* ರಿಮ್‌ಪ್ಯಾಕ್ ದಿ ಪೆಸಿಫಿಕ್ ಎಕ್ಸರ್ ಸೈಜ್(ರಿಮ್‌ಪ್ಯಾಕ್) -2024ರಲ್ಲಿ ಭಾಗವಹಿಸಿರುವ ಭಾರತೀಯ ನೌಕಾಪಡೆ (ಐಎನ್‌ಎ) ಇಡೀ ಜಗತ್ತಿನ ಮಿಲಿಟರಿ ಸಮರಾಭ್ಯಾಸಗಳಿಗೆ ಬಲವಾದ ಸಂದೇಶವನ್ನು ರವಾನಿಸಿದೆ.
* ರಿಮ್‌ಪ್ಯಾಕ್ ಕವಾಯತು ವಿಶ್ವದ ಅತಿ ದೊಡ್ಡ ಅಂತರಾಷ್ಟ್ರೀಯ ನೌಕಾ ಪಡೆಗಳ ಕವಾಯತು ಆಗಿವೆ. ಪ್ರಪಂಚದಾದ್ಯಂತದ ಪಡೆಗಳ ಬೃಹತ್ ಸಮೂಹವೇ ರಿಮ್‌ಪ್ಯಾಕ್ ಎಂದು ಕರೆಯಲಾಗುವ ಈ ಮಹಾ ಕಸರತ್ತಿನಲ್ಲಿ ಅನೇಕ ಪಡೆಗಳ ಸಮೂಹವೇ ಭಾಗವಹಿಸುತ್ತದೆ.
* ಆಗಸ್ಟ್ 1ರ ವರೆಗೆ ನಡೆಯಲಿರುವ 2024ರ ಕಸರತ್ತಿನಲ್ಲಿ 150ಕ್ಕೂ ಹೆಚ್ಚು ವಿಮಾನಗಳು, 40 ಹಡಗುಗಳು, 3 ಜಲಾಂತರ್ಗಾಮಿಗಳು, 29ಕ್ಕೂ ಹೆಚ್ಚು ದೇಶಗಳ ಯೋಧರು ಮತ್ತು ಒಟ್ಟು 25,000ಕ್ಕೂ ಅಧಿಕ ಜನರು ಭಾಗವಹಿಸಿದ್ದಾರೆ. ಹವಾಯಿ ದ್ವೀಪಗಳು. ಮಿಲಿಟರಿ ಶಕ್ತಿ ಮತ್ತು ಸಹಕಾರದ ಅಗಾಧ ಪ್ರದರ್ಶನದ ಕೇಂದ್ರ ಬಿಂದು ಆಗಿದೆ.
* ಜೂನ್ 27ರಿಂದ ಜುಲೈ 7ರವರೆಗೆ ಪರ್ಲ್ ಹಾರ್ಬರ್ ನಲ್ಲಿ  ಮೊದಲ ಹಂತದ ಶುರುವಾತಿನೊಂದಿಗೆ 2024ರ ರಿಮ್‌ಪ್ಯಾಕ್ ಕವಾಯತು ಶುರುವಾಗಿದೆ. ಇದಾದ ನಂತರ ಸಮುದ್ರದಲ್ಲಿ ತುಂಬಾ ಸೂಕ್ಷ್ಮ ಹಂತವನ್ನು ನಡೆಸಲಾಯಿತು. ಅಂತಿಮ ಹಂತವನ್ನು ಮೂರು ಚಿಕ್ಕ ವಿಭಾಗಗಳಾಗಿ ವಿಂಗಡಿಸಲಾಗುತ್ತದೆ.
* ಅತ್ಯಂತ ದೊಡ್ಡ ಜಾಗತಿಕ ಸಮರ ಡ್ರಿಲ್ ರಿಮ್‌ಪ್ಯಾಕ್ 1971ರಲ್ಲಿ ಆರಂಭವಾಯಿತು. ಅಮೆರಿಕ ನೌಕಾ ಪಡೆಯ ಪೆಸಿಫಿಕ್ ತಂಡ ಅದರ ನೇತೃತ್ವ ವಹಿಸಿತ್ತು.
* ಭಾರತೀಯ ನೇವಿ ತನ್ನ ಐಎನ್ಎಸ್ ಶಿವಾಲಿಕ್ ಸಮರ ನೌಕೆಯನ್ನು ಬಹುಮುಖ್ಯವಾದ ಮಿಲಿಟರಿ ಕೂಟ ಅಭ್ಯಾಸಕ್ಕೆ ಕಳಿಸಿದೆ. ಅತ್ಯಾಧುನಿಕವಾದ ಬಹು-ಪಾತ್ರ ನಿರ್ವಹಣೆಯ ಯುದ್ಧ ಹಡಗಾದ  ಮತ್ತು ನಿರ್ದೇಶಿತ ಕ್ಷಿಪಣಿಯ ಸಮರ ಫ್ರಿಗೇಟ್ ಆದ ಐಎನ್‌ಎಸ್ ಶಿವಾಲಿಕ್ ಅನ್ನು ಭಾರತದಲ್ಲೇ ಯೋಜಿಸಿ ದೇಶೀಯವಾಗಿ ನಿರ್ಮಿಸಲಾಗಿದೆ.
* ಡ್ರಿಲ್‌ನಲ್ಲಿ ಭಾಗವಹಿಸಲು ಐಎನ್‌ಎಸ್ ಶಿವಾಲಿಕ್ 9,000 ನಾಟಿಕಲ್ ಮೈಲಿನಷ್ಟು ಪ್ರಯಾಣಿಸಿರುವುದು ಭಾರತೀಯ ನೇವಿಯ ಸಾಮರ್ಥ್ಯದ ದ್ಯೋತಕವಾಗಿದೆ.