ಕಂದಾಯ ಇಲಾಖೆ ಭರ್ಜರಿ ಲಾಟರಿ: 572 ಹೊಸ ಗ್ರಾಮ ಆಡಳಿತ ಅಧಿಕಾರಿ (VAO) ಹುದ್ದೆಗಳ ನೇರ ನೇಮಕಾತಿಗೆ ಆರ್ಥಿಕ ಇಲಾಖೆ ಒಪ್ಪಿಗೆ! ಜಿಲ್ಲಾವಾರು ಮಾಹಿತಿ ಇಲ್ಲಿದೆ

ಬೆಂಗಳೂರು: ಕರ್ನಾಟಕ ರಾಜ್ಯದ ಕಂದಾಯ ಇಲಾಖೆಯಲ್ಲಿ ಖಾಲಿ ಇರುವ ಒಟ್ಟು 572 ಗ್ರಾಮ ಆಡಳಿತ ಅಧಿಕಾರಿ (VAO) ಹುದ್ದೆಗಳನ್ನು ನೇರ ನೇಮಕಾತಿ ಮೂಲಕ ಭರ್ತಿ ಮಾಡಲು ಆರ್ಥಿಕ ಇಲಾಖೆಯು ಮಹತ್ವದ ಸಹಮತಿ ನೀಡಿದೆ. ಈ ಹಿನ್ನೆಲೆಯಲ್ಲಿ ಕಂದಾಯ ಇಲಾಖೆಯ ಅಪರ ಮುಖ್ಯ ಕಾರ್ಯದರ್ಶಿಯವರು ಅರ್ಹ ಅಭ್ಯರ್ಥಿಗಳ ನೇಮಕಾತಿ ಪ್ರಕ್ರಿಯೆಯನ್ನು ತ್ವರಿತವಾಗಿ ಆರಂಭಿಸಲು ರಾಜ್ಯದ ಜಿಲ್ಲಾಧಿಕಾರಿಗಳಿಗೆ ಇಂದೇ ಪ್ರಸ್ತಾವನೆ ಸಲ್ಲಿಸುವಂತೆ ಕಡಕ್ ಸೂಚನೆ ನೀಡಿದ್ದಾರೆ.  

 572 ಗ್ರಾಮ ಆಡಳಿತ ಅಧಿಕಾರಿ (VAO) ಹುದ್ದೆಗಳ ನೇಮಕಾತಿಗೆ ಶೀಘ್ರದಲ್ಲೇ ಅಧಿಸೂಚನೆ ಬಿಡುಗಡೆಯಾಗಲಿದೆ. ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಕರ್ನಾಟಕ ಕಂದಾಯ ಇಲಾಖೆ ಅಧಿಕೃತ ಅಧಿಸೂಚನೆ 2026 ರ ಮೂಲಕ ಗ್ರಾಮ ಆಡಳಿತ ಅಧಿಕಾರಿ (VAO) ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು. ಕರ್ನಾಟಕ ಸರ್ಕಾರದಲ್ಲಿ ವೃತ್ತಿಜೀವನವನ್ನು ಹುಡುಕುತ್ತಿರುವ ಉದ್ಯೋಗಾಕಾಂಕ್ಷಿಗಳು ಈ ಅವಕಾಶವನ್ನು ಬಳಸಿಕೊಳ್ಳಬಹುದು.

ಈ ಹೊಸ ನೇಮಕಾತಿಯ ಸಂಪೂರ್ಣ ಜಿಲ್ಲಾವಾರು ವಿವರ, ಆರ್ಥಿಕ ಇಲಾಖೆಯ ಆದೇಶ ಮತ್ತು ರೋಸ್ಟರ್ ನಿಯಮಗಳ ಸಂಪೂರ್ಣ ವಿಶ್ಲೇಷಣೆ ಇಲ್ಲಿದೆ.  

ಪ್ರಮುಖ ಮಾಹಿತಿ ಹಾಗೂ ಹೈಲೈಟ್ಸ್ : 

• ಹುದ್ದೆಯ ಹೆಸರುಗ್ರಾ : ಮ ಆಡಳಿತ ಅಧಿಕಾರಿ (Village Administrative Officer - VAO)  
• ಒಟ್ಟು ಅನುಮೋದಿತ ಹುದ್ದೆಗಳು : 572 ಹುದ್ದೆಗಳು  
• ನೇಮಕಾತಿ ವಿಧಾನ : ನೇರ ನೇಮಕಾತಿ (Direct Recruitment)  
• ಪ್ರಸ್ತುತ ಸ್ಟೇಟಸ್ : ಪ್ರಸ್ತಾವನೆ ಸಲ್ಲಿಕೆಗೆ ಜಿಲ್ಲಾಧಿಕಾರಿಗಳಿಗೆ ಆದೇಶ ಹೊರಡಿಸಲಾಗಿದೆ  

ಆರ್ಥಿಕ ಇಲಾಖೆಯ ಗ್ರೀನ್ ಸಿಗ್ನಲ್! 
ರಾಜ್ಯದಲ್ಲಿ ಆಡಳಿತಾತ್ಮಕ ಕೆಲಸಗಳು ಸುಗಮವಾಗಿ ನಡೆಯಲು ಮತ್ತು ಗ್ರಾಮ ಮಟ್ಟದಲ್ಲಿ ಸಾರ್ವಜನಿಕರಿಗೆ ಕಂದಾಯ ಸೇವೆಗಳು ವಿಳಂಬವಿಲ್ಲದೆ ತಲುಪಲು ಈ ಹುದ್ದೆಗಳ ಭರ್ತಿ ಅತ್ಯಗತ್ಯವಾಗಿತ್ತು. ಈ ಹಿನ್ನೆಲೆಯಲ್ಲಿ ಆರ್ಥಿಕ ಇಲಾಖೆಯು 2026ರ ಜೂನ್ 17ರ ಪತ್ರದ ಮೂಲಕ ಒಟ್ಟು 572 ಹುದ್ದೆಗಳ ನೇರ ನೇಮಕಾತಿಗೆ ಅಧಿಕೃತವಾಗಿ ಒಪ್ಪಿಗೆ ಸೂಚಿಸಿದೆ.  

ಕಂದಾಯ ಇಲಾಖೆಯು ಜೂನ್ 20, 2026 ರಂದು ರಾಜ್ಯದ ಪ್ರಮುಖ ಜಿಲ್ಲಾಧಿಕಾರಿಗಳಿಗೆ ಪತ್ರ ಬರೆದಿದ್ದು, ಪರಿಷ್ಕೃತ ರೋಸ್ಟರ್ ಬಿಂದು ಹಾಗೂ ಮೀಸಲಾತಿ ನಿಯಮಗಳನ್ನು ಅನ್ವಯಿಸಿ, ನಿಗದಿತ ನಮೂನೆ-6 ರಲ್ಲಿ ಅಗತ್ಯ ಮಾಹಿತಿಯೊಂದಿಗೆ ಇಂದೇ ಸರ್ಕಾರಕ್ಕೆ ಪ್ರಸ್ತಾವನೆ ಕಳುಹಿಸಿಕೊಡುವಂತೆ ಕಟ್ಟುನಿಟ್ಟಿನ ಆದೇಶ ಮಾಡಿದೆ. 

ಇದನ್ನು ಓದಿ :ಪಿಯುಸಿ (PUC) ಪಾಸ್ ಆದವರಿಗೆ ಪೊಲೀಸ್ ಆಗುವ ಸುವರ್ಣಾವಕಾಶ: 1600 ಸಶಸ್ತ್ರ ಪೊಲೀಸ್ ಕಾನ್ಸ್‌ಟೇಬಲ್ (APC) ಹುದ್ದೆಗಳಿಗೆ ಅರ್ಜಿ ಆಹ್ವಾನ;ಇಂದೇ ಅರ್ಜಿ ಸಲ್ಲಿಸಿ!

ಜಿಲ್ಲಾವಾರು ಖಾಲಿ ಇರುವ ಮತ್ತು ಭರ್ತಿ ಮಾಡಲಿರುವ ಹುದ್ದೆಗಳ ವಿವರ:
ಸರ್ಕಾರದ ಆದೇಶದ ಅನ್ವಯ, ವಿವಿಧ ಜಿಲ್ಲೆಗಳಲ್ಲಿ ಖಾಲಿ ಇರುವ ಒಟ್ಟು ಹುದ್ದೆಗಳು ಮತ್ತು ಪ್ರಸ್ತುತ ಈ ಹೊಸ ಅಧಿಸೂಚನೆಯಡಿ ನೇಮಕಾತಿಗಾಗಿ ಪರಿಗಣಿಸುತ್ತಿರುವ ಹುದ್ದೆಗಳ ಸಂಖ್ಯಾ ವಿವರಗಳು ಕೆಳಗಿನಂತಿವೆ:
ಗಮನಿಸಿ: ಅಧಿಕೃತ ಪತ್ರದ ತಾಂತ್ರಿಕ ವಿವರಗಳ ಆಧಾರದ ಮೇಲೆ ಜಿಲ್ಲಾವಾರು ಹಂಚಿಕೆಯನ್ನು ಪಟ್ಟಿ ಮಾಡಲಾಗಿದೆ.

ಪರಿಷ್ಕೃತ ರೋಸ್ಟರ್ ಮತ್ತು ಮೀಸಲಾತಿ ಅನ್ವಯ!
ಈ ನೇಮಕಾತಿಯಲ್ಲಿ ಅಭ್ಯರ್ಥಿಗಳಿಗೆ ಯಾವುದೇ ಗೊಂದಲ ಉಂಟಾಗದಂತೆ ತಡೆಯಲು ಕರ್ನಾಟಕ ಸರ್ಕಾರವು ಬಿಡುಗಡೆ ಮಾಡಿರುವ ಇತ್ತೀಚಿನ ಆದೇಶಗಳ ಸಂಖ್ಯೆ ಸಿಆಸುಇ 02 ಸೇಹಿಮ 2026 ಅನ್ವಯಮರುನಿಗದಿಪಡಿಸಲಾದ ಪರಿಷ್ಕೃತ ರೋಸ್ಟರ್ ಬಿಂದು ಹಾಗೂ ಹೊಸ ಮೀಸಲಾತಿ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಲಾಗುತ್ತದೆ. ಜಿಲ್ಲಾಧಿಕಾರಿಗಳು ನೀಡುವ ಅಂತಿಮ ಪ್ರಸ್ತಾವನೆಯ ನಂತರ, ಅಧಿಕೃತ ಅಧಿಸೂಚನೆ (Notification) ಶೀಘ್ರದಲ್ಲೇ ಪ್ರಕಟವಾಗಲಿದೆ.  

ಮುಂಬರುವ ಅಪ್ಡೇಟ್ಸ್: ಈ ಹುದ್ದೆಗಳಿಗೆ ಅರ್ಹತೆ ಏನು? ವಯೋಮಿತಿ ಎಷ್ಟು ಇರಬೇಕು? ಪರೀಕ್ಷಾ ವಿಧಾನ ಹೇಗಿರುತ್ತದೆ? ಮತ್ತು ಆನ್‌ಲೈನ್ ಅರ್ಜಿ ಸಲ್ಲಿಕೆ ಯಾವಾಗ ಆರಂಭವಾಗುತ್ತದೆ ಎಂಬ ಸಂಪೂರ್ಣ ವಿವರಗಳನ್ನು ಶೀಘ್ರದಲ್ಲೇ ನಮ್ಮ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗುವುದು.

ಪ್ರಚಲಿತ ಘಟನೆಗಳ ಆಧಾರಿತ ಪ್ರತಿದಿನದ ಹಾಗೂ ವಾರಾಂತ್ಯದ ಕ್ವಿಜ್ ನಲ್ಲಿ ಭಾಗವಹಿಸಲು ಇಲ್ಲಿ ಕ್ಲಿಕ್ ಮಾಡಿ 

ಕರ್ನಾಟಕದ ಕಂದಾಯ ಇಲಾಖೆಯ VAO ನೇಮಕಾತಿಯ ಅಧಿಕೃತ ಅಧಿಸೂಚನೆ, ಲಿಂಕ್‌ಗಳು ಮತ್ತು ಉದ್ಯೋಗ ಮಾಹಿತಿಯ ತ್ವರಿತ ಅಪ್ಡೇಟ್‌ಗಳಿಗಾಗಿ ನಿರಂತರವಾಗಿ ಭೇಟಿ ನೀಡಿ "KPSCVaani" ವೆಬ್‌ಸೈಟ್‌ಗೆ.

No. of posts:  572

Employment Type: FULL_TIME

Hiring Organization: Karnataka Revenue Department https://kandaya.karnataka.gov.in/

Work Location: Kandaya Bhavan, K.G. Road, Bengaluru,, ಬೆಂಗಳೂರು, KA, 560009