➤ ಹೊಸ ದೆಹಲಿ: 2026ರ ಜೂನ್ 21ರಂದು ಆಚರಿಸಲಾಗುವ 12ನೇ ಅಂತರರಾಷ್ಟ್ರೀಯ ಯೋಗ ದಿನದ (International Day of Yoga - IDY) ಹಿನ್ನೆಲೆಯಲ್ಲಿ, ಕೇಂದ್ರ ಆಯುಷ್ ಸಚಿವಾಲಯವು ದೆಹಲಿಯ ವಿಜ್ಞಾನ ಭವನದಲ್ಲಿ 'ಯೋಗ ಮಹೋತ್ಸವ-2026' ಅನ್ನು ಉದ್ಘಾಟಿಸುವ ಮೂಲಕ 100 ದಿನಗಳ ಕೌಂಟ್‌ಡೌನ್ ಅಭಿಯಾನಕ್ಕೆ ಅಧಿಕೃತ ಚಾಲನೆ ನೀಡಿದೆ. ಕೇಂದ್ರ ಆಯುಷ್ ಸಚಿವ ಶ್ರೀ ಪ್ರತಾಪರಾವ್ ಜಾಧವ್ ಅವರು ಆಯುಷ್ ಸಚಿವಾಲಯ ಮತ್ತು ಮೊರಾರ್ಜಿ ದೇಸಾಯಿ ರಾಷ್ಟ್ರೀಯ ಯೋಗ ಸಂಸ್ಥೆ (MDNIY) ಆಯೋಜಿಸಿದ್ದ 'ಯೋಗ ಮಹೋತ್ಸವ 2026' ಅನ್ನು ಉದ್ಘಾಟಿಸಿದರು.➤ ಈ 100 ದಿನಗಳ ಅವಧಿಯಲ್ಲಿ ದೇಶದ 100 ವಿವಿಧ ನಗರಗಳಲ್ಲಿ 100 ಸಂಸ್ಥೆಗಳ ಸಹಯೋಗದೊಂದಿಗೆ ಯೋಗ ಪ್ರಚಾರ ಕಾರ್ಯಕ್ರಮಗಳು ನಡೆಯಲಿವೆ. ಈ ಬಾರಿ 12ನೇ ಅಂತರರಾಷ್ಟ್ರೀಯ ಯೋಗ ದಿನವನ್ನು ದೇಶದ 100 ಪ್ರಮುಖ ಐತಿಹಾಸಿಕ ತಾಣಗಳಲ್ಲಿ (Iconic Locations) ಆಚರಿಸಲು ಯೋಜಿಸಲಾಗಿದೆ.➤ ಹೊಸ ಉಪಕ್ರಮಗಳು ಮತ್ತು ತಂತ್ರಜ್ಞಾನ:- ಬಾಹ್ಯ ಕಾಯಿಲೆಗಳಿಗೆ ಯೋಗ ಪ್ರೋಟೋಕಾಲ್ (Yoga for NCDs): ಅಸಾಂಕ್ರಾಮಿಕ ಕಾಯಿಲೆಗಳಾದ (Non-Communicable Diseases) ಮಧುಮೇಹ, ರಕ್ತದೊತ್ತಡ ಮುಂತಾದವುಗಳನ್ನು ನಿರ್ವಹಿಸಲು '10 ಯೋಗ ಪ್ರೋಟೋಕಾಲ್‌'ಗಳನ್ನು ಬಿಡುಗಡೆ ಮಾಡಲಾಗಿದೆ.- ವಿಮಾನ ಪ್ರಯಾಣಿಕರಿಗಾಗಿ ಯೋಗ (Yoga for Air Travel): ದೀರ್ಘಕಾಲದ ವಿಮಾನ ಪ್ರಯಾಣದ ಸಮಯದಲ್ಲಿ ಉಂಟಾಗುವ ಒತ್ತಡ ಮತ್ತು ಸ್ನಾಯು ಬಿಗಿತವನ್ನು ಕಡಿಮೆ ಮಾಡಲು 5 ನಿಮಿಷಗಳ 'ಸೀಟೆಡ್ ಯೋಗಾಸನ' ಮತ್ತು ಪ್ರಾಣಾಯಾಮದ ವಿಶೇಷ ಸರಣಿಯನ್ನು ಪರಿಚಯಿಸಲಾಗಿದೆ.- ಯೋಗ 365 ಅಭಿಯಾನ: ಪ್ರತಿದಿನ ಯೋಗಾಭ್ಯಾಸವನ್ನು ಉತ್ತೇಜಿಸಲು 'ಹ್ಯಾಬಿಲ್ಡ್' (Habuild) ಸಂಸ್ಥೆಯೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದ್ದು, ಉಚಿತ ಆನ್‌ಲೈನ್ ಸೆಷನ್‌ಗಳನ್ನು ನೀಡಲಾಗುತ್ತದೆ.- AI ತಂತ್ರಜ್ಞಾನದ ಬಳಕೆ: 'ಆಯುಷ್ ಗ್ರಿಡ್' ಅಡಿಯಲ್ಲಿ ಕೃತಕ ಬುದ್ಧಿಮತ್ತೆ (AI) ಆಧಾರಿತ ಪೋಸ್ಚರ್ ಕರೆಕ್ಷನ್ ಟೂಲ್ ಅಭಿವೃದ್ಧಿಪಡಿಸಲಾಗಿದ್ದು, ಇದು ಯೋಗಾಸನಗಳನ್ನು ಸರಿಯಾದ ಭಂಗಿಯಲ್ಲಿ ಮಾಡಲು ಸಹಾಯ ಮಾಡುತ್ತದೆ. ➤ ಅಂತರರಾಷ್ಟ್ರೀಯ ಯೋಗ ದಿನ: ಪ್ರಧಾನಿ ನರೇಂದ್ರ ಮೋದಿ ಅವರ ಪ್ರಸ್ತಾವನೆಯಂತೆ 2014ರಲ್ಲಿ ವಿಶ್ವಸಂಸ್ಥೆಯಿಂದ ಘೋಷಿಸಲ್ಪಟ್ಟು, 2015ರಿಂದ ಪ್ರತಿ ವರ್ಷ ಉತ್ತರ ಗೋಳಾರ್ಧದ ಸುದೀರ್ಘ ದಿನವಾದ ಜೂನ್ 21ರಂದು ಆಚರಿಸಲಾಗುತ್ತಿರುವ ಅಂತರರಾಷ್ಟ್ರೀಯ ಯೋಗ ದಿನದ ಉಸ್ತುವಾರಿಯನ್ನು ಕೇಂದ್ರ ಆಯುಷ್ ಸಚಿವಾಲಯವು ನೋಡಲ್ ಸಚಿವಾಲಯವಾಗಿ ವಹಿಸಿಕೊಂಡಿದ್ದು, ಈ ದಿನದಂದು ಜಗತ್ತಿನಾದ್ಯಂತ 'ಕಾಮನ್ ಯೋಗ ಪ್ರೋಟೋಕಾಲ್' (CYP) ಅಡಿಯಲ್ಲಿ ಪ್ರಮಾಣಿತ ಯೋಗಾಸನಗಳನ್ನು ಅಭ್ಯಾಸ ಮಾಡಲಾಗುತ್ತದೆ.
