2026–27 ಬಜೆಟ್ ಪೂರ್ವ ಸಭೆ: ನಿರ್ಮಲಾ ಸೀತಾರಾಮನ್ ಅಧ್ಯಕ್ಷತೆಯಲ್ಲಿ ಚರ್ಚೆ ಆರಂಭ

ಪ್ರಚಲಿತ ಘಟನೆಗಳು

2026–27 ಬಜೆಟ್ ಪೂರ್ವ ಸಭೆ: ನಿರ್ಮಲಾ ಸೀತಾರಾಮನ್ ಅಧ್ಯಕ್ಷತೆಯಲ್ಲಿ ಚರ್ಚೆ ಆರಂಭ11 ನವೆಂಬರ್ 2025

* ಬಜೆಟ್ ಪೂರ್ವ ಸಭೆ ಎಂದರೆ ಮುಂದಿನ ಹಣಕಾಸು ವರ್ಷದ ಕೇಂದ್ರ / ರಾಜ್ಯ ಬಜೆಟ್ ರಚನೆಗೆ ಮುನ್ನ ನಡೆಸುವ ಪ್ರಮುಖ ಸಮಾಲೋಚನಾ ಸಭೆ.2026 -27 ನೇಹಣಕಾಸು ವರ್ಷದ ಕೇಂದ್ರ ಬಜೆಟ್ ತಯಾರಿ ಆರಂಭಗೊಂಡಿದ್ದು,ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಸೋಮವಾರ ಪ್ರಮುಖ ಆರ್ಥಿಕ ತಜ್ಞರೊಂದಿಗೆ ಮೊದಲ ಬಜೆಟ್ ಪೂರ್ವ ಸಲಹೆ ಸಭೆ ದಿಲ್ಲಿಯಲ್ಲಿ ನಡೆಸಿದರು.
* ಈ ಸಭೆಯಲ್ಲಿ ಕೇಂದ್ರದ ಮುಖ್ಯ ಆರ್ಥಿಕ ಸಲಹೆಗಾರ ವಿ.ಅನಂತ ನಾಗೇಶ್ವರನ ಸೇರಿದಂತೆ ಆರ್ಥಿಕ ವ್ಯವಹಾರಗಳ ಇಲಾಖೆಯ ಹಿರಿಯ ಅಧಿಕಾರಿಗಳು ಭಾಗವಹಿಸಿದ್ದರು.
* ಸರ್ಕಾರ ಈ ಸಭೆಗಳ ಮೂಲಕ ವಿವಿಧ ಆರ್ಥಿಕತೆ, ತೆರಿಗೆ, ಸಾಮಾಜಿಕ ಕಲ್ಯಾಣ ಹಾಗೂ ಉದ್ಯಮ ಕ್ಷೇತ್ರಗಳಿಗೆ ಸಂಬಂಧಿಸಿದ ಸಲಹೆಗಳನ್ನು ಸಂಗ್ರಹಿಸುತ್ತದೆ.
* ಈ ಸಭೆಯ ಪ್ರಮುಖ ಗುರಿ ಮುಂದಿನ ಬಜೆಟ್ ಅನ್ನು ಹೆಚ್ಚು ಸಮಗ್ರ, ಸುಧಾರಿತ ಮತ್ತು ಜನಪರಗೊಳಿಸುವುದು.
* ವ್ಯವಹಾರ ವಾತಾವರಣ ಸುಧಾರಣೆ, ಕೃಷಿ-ಉದ್ಯಮಕ್ಕೆ ಬೆಂಬಲ, MSME ಗಳ ಬಲಪಡಿಕೆ, ತೆರಿಗೆ ಕ್ರಮ ಸರಳೀಕರಣ ಮತ್ತು ಹೂಡಿಕೆ ಪ್ರೋತ್ಸಾಹದಂತಹ ವಿಷಯಗಳನ್ನು ತೆಗೆದುಕೊಳ್ಳಲಾಗುತ್ತದೆ.
* ಈ ಸಭೆಯಲ್ಲಿ ತೆರಿಗೆ ರಿಯಾಯಿತಿಗಳು, ಆಮದು-ರಫ್ತು ನೀತಿಗಳು, ಉದ್ಯೋಗಾವಕಾಶ, ಕೃಷಿ ಬೆಂಬಲ, ಗ್ರಾಮೀಣ ಅಭಿವೃದ್ಧಿ, ನವೀನತೆ, ಹೂಡಿಕೆಗಳಿಗೆ ಪ್ರೋತ್ಸಾಹ, ಹಾಗೂ ಆರೋಗ್ಯ-ಶಿಕ್ಷಣ ಬಜೆಟ್ ಹೆಚ್ಚಳಗಳ ಬಗ್ಗೆ ಚರ್ಚೆ ನಡೆಯುತ್ತದೆ.
* ಜೊತೆಗೆ ಡಿಜಿಟಲ್ ಪಾವತಿಗಳನ್ನು ಉತ್ತೇಜಿಸುವ ಕ್ರಮಗಳು ಹಾಗೂ ಮೂಲಸೌಕರ್ಯ ಅಭಿವೃದ್ಧಿ ವಿಚಾರಗಳಿಗೂ ಆದ್ಯತೆ ಸಿಗುತ್ತದೆ.
* ಉದ್ಯಮ ಕ್ಷೇತ್ರವು ಸಾಮಾನ್ಯವಾಗಿ ತೆರಿಗೆ ಕಡಿತ, ಬೆಂಬಲ ಸಾಲ, ಸರಳ ಜಿಎಸ್‌ಟಿ ನಿಯಮಗಳು, ಲಾಜಿಸ್ಟಿಕ್ಸ್ ಸೌಲಭ್ಯ ಸುಧಾರಣೆಗಳ ಬಗ್ಗೆ ಬೇಡಿಕೆ ಮಾಡುತ್ತದೆ.
* ಕೃಷಿ ಉತ್ಪನ್ನ ದರ ಸ್ಥಿರತೆ, PM-KISAN ಮೊತ್ತ ವಿಸ್ತರಣೆ, ಬಿತ್ತನೆ-ಸಿಂಚನ ನೆರವು, ಹಾಗೂ ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿಯ ಬಗ್ಗೆ ಚರ್ಚೆ ನಡೆಯುತ್ತದೆ. ಜೊತೆಗೆ ಬಡವರ ಆರೋಗ್ಯ ವಿಮೆ ವಿಸ್ತರಣೆ, ಶಿಕ್ಷಣ ವೆಚ್ಚ ಕಡಿತ ಹಾಗೂ SC/ST/OBC ಕಲ್ಯಾಣಕ್ಕೆ ಅನುದಾನ ಹೆಚ್ಚಳದ ಬಗ್ಗೆ ಸಲಹೆಗಳು ಬಂದಿರುತ್ತವೆ.
* 2026-27 ಬಜೆಟ್‌ಗೆ ಉದ್ಯೋಗ ವೃದ್ಧಿ ಮಹತ್ವದ ಅಂಶ. ಸರ್ಕಾರ ಉತ್ಪಾದನಾ ಕ್ಷೇತ್ರ (Manufacturing), ಗಿಗ್-ಎಕಾನಮಿ ಉದ್ಯೋಗ, ಹಸಿರು ಉದ್ಯಮ ಮತ್ತು ಸೌರ ಕ್ಷೇತ್ರಗಳಿಗೆ ಹೂಡಿಕೆ ಜೋರಾಗಿಸಲು ಚಿಂತನೆ ನಡೆಸುತ್ತಿದೆ. ಇದರಿಂದ ಯುವಜನರಿಗೆ ಹೊಸ ಉದ್ಯೋಗಾವಕಾಶ ಸೃಷ್ಟಿಯಾಗುವ ನಿರೀಕ್ಷೆ ಇದೆ.
* ಸರ್ಕಾರ ಡಿಜಿಟಲ್ ಪಾವತಿ ಸುರಕ್ಷತೆ, ಸೈಬರ್ ಸುರಕ್ಷತೆ, AI ಕ್ಷೇತ್ರದಲ್ಲಿ ಸಂಶೋಧನೆ, ಸ್ಟಾರ್ಟ್-ಅಪ್ ವೇಗವರ್ಧನೆ ಸೇರಿದಂತೆ ಅನೇಕ ನೀತಿಗಳನ್ನು ಬಜೆಟ್ ಮೂಲಕ ಘೋಷಿಸುವ ಸಾಧ್ಯತೆ ಇದೆ. ಭಾರತದ ಡಿಜಿಟಲ್ ಆರ್ಥಿಕತೆಯನ್ನು USD 1 ಟ್ರಿಲಿಯನ್ ಗುರಿಗೆ ಕೊಂಡೊಯ್ಯುವ ಚಿಂತನೆ ಪ್ರಸ್ತುತ ಚರ್ಚೆಯಲ್ಲಿದೆ.
* ಬಜೆಟ್ ಪೂರ್ವ ಸಭೆ 2026-27 ಸಂಚಲನಾತ್ಮಕ ಆರ್ಥಿಕ ಪರಿಸ್ಥಿತಿಯಲ್ಲಿ ಅತ್ಯಂತ ಮಹತ್ವದ್ದಾಗಿದ್ದು, ಭಾರತವನ್ನು ಆರ್ಥಿಕವಾಗಿ ಬಲಪಡಿಸುವ ದೀರ್ಘಾವಧಿಯ ಮಾರ್ಗಸೂಚಿ ರೂಪಿಸುವ ಚರ್ಚೆಗೆ ವೇದಿಕೆ ಒದಗಿಸಿದೆ.
* ವಿವಿಧ ವಲಯಗಳ ಅಭಿಪ್ರಾಯ ಮತ್ತು ಬೇಡಿಕೆಗಳನ್ನು ಬಜೆಟ್‌ನಲ್ಲಿ ಪ್ರತಿಬಿಂಬಿಸುವುದರ ಮೂಲಕ ದೇಶದ ಆರ್ಥಿಕ ದಿಕ್ಕನ್ನು ರೂಪಿಸಲಾಗುತ್ತದೆ.

Take Quiz

Loading..!

ಪ್ರಚಲಿತ ಘಟನೆಗಳು