ಬ್ಯಾಂಕ್ ಉದ್ಯೋಗದ ಕನಸು ಕಾಣುತ್ತಿರುವ ಯುವಜನತೆಗೆ ಭರ್ಜರಿ ಸುದ್ದಿ: IBPS ನಿಂದ 7460 ಹುದ್ದೆಗಳಿಗೆ ಅರ್ಜಿ ಆಹ್ವಾನ! ಸಂಪೂರ್ಣ ಮಾಹಿತಿ ಇಲ್ಲಿದೆ

ನೀವು ಬ್ಯಾಂಕ್ ಉದ್ಯೋಗಕ್ಕಾಗಿ (Bank Jobs) ಎದುರು ನೋಡುತ್ತಿದ್ದೀರಾ? ಹಾಗಾದರೆ ನಿಮಗೊಂದು ಭರ್ಜರಿ ಸಿಹಿಸುದ್ದಿ. ಬ್ಯಾಂಕಿಂಗ್ ಸಿಬ್ಬಂದಿ ಆಯ್ಕೆ ಸಂಸ್ಥೆಯು (IBPS) 2026-27ನೇ ಸಾಲಿನ ಪ್ರೊಬೇಷನರಿ ಆಫೀಸರ್ (PO) ಮತ್ತು ಸ್ಪೆಷಲಿಸ್ಟ್ ಆಫೀಸರ್ (SO) ಹುದ್ದೆಗಳ ಭರ್ತಿಗೆ ಬೃಹತ್ ನೇಮಕಾತಿ ಅಧಿಸೂಚನೆ ಹೊರಡಿಸಿದೆ. 

ಬ್ಯಾಂಕಿಂಗ್ ಸಿಬ್ಬಂದಿ ಆಯ್ಕೆ ಸಂಸ್ಥೆಯು ಜುಲೈ 2026 ರ IBPS ಅಧಿಕೃತ ಅಧಿಸೂಚನೆಯ ಮೂಲಕ ಪ್ರೊಬೇಷನರಿ ಆಫೀಸರ್/ ಮ್ಯಾನೇಜ್ಮೆಂಟ್ ಟ್ರೈನಿ & ಸ್ಪೆಷಲಿಸ್ಟ್ ಆಫೀಸರ್ ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಿದೆ. ಅಖಿಲ ಭಾರತ ಸರ್ಕಾರದಲ್ಲಿ ವೃತ್ತಿಜೀವನವನ್ನು ಹುಡುಕುತ್ತಿರುವ ಉದ್ಯೋಗಾಕಾಂಕ್ಷಿಗಳು ಈ ಅವಕಾಶವನ್ನು ಬಳಸಿಕೊಳ್ಳಬಹುದು. ಆಸಕ್ತ ಅಭ್ಯರ್ಥಿಗಳು 21-ಜುಲೈ-2026 ರಂದು ಅಥವಾ ಮೊದಲು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು.

ಒಟ್ಟಾರೆ 7460 ಹುದ್ದೆಗಳು ಖಾಲಿ ಇದ್ದು, ಅರ್ಹ ಹಾಗೂ ಆಸಕ್ತ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ. ಇದರ ಸಂಪೂರ್ಣ ವಿವರ ಇಲ್ಲಿದೆ, ತಪ್ಪದೇ ಓದಿ.

ಹುದ್ದೆಗಳ ಸಂಕ್ಷಿಪ್ತ ವಿವರ (Vacancy Details)

• ಒಟ್ಟು ಎರಡು ಪ್ರತ್ಯೇಕ ಅಧಿಸೂಚನೆಗಳನ್ನು ಹೊರಡಿಸಲಾಗಿದ್ದು, ಖಾಲಿ ಹುದ್ದೆಗಳ ವಿವರ ಈ ಕೆಳಗಿನಂತಿದೆ:
• IBPS PO/MT (ಪ್ರೊಬೇಷನರಿ ಆಫೀಸರ್/ ಮ್ಯಾನೇಜ್ಮೆಂಟ್ ಟ್ರೈನಿ): 6715 ಹುದ್ದೆಗಳು  IBPS SO (ಸ್ಪೆಷಲಿಸ್ಟ್ ಆಫೀಸರ್): 745 ಹುದ್ದೆಗಳು
• IT ಆಫೀಸರ್, ಅಗ್ರಿಕಲ್ಚರಲ್ ಫೀಲ್ಡ್ ಆಫೀಸರ್, ಲಾ (Law) ಆಫೀಸರ್, HR/ಪರ್ಸನಲ್ ಆಫೀಸರ್, ಮಾರ್ಕೆಟಿಂಗ್ ಆಫೀಸರ್ ಹಾಗೂ ರಾಜಭಾಷಾ ಅಧಿಕಾರಿ ಮುಂತಾದ ಹುದ್ದೆಗಳು ಇದರಲ್ಲಿ ಸೇರಿವೆ.

ಇದನ್ನು ಓದಿ : ಗುಡ್ ನ್ಯೂಸ್: ಬ್ಯಾಂಕ್ ಆಫ್ ಇಂಡಿಯಾ (BOI) ದಲ್ಲಿ 779 ಕ್ರೆಡಿಟ್ ಆಫೀಸರ್ ಹುದ್ದೆಗಳ ಬೃಹತ್ ನೇಮಕಾತಿ! ತಿಂಗಳಿಗೆ ₹1.20 ಲಕ್ಷದವರೆಗೆ ವೇತನ!

ಪ್ರಮುಖ ದಿನಾಂಕಗಳು (Important Dates)

• ನಿಮ್ಮ ಕ್ಯಾಲೆಂಡರ್‌ನಲ್ಲಿ ಈ ದಿನಾಂಕಗಳನ್ನು ಗುರುತಿಸಿಟ್ಟುಕೊಳ್ಳಿ:
• ಆನ್‌ಲೈನ್ ಅರ್ಜಿ ಸಲ್ಲಿಕೆ ಪ್ರಾರಂಭ ದಿನಾಂಕ: 01-07-2026  
• ಆನ್‌ಲೈನ್ ಅರ್ಜಿ ಸಲ್ಲಿಕೆಗೆ ಕೊನೆಯ ದಿನಾಂಕ: 21-07-2026  
• ಅರ್ಜಿ ಶುಲ್ಕ ಪಾವತಿಸಲು ಕೊನೆಯ ದಿನಾಂಕ: 21-07-2026  
• ಪೂರ್ವಭಾವಿ ಪರೀಕ್ಷೆ (Prelims Exam): ಆಗಸ್ಟ್ 2026  
• ಮುಖ್ಯ ಪರೀಕ್ಷೆ (Mains Exam): ಅಕ್ಟೋಬರ್/ನವೆಂಬರ್ 2026 

 ವಯೋಮಿತಿ (Age Limit) (01.07.2026 ರಂತೆ):  

• ಕನಿಷ್ಠ ವಯಸ್ಸು: 20 ವರ್ಷಗಳು  
• ಗರಿಷ್ಠ ವಯಸ್ಸು: 30 ವರ್ಷಗಳು  
• (ಸರ್ಕಾರದ ನಿಯಮಗಳ ಪ್ರಕಾರ SC/ST ಅಭ್ಯರ್ಥಿಗಳಿಗೆ 5 ವರ್ಷ, OBC ಅಭ್ಯರ್ಥಿಗಳಿಗೆ 3 ವರ್ಷ ಹಾಗೂ PwBD ಅಭ್ಯರ್ಥಿಗಳಿಗೆ 10 ವರ್ಷಗಳ ವಯೋಮಿತಿ ಸಡಿಲಿಕೆ ಇರುತ್ತದೆ). 

ಶೈಕ್ಷಣಿಕ ಅರ್ಹತೆ (Educational Qualification):

• PO ಹುದ್ದೆಗಳಿಗೆ: ಸರ್ಕಾರದಿಂದ ಮಾನ್ಯತೆ ಪಡೆದ ಯಾವುದೇ ವಿಶ್ವವಿದ್ಯಾಲಯದಿಂದ ಯಾವುದೇ ವಿಷಯದಲ್ಲಿ ಪದವಿ (Graduation/Degree) ಮುಗಿಸಿರಬೇಕು.  
• SO ಹುದ್ದೆಗಳಿಗೆ: ಹುದ್ದೆಗಳಿಗೆ ಅನುಗುಣವಾಗಿ ಸಂಬಂಧಪಟ್ಟ ವಿಷಯದಲ್ಲಿ ಪದವಿ/ಸ್ನಾತಕೋತ್ತರ ಪದವಿ (ಉದಾ: IT ಆಫೀಸರ್‌ಗೆ ಇಂಜಿನಿಯರಿಂಗ್/ಪೋಸ್ಟ್ ಗ್ರಾಜುಯೇಶನ್, ಅಗ್ರಿಕಲ್ಚರಲ್ ಆಫೀಸರ್‌ಗೆ 4 ವರ್ಷದ ಕೃಷಿ/ಅನುಬಂಧಿತ ಪದವಿ, ಲಾ ಆಫೀಸರ್‌ಗೆ LL.B ಇತ್ಯಾದಿ) ಪಡೆದಿರಬೇಕು. (ಎಲ್ಲಾ ಹುದ್ದೆಗಳ ಶೈಕ್ಷಣಿಕ ಅರ್ಹತೆಯ ಫಲಿತಾಂಶವು 21.07.2026 ರೊಳಗೆ ಪ್ರಕಟವಾಗಿರಬೇಕು).

ಅರ್ಜಿ ಶುಲ್ಕ (Application Fee)
ಆನ್‌ಲೈನ್ ಮೂಲಕ ಮಾತ್ರ ಶುಲ್ಕ ಪಾವತಿಸಲು ಅವಕಾಶವಿದೆ:  

• SC/ST/PwBD ಅಭ್ಯರ್ಥಿಗಳಿಗೆ: ₹175/- (GST ಸೇರಿ)  
• ಇತರೆ ಎಲ್ಲಾ ಅಭ್ಯರ್ಥಿಗಳಿಗೆ (General/OBC/EWS): ₹850/- (GST ಸೇರಿ)

KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

ಆಯ್ಕೆ ಪ್ರಕ್ರಿಯೆ (Selection Process)
ಈ ನೇಮಕಾತಿಯು 3 ಪ್ರಮುಖ ಹಂತಗಳನ್ನು ಒಳಗೊಂಡಿರುತ್ತದೆ:

• ಪೂರ್ವಭಾವಿ ಪರೀಕ್ಷೆ (Preliminary Exam): ಆನ್‌ಲೈನ್ ಮೂಲಕ ನಡೆಯುವ ವಸ್ತುನಿಷ್ಠ (Objective) ಪರೀಕ್ಷೆ.  
• ಮುಖ್ಯ ಪರೀಕ್ಷೆ (Main Exam): ಇದರಲ್ಲಿ ವಸ್ತುನಿಷ್ಠ ಹಾಗೂ ವಿವರಣಾತ್ಮಕ (Descriptive) ಪ್ರಶ್ನೆಗಳಿರುತ್ತವೆ.  
• ಸಂದರ್ಶನ (Interview): ಮುಖ್ಯ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರನ್ನು ಸಂದರ್ಶನಕ್ಕೆ ಕರೆಯಲಾಗುತ್ತದೆ. 

ಅರ್ಜಿ ಸಲ್ಲಿಸುವುದು ಹೇಗೆ? (How to Apply)

1. ಮೊದಲಿಗೆ IBPS ನ ಅಧಿಕೃತ ವೆಬ್‌ಸೈಟ್ www.ibps.in ಗೆ ಭೇಟಿ ನೀಡಿ.  ಮುಖಪುಟದಲ್ಲಿ "CRP PO/MT" ಅಥವಾ "CRP SPL" ಲಿಂಕ್ ಮೇಲೆ ಕ್ಲಿಕ್ ಮಾಡಿ.  
2. ಹೊಸ ಅಭ್ಯರ್ಥಿಗಳು "CLICK HERE FOR NEW REGISTRATION" ಮೇಲೆ ಕ್ಲಿಕ್ ಮಾಡಿ ನೋಂದಣಿ ಮಾಡಿಕೊಳ್ಳಿ.  
3. ಅಗತ್ಯವಿರುವ ಎಲ್ಲಾ ಮಾಹಿತಿಯನ್ನು ಎಚ್ಚರಿಕೆಯಿಂದ ಭರ್ತಿ ಮಾಡಿ.  
4. ನಿಮ್ಮ ಇತ್ತೀಚಿನ ಭಾವಚಿತ್ರ (Photo), ಸಹಿ (Signature), ಎಡಗೈ ಹೆಬ್ಬೆರಳಿನ ಗುರುತು (Left thumb impression) ಮತ್ತು ಕೈಬರಹದ ಘೋಷಣೆಯನ್ನು (Hand-written declaration) ಸ್ಕ್ಯಾನ್ ಮಾಡಿ ಅಪ್‌ಲೋಡ್ ಮಾಡಿ.ವೆಬ್‌ಕ್ಯಾಮ್ ಅಥವಾ ಮೊಬೈಲ್ ಮೂಲಕ ನಿಮ್ಮ ಲೈವ್ ಫೋಟೋವನ್ನು (Live photograph) ಕೂಡ ಕ್ಯಾಪ್ಚರ್ ಮಾಡಿ ಅಪ್‌ಲೋಡ್ ಮಾಡಬೇಕಾಗುತ್ತದೆ
5. ಕೊನೆಯದಾಗಿ ಆನ್‌ಲೈನ್ ಮೂಲಕ ಅರ್ಜಿ ಶುಲ್ಕವನ್ನು ಪಾವತಿಸಿ ಮತ್ತು ಅಪ್ಲಿಕೇಶನ್ ಫಾರ್ಮ್‌ನ ಪ್ರಿಂಟ್ ತೆಗೆದುಕೊಳ್ಳಿ.

KPSCVaani ಓದುಗರಿಗೆ ವಿಶೇಷ ಸೂಚನೆ: ಯಾವುದೇ ಆತುರ ಮಾಡದೇ, ಅಧಿಕೃತ ನೋಟಿಫಿಕೇಶನ್ ಅನ್ನು ಸಂಪೂರ್ಣವಾಗಿ ಓದಿ, ನಂತರವೇ ಅರ್ಜಿ ಸಲ್ಲಿಸಿ. ಇದು ನಿಮ್ಮ ಉಜ್ವಲ ಭವಿಷ್ಯದ ಅವಕಾಶ!

No. of posts:  7460

Application Start Date:  1 ಜುಲೈ 2026

Application End Date:  21 ಜುಲೈ 2026

Last Date for Payment:  21 ಜುಲೈ 2026

Employment Type: FULL_TIME

Hiring Organization: IBPS https://www.ibps.in/

Work Location: IBPS House, 90 Feet D.P. Road Thakur Complex, Off Western Express Highway Kandivali, Mumbai, MH, 400101