ರಾಷ್ಟ್ರೀಯ ಮಾನಸಿಕ ಆರೋಗ್ಯ ಮತ್ತು ನರವಿಜ್ಞಾನ ಸಂಸ್ಥೆ (NIMHANS - ನಿಮ್ಹಾನ್ಸ್), ಬೆಂಗಳೂರು ಇಲ್ಲಿ ಖಾಲಿ ಇರುವ ವಿವಿಧ ಹುದ್ದೆಗಳನ್ನು ಭರ್ತಿ ಮಾಡಲು ಅಧಿಕೃತ ಅಧಿಸೂಚನೆ ಹೊರಡಿಸಿ ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಿದೆ. ಉದ್ಯೋಗದ ನಿರೀಕ್ಷೆಯಲ್ಲಿರುವ ಕರ್ನಾಟಕದ ಯುವಜನತೆಗೆ ಇದು ಭರ್ಜರಿ ಸಿಹಿಸುದ್ದಿಯಾಗಿದೆ.
 
ಈ ನೇಮಕಾತಿ ಅಡಿಯಲ್ಲಿ SKAN ಅನುದಾನಿತ ಪ್ರಾಜೆಕ್ಟ್ ಅಡಿಯಲ್ಲಿ, ಗುತ್ತಿಗೆ ಆಧಾರದ ಮೇಲೆ (Contract Basis) 8 'ಫೀಲ್ಡ್ ಕೋ-ಆರ್ಡಿನೇಟರ್' ಮತ್ತು 'ಫೀಲ್ಡ್ ಡೇಟಾ ಕಲೆಕ್ಟರ್' ಹುದ್ದೆಗಳಿಗೆ ನೇರ ಸಂದರ್ಶನ (Walk-in Selection) ನಡೆಯಲಿದೆ. ಯಾವುದೇ ಪದವಿ ಅಥವಾ ಸ್ನಾತಕೋತ್ತರ ಪದವಿ ಮುಗಿಸಿ, ಬೆಂಗಳೂರು ಅಥವಾ ಕೋಲಾರ (ಮುಳಬಾಗಿಲು) ಭಾಗದಲ್ಲಿ ಕೆಲಸ ಹುಡುಕುತ್ತಿರುವ ಅಭ್ಯರ್ಥಿಗಳಿಗೆ ಇದೊಂದು ಉತ್ತಮ ಅವಕಾಶವಾಗಿದೆ.

ಬೆಂಗಳೂರು - ಕರ್ನಾಟಕ ಸರ್ಕಾರದಲ್ಲಿ ವೃತ್ತಿಜೀವನವನ್ನು ಹುಡುಕುತ್ತಿರುವ ಉದ್ಯೋಗಾಕಾಂಕ್ಷಿಗಳು ಈ ಅವಕಾಶವನ್ನು ಬಳಸಿಕೊಳ್ಳಬಹುದು. ಆಸಕ್ತ ಅಭ್ಯರ್ಥಿಗಳು 28-ಮಾರ್ಚ್-2026 ರಂದು ವಾಕ್-ಇನ್-ಇಂಟರ್ವ್ಯೂಗೆ ಹಾಜರಾಗಬಹುದು. ಈ ಹುದ್ದೆಗಳನ್ನು ಗುತ್ತಿಗೆ ಆಧಾರದ ಮೇಲೆ ನೇಮಕ ಮಾಡಿಕೊಳ್ಳಲಾಗುತ್ತದೆ. 

ಕೆಪಿಎಸ್‌ಸಿ ವಾಣಿ (KPSCVaani) ಓದುಗರಿಗಾಗಿ ಈ ನೇಮಕಾತಿಯ ಕುರಿತಾದ ಶೈಕ್ಷಣಿಕ ಅರ್ಹತೆ, ವಯೋಮಿತಿ, ವೇತನ ಮತ್ತು ಸಂದರ್ಶನದ ವಿವರಗಳನ್ನು ಇಲ್ಲಿ ಸಂಪೂರ್ಣವಾಗಿ ವಿವರಿಸಲಾಗಿದೆ.

ನೇಮಕಾತಿ ಸಂಕ್ಷಿಪ್ತ ವಿವರ (Job Overview):

• ಸಂಸ್ಥೆಯ ಹೆಸರು: ರಾಷ್ಟ್ರೀಯ ಮಾನಸಿಕ ಆರೋಗ್ಯ ಮತ್ತು ನರವಿಜ್ಞಾನ ಸಂಸ್ಥೆ (NIMHANS) 
• ಹುದ್ದೆಗಳ ಹೆಸರು: ಫೀಲ್ಡ್ ಕೋ-ಆರ್ಡಿನೇಟರ್ ಮತ್ತು ಫೀಲ್ಡ್ ಡೇಟಾ ಕಲೆಕ್ಟರ್ 
• ಒಟ್ಟು ಹುದ್ದೆಗಳು: 08 
• ಉದ್ಯೋಗ ಸ್ಥಳ: ಬೆಂಗಳೂರು ಮತ್ತು ಮುಳಬಾಗಿಲು (ಕೋಲಾರ) 
• ಆಯ್ಕೆ ಪ್ರಕ್ರಿಯೆ: ಲಿಖಿತ ಪರೀಕ್ಷೆ / ನೇರ ಸಂದರ್ಶನ (Walk-in-Interview) 
• ಸಂದರ್ಶನದ ದಿನಾಂಕ: 28 ಮಾರ್ಚ್ 2026 

ಹುದ್ದೆವಾರು ವಿವರಗಳು (Post-wise Details):
1. ಫೀಲ್ಡ್ ಕೋ-ಆರ್ಡಿನೇಟರ್ (Field Coordinator) - 01 ಹುದ್ದೆ 

• ಶೈಕ್ಷಣಿಕ ಅರ್ಹತೆ: ಸೈಕಾಲಜಿ / ಸಮಾಜ ಕಾರ್ಯ (Social Work) / ಸಮಾಜಶಾಸ್ತ್ರ (Sociology) ಅಥವಾ ಸಂಬಂಧಿತ ವಿಷಯಗಳಲ್ಲಿ ಸ್ನಾತಕೋತ್ತರ ಪದವಿ (Master Degree) ಪಡೆದಿರಬೇಕು.
• ಅಗತ್ಯ ಅನುಭವ: ಕಮ್ಯುನಿಟಿ ಬೇಸ್ಡ್ ಸರ್ವೆ (Community-based survey) ಮತ್ತು ಡೇಟಾ ಕಲೆಕ್ಷನ್‌ನಲ್ಲಿ ಅನುಭವ ಇರಬೇಕು. ಕನ್ನಡ ಓದಲು, ಬರೆಯಲು ಮತ್ತು ಮಾತನಾಡಲು ಕಡ್ಡಾಯವಾಗಿ ಬರಬೇಕು.
• ವೇತನ: ತಿಂಗಳಿಗೆ ₹30,000/- (Consolidated).
• ವಯೋಮಿತಿ: ಗರಿಷ್ಠ 35 ವರ್ಷಗಳು.
• ಉದ್ಯೋಗ ಸ್ಥಳ: ಮುಳಬಾಗಿಲು (Mulbagal).

2. ಫೀಲ್ಡ್ ಡೇಟಾ ಕಲೆಕ್ಟರ್ (Field Data Collector) - 07 ಹುದ್ದೆಗಳು 

• ಶೈಕ್ಷಣಿಕ ಅರ್ಹತೆ: ಸೈಕಾಲಜಿ / ಸಮಾಜ ಕಾರ್ಯ / ಸಮಾಜಶಾಸ್ತ್ರ / ಗ್ರಾಮೀಣಾಭಿವೃದ್ಧಿ / ಮಹಿಳಾ ಅಧ್ಯಯನ, ಬಿ.ಎಸ್ಸಿ (BSc), DMLT, ANM, GNM ವಿಭಾಗಗಳಲ್ಲಿ ಪದವಿ. ಅಥವಾ ಯಾವುದೇ ಪದವಿ (Any Degree) ಮುಗಿಸಿದವರು ಕೂಡ ಈ ಹುದ್ದೆಗೆ ಭಾಗವಹಿಸಬಹುದು.
• ಭಾಷಾ ಜ್ಞಾನ: ಅಭ್ಯರ್ಥಿಗಳಿಗೆ ಕನ್ನಡ ಮತ್ತು ಇಂಗ್ಲಿಷ್ ಭಾಷೆಗಳ ಜ್ಞಾನ ಕಡ್ಡಾಯ. ಜೊತೆಗೆ ತಮಿಳು, ತೆಲುಗು ಮತ್ತು ಹಿಂದಿ ಭಾಷೆಗಳಲ್ಲಿ ಯಾವುದಾದರೂ ಒಂದು ಭಾಷೆ ತಿಳಿದಿದ್ದರೆ ಆದ್ಯತೆ ನೀಡಲಾಗುತ್ತದೆ.
• ವೇತನ: ತಿಂಗಳಿಗೆ ₹20,000/- (Consolidated).
• ವಯೋಮಿತಿ: ಗರಿಷ್ಠ 40 ವರ್ಷಗಳು.
• ಉದ್ಯೋಗ ಸ್ಥಳ: ಬೆಂಗಳೂರು ಅಥವಾ ಮುಳಬಾಗಿಲು.

ಹುದ್ದೆಯ ಅವಧಿ ಮತ್ತು ಕೆಲಸದ ಸ್ವರೂಪ (Job Profile & Duration):

• ಅವಧಿ: ಆರಂಭಿಕವಾಗಿ 6 ತಿಂಗಳ ಅವಧಿಗೆ ನೇಮಕಾತಿ ಮಾಡಿಕೊಳ್ಳಲಾಗುತ್ತದೆ. ಅಭ್ಯರ್ಥಿಯ ಕಾರ್ಯಕ್ಷಮತೆಯ ಆಧಾರದ ಮೇಲೆ ಪ್ರಾಜೆಕ್ಟ್ ಮುಗಿಯುವವರೆಗೆ ಪ್ರತಿ 6 ತಿಂಗಳಿಗೊಮ್ಮೆ ಅವಧಿಯನ್ನು ನವೀಕರಿಸಲಾಗುತ್ತದೆ (Renewable).
• ಕೆಲಸದ ಸ್ವರೂಪ: ಫೀಲ್ಡ್ ಡೇಟಾ ಕಲೆಕ್ಷನ್, ಸರ್ಕಾರಿ ಅಧಿಕಾರಿಗಳೊಂದಿಗೆ ಸಮನ್ವಯ, ಡಿಜಿಟಲ್ ಪ್ಲಾಟ್‌ಫಾರ್ಮ್‌ನಲ್ಲಿ ಡೇಟಾ ಎಂಟ್ರಿ ಮಾಡುವುದು, ವರದಿ ತಯಾರಿಸುವುದು ಮತ್ತು ಜೈವಿಕ ಮಾದರಿಗಳ (Biological specimens) ಸಂಗ್ರಹಣೆಯಲ್ಲಿ ಸಹಾಯ ಮಾಡುವುದು ಪ್ರಮುಖ ಜವಾಬ್ದಾರಿಯಾಗಿರುತ್ತದೆ.

ಪ್ರಚಲಿತ ಘಟನೆಗಳ ಆಧಾರಿತ ಪ್ರತಿದಿನದ ಹಾಗೂ ವಾರಾಂತ್ಯದ ಕ್ವಿಜ್ ನಲ್ಲಿ ಭಾಗವಹಿಸಲು ಇಲ್ಲಿ ಕ್ಲಿಕ್ ಮಾಡಿ

ನೇರ ಸಂದರ್ಶನದ ವಿವರಗಳು (Walk-in Interview Details):
ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ತಮ್ಮ ನವೀಕರಿಸಿದ ರೆಸ್ಯೂಮ್ (Resume), ಮೂಲ ದಾಖಲೆಗಳು (Original Testimonials) ಹಾಗೂ ಒಂದು ಸೆಟ್ ಸ್ವಯಂ-ದೃಢೀಕೃತ (Self-attested) ಜೆರಾಕ್ಸ್ ಪ್ರತಿಗಳೊಂದಿಗೆ ಈ ಕೆಳಗಿನ ವಿಳಾಸಕ್ಕೆ ನೇರ ಸಂದರ್ಶನಕ್ಕೆ ಹಾಜರಾಗಬಹುದು.

• ಸಂದರ್ಶನದ ದಿನಾಂಕ: 28.03.2026 (ಮಾರ್ಚ್ 28, 2026) 
• ಸಮಯ: ಬೆಳಿಗ್ಗೆ 10:30 ಗಂಟೆಗೆ 
• ಸಂದರ್ಶನದ ಸ್ಥಳ (Venue): Board Room & Exam Hall, NBRC Building 4th Floor, NIMHANS Bengaluru - 560029. (ಬೋರ್ಡ್ ರೂಮ್ & ಎಕ್ಸಾಮ್ ಹಾಲ್, NBRC ಬಿಲ್ಡಿಂಗ್, 4ನೇ ಮಹಡಿ, ನಿಮ್ಹಾನ್ಸ್, ಬೆಂಗಳೂರು-560029)

ಅಭ್ಯರ್ಥಿಗಳಿಗೆ ಪ್ರಮುಖ ಸೂಚನೆಗಳು (Important Instructions):

• ಅಭ್ಯರ್ಥಿಗಳು ಲಿಖಿತ ಪರೀಕ್ಷೆ / ಸಂದರ್ಶನ ಪ್ರಾರಂಭವಾಗುವ 30 ನಿಮಿಷಗಳ ಮೊದಲು ಸ್ಥಳದಲ್ಲಿ ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಬೇಕು.
• ಸಂದರ್ಶನಕ್ಕೆ ಹಾಜರಾಗಲು ಯಾವುದೇ ಪ್ರಯಾಣ ಭತ್ಯೆ (TA/DA) ನೀಡಲಾಗುವುದಿಲ್ಲ.
• ಸ್ಕಿಲ್ ಟೆಸ್ಟ್ / ಸಂದರ್ಶನಕ್ಕೆ ಅರ್ಹತೆ ಪಡೆಯಲು, ಲಿಖಿತ ಪರೀಕ್ಷೆಯಲ್ಲಿ (ನಡೆಸಿದರೆ) ಕನಿಷ್ಠ 50% ಅಂಕಗಳನ್ನು ಗಳಿಸುವುದು ಕಡ್ಡಾಯವಾಗಿದೆ.
• ನೇರ ಸಂದರ್ಶನದ ಸಂದರ್ಭದಲ್ಲಿಯೂ ಅಭ್ಯರ್ಥಿಯು ಕನಿಷ್ಠ 50% ಅಂಕಗಳನ್ನು ಗಳಿಸಬೇಕು.

ಉದ್ಯೋಗಾಕಾಂಕ್ಷಿಗಳಿಗೆ ಇದೊಂದು ಉತ್ತಮ ಅವಕಾಶವಾಗಿದೆ. ಈ ಉಪಯುಕ್ತ ಮಾಹಿತಿಯನ್ನು ಉದ್ಯೋಗ ಹುಡುಕುತ್ತಿರುವ ನಿಮ್ಮ ಸ್ನೇಹಿತರಿಗೂ ಶೇರ್ ಮಾಡಿ. ದಿನನಿತ್ಯದ ಉದ್ಯೋಗ ಮಾಹಿತಿಗಾಗಿ KPSCVaani ವೆಬ್‌ಸೈಟ್‌ಗೆ ಭೇಟಿ ನೀಡುತ್ತಿರಿ.