* ಆಪರೇಷನ್ ಸಿಂಧು ಅಡಿಯಲ್ಲಿ ಇದುವರೆಗೆ 517 ಭಾರತೀಯರು ಇರಾನ್‌ನಿಂದ ಭಾರತಕ್ಕೆ ಮರಳಿದ್ದಾರೆ. ಎಂದು ವಿದೇಶಾಂಗ ಸಚಿವಾಲಯದ ವಕ್ತಾರ ರಣಧೀರ್ ಜೈಸ್ವಾಲ್ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ.
* ತುರ್ಕಮೆನಿಸ್ತಾನದ ಅಶ್ಗಬಾತ್‌ನಿಂದ ವಿಮಾನಗಳು ನವದೆಹಲಿಗೆ ಬಂದಿದ್ದು, ಈ ಕಾರ್ಯಾಚರಣೆ ಇನ್ನೂ ಮುಂದುವರಿಯುತ್ತಿದೆ.
* ಇರಾನ್ ಮತ್ತು ಇಸ್ರೇಲ್ ನಡುವೆ ಉಂಟಾದ ಸಂಘರ್ಷದಿಂದ ಪರಿಸ್ಥಿತಿ ಹದಗೆಟ್ಟ ಕಾರಣ ಭಾರತ ಸರ್ಕಾರ ಈ ವಿಪತ್ತಿನ ಸಂದರ್ಭದಲ್ಲಿ ತನ್ನ ಪ್ರಜೆಗಳನ್ನು ಕರೆತರಲು ತಕ್ಷಣ ಕ್ರಮ ಕೈಗೊಂಡಿತು. ಧಾರ್ಮಿಕ ಯಾತ್ರಿಕರು ಹಾಗೂ ವಿದ್ಯಾರ್ಥಿಗಳನ್ನು ಸೇರಿಸಿ ಚಾರ್ಟರ್ಡ್ ವಿಮಾನಗಳಲ್ಲಿ ಸ್ಥಳಾಂತರಿಸಲಾಗಿದೆ.
* ಜೂನ್ 20ರ ರಾತ್ರಿ 11:30ಕ್ಕೆ ಮೊದಲ ವಿಮಾನ ದೆಹಲಿಗೆ ಬಂದಿಳಿದಿದ್ದು, ಜೂನ್ 21ರ ಮುಂಜಾನೆ ಮತ್ತೊಂದು ವಿಮಾನ ಇಳಿದಿದೆ. ವಿದೇಶಾಂಗ ಇಲಾಖೆ ಕಾರ್ಯದರ್ಶಿ ಅರುಣ್ ಚಟರ್ಜಿ ವಿಮಾನ ನಿಲ್ದಾಣದಲ್ಲಿ ಪ್ರಜೆಗಳನ್ನು ಸ್ವಾಗತಿಸಿದರು.
* ಈ ಕಾರ್ಯಚರಣೆಯಲ್ಲಿ ನೇಪಾಳ ಮತ್ತು ಶ್ರೀಲಂಕಾದ ಕೆಲವು ನಾಗರಿಕರೂ ಭಾಗಿಯಾಗಲಿದ್ದಾರೆ. ಮೊದಲು ಉರ್ಮಿಯಾ ವಿಶ್ವವಿದ್ಯಾಲಯದ 110 ಭಾರತೀಯ ವಿದ್ಯಾರ್ಥಿಗಳನ್ನು ಭೂಮಾರ್ಗವಾಗಿ ಅರ್ಮೇನಿಯಾಗೆ ಕೊಂಡೊಯ್ಯಲಾಯಿತು, ನಂತರ ಯೆರೆವಾನ್‌ನಿಂದ ವಿಮಾನದಲ್ಲಿ ದೆಹಲಿಗೆ ತರಲಾಯಿತು.
* ಈ ಕಾರ್ಯಾಚರಣೆಗೆ ಜೂನ್ 19ರಿಂದ ಚಾಲನೆ ನೀಡಲಾಗಿದ್ದು, ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಒಮರ್ ಅಬ್ದುಲ್ಲಾ ಇದನ್ನು ಮೇಲ್ವಿಚಾರಣೆ ಮಾಡುತ್ತಿದ್ದಾರೆ.