲಾಗಿದ್ದು, ಇದು ಕಾರ್ಯಾಚರಣೆಯು ಜನಮನದಲ್ಲಿ ಎಷ್ಟು ಪ್ರಭಾವ ಬೀರಿದೆ ಎಂಬುದಕ್ಕೆ ಸಾಕ್ಷಿಯಾಗಿದೆ.
* ಇದೇ ವೇಳೆ ಈ ಕಾರ್ಯಾಚರಣೆಯ ಯಶಸ್ಸಿಗೆ ಸ್ವದೇಶೀ ತಂತ್ರಜ್ಞಾನ ಹಾಗೂ ಯುದ್ಧೋಪಕರಣಗಳೂ ಸಹ ಕಾರಣವಾಗಿವೆ ಎಂದರು.
* ಮೋದಿ ಸ್ವಾವಲಂಬನೆಗೆ ಕರೆ ನೀಡುತ್ತಾ, ಮೇಡ್ ಇನ್ ಇಂಡಿಯಾ ಉತ್ಪನ್ನಗಳಿಗೆ ಆದ್ಯತೆ ನೀಡಬೇಕೆಂದು ಮನವಿ ಮಾಡಿದರು.
* ಇದು ಕೇವಲ ಆರ್ಥಿಕ ಸ್ವಾವಲಂಬನೆಯ ವಿಷಯವಲ್ಲ, ದೇಶ ನಿರ್ಮಾಣದಲ್ಲಿ ನಮ್ಮ ಪಾತ್ರವನ್ನು ಬಿಂಬಿಸುವ ಹಾದಿಯಾಗಿದೆ ಎಂದು ಅವರು ಸ್ಪಷ್ಟಪಡಿಸಿದರು.