➤ ಪ್ರತಿ ವರ್ಷ ಫೆಬ್ರವರಿ 13ರಂದು ರೇಡಿಯೊ ಮಹತ್ವದ ಬಗ್ಗೆ ಜನ ಜಾಗೃತಿ ಮೂಡಿಸಲು ಮತ್ತು ರೇಡಿಯೊ ಮೂಲಕ ಮಾಹಿತಿ- ಪ್ರಸಾರವನ್ನು ಉತ್ತೇಜಿಸಲು ವಿಶ್ವ ರೇಡಿಯೋ ದಿನ ಆಚರಿಸಲಾಗುತ್ತದೆ. ➤ ಪ್ರತಿ ವರ್ಷ ಯುನೆಸ್ಕೋ (UNESCO) ಒಂದು ನಿರ್ದಿಷ್ಟ ವಿಷಯದೊಂದಿಗೆ ಈ ದಿನವನ್ನು ಆಚರಿಸುತ್ತದೆ. 2026ರ ವಿಶ್ವ ರೇಡಿಯೋ ದಿನದ ಥೀಮ್ (Theme) : "ರೇಡಿಯೋ ಮತ್ತು ಕೃತಕ ಬುದ್ಧಿಮತ್ತೆ: ಎಐ ಒಂದು ಸಾಧನವೇ ಹೊರತು ಧ್ವನಿಯಲ್ಲ(Radio and Artificial Intelligence: AI is a tool, not a voice)" ಎಂಬುವುದಾಗಿದೆ.  ಈ ವರ್ಷದ ಥೀಮ್ ರೇಡಿಯೋ ಕ್ಷೇತ್ರದಲ್ಲಿ ಎಐ (Artificial Intelligence) ತಂತ್ರಜ್ಞಾನದ ಬಳಕೆಯನ್ನು ಉತ್ತೇಜಿಸುತ್ತಲೇ, ಮಾನವ ಸಂವೇದನೆ ಮತ್ತು ವಿಶ್ವಾಸಾರ್ಹತೆ ರೇಡಿಯೋದ ಜೀವಾಳ ಎಂಬ ಸಂದೇಶವನ್ನು ನೀಡುತ್ತದೆ.➤ ಫೆಬ್ರವರಿ 13 ರಂದು 1946 ರಲ್ಲಿ ಅಮೆರಿಕದಲ್ಲಿ ಮೊದಲ ರೇಡಿಯೋ ಪ್ರಸರಣ ಸಂದೇಶವನ್ನು ಕಳುಹಿಸಲಾಯಿತು. 2010ರಲ್ಲಿ ಸ್ಪೇನ್‌ನ ಸ್ಪ್ಯಾನಿಷ್ ರೇಡಿಯೋ ಅಕಾಡೆಮಿಯು ಅದೇ ದಿನದಂದು ವಿಶ್ವ ರೇಡಿಯೋ ದಿನವನ್ನು ಆಚರಿಸುವ ಬಗ್ಗೆ ತನ್ನ ಅಭಿಪ್ರಾಯವನ್ನು ಯುನೆಸ್ಕೋದ ಮುಂದೆ ಪ್ರಸ್ತಾಪಿಸಲಾಯಿತು. ➤  2012 ರಲ್ಲಿ ನಡೆದ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ರೇಡಿಯೋ ದಿನವು ಆಚರಿಸಲು ಮುಂದಾಯಿತು. ಹಾಗಾಗಿ 2012ರ ಫೆಬ್ರವರಿ 13ರಿಂದ ಪ್ರತಿ ವರ್ಷವು ವಿಶ್ವ ರೇಡಿಯೋ ದಿನವನ್ನು ಆಚರಿಸಿಕೊಂಡು ಬರಲಾಗುತ್ತಿದೆ. ➤ ಭಾರತದಲ್ಲಿ ರೇಡಿಯೋ ಪ್ರಸಾರವು ಆಕಾಶವಾಣಿ ಅಸ್ತಿತ್ವಕ್ಕೆ ಬರುವ ಸರಿಸುಮಾರು 13 ವರ್ಷಗಳ ಮೊದಲೇ ಪ್ರಾರಂಭವಾಯಿತು. ಬಾಂಬೆಯ ರೇಡಿಯೋ ಕ್ಲಬ್ ಜೂನ್ 1923 ರಲ್ಲಿ ಭಾರತದಲ್ಲಿ ಮೊದಲ ರೇಡಿಯೋ ಪ್ರಸಾರವನ್ನು ಮಾಡಿತು. ಸರ್ ಜಗದೀಶ್ ಚಂದ್ರ ಬೋಸ್ (1858-1937) ಭಾರತದ ರೇಡಿಯೋ ವಿಜ್ಞಾನದ ಪಿತಾಮಹ ಎಂದು ಕರೆಯುತ್ತಾರೆ➤ ಇಟಲಿಯ ಪ್ರಸಿದ್ಧ ವಿಜ್ಞಾನಿ ಗುಗ್ಲಿ ಎಲ್ಮೊ ಮಾರ್ಕೋನಿ (Guglielmo Marconi) ಅವರು ರೇಡಿಯೋವನ್ನು ಕಂಡುಹಿಡಿದರು.➤ ಭಾರತದಲ್ಲಿ ರೇಡಿಯೋ ಕೇವಲ ಮನರಂಜನೆಯ ಸಾಧನವಾಗಿರದೆ, ಕ್ರಾಂತಿಕಾರಿ ಬದಲಾವಣೆಗಳ ಮುನ್ಸೂಚಕವಾಗಿ ಬೆಳೆದು ಬಂದಿದೆ.=> 1927 - ಮುಂಬೈನಲ್ಲಿ ಖಾಸಗಿಯಾಗಿ ರೇಡಿಯೋ ಪ್ರಸಾರ ಆರಂಭವಾಯಿತು.=> 1936 - 'ಇಂಡಿಯನ್ ಸ್ಟೇಟ್ ಬ್ರಾಡ್‌ಕಾಸ್ಟಿಂಗ್ ಸರ್ವೀಸ್' (ISBS) ಆರಂಭ. ಜೂನ್ 8 ರಂದು ಇದು 'ಆಲ್ ಇಂಡಿಯಾ ರೇಡಿಯೋ' (AIR) ಆಗಿ ಬದಲಾಯಿತು.=> 1956 - ಅಧಿಕೃತವಾಗಿ 'ಆಕಾಶವಾಣಿ' ಎಂದು ನಾಮಕರಣ ಮಾಡಲಾಯಿತು.=> 1957 - ಅಕ್ಟೋಬರ್ 3ರಂದು ಜನಪ್ರಿಯ 'ವಿವಿಧ ಭಾರತಿ' ಸೇವೆ ಆರಂಭವಾಯಿತು.=> 1977 - ಜುಲೈ 23ರಂದು ಚೆನ್ನೈನಲ್ಲಿ ಭಾರತದ ಮೊದಲ FM ಪ್ರಸಾರ ಆರಂಭವಾಯಿತು.ಆಕಾಶವಾಣಿಯ ಧೈಯವಾಕ್ಯ "ಬಹುಜನ ಹಿತಾಯ ಬಹುಜನ ಸುಖಾಯ".➤ ಭಾರತದಲ್ಲಿ ಸಮುದಾಯ ರೇಡಿಯೋ ಕ್ರಾಂತಿಯು 2002ರಲ್ಲಿ ಆರಂಭವಾಯಿತು. 2004 ಫೆಬ್ರವರಿ 1ರಂದು ಎಲ್.ಕೆ. ಅಡ್ವಾಣಿಯವರು ಮೊದಲ ಕೇಂದ್ರವನ್ನು ಉದ್ಘಾಟಿಸಿದರು. ಪ್ರಸ್ತುತ ಭಾರತದಲ್ಲಿ 528ಕ್ಕೂ ಹೆಚ್ಚು ಸಮುದಾಯ ರೇಡಿಯೋ ಕೇಂದ್ರಗಳು ಸ್ಥಳೀಯ ಭಾಷೆ ಮತ್ತು ಸಂಸ್ಕೃತಿಯನ್ನು ಉಳಿಸುವಲ್ಲಿ ಕೆಲಸ ಮಾಡುತ್ತಿವೆ.➤ 'ರೇಡಿಯೋ ಮ್ಯಾನ್ ಆಫ್ ಇಂಡಿಯಾ': 2025-26ರಲ್ಲಿ ರೇಡಿಯೋ ಕ್ಷೇತ್ರದಲ್ಲಿ ಸುದ್ದಿಯಾದ ಹೆಸರು ಉತ್ತರ ಪ್ರದೇಶದ ರಾಮ್ ಸಿಂಗ್ ಬೌದ್ಧ್. ಇವರು ತಮ್ಮ ಬಳಿ ಇರುವ 1,257 ಕ್ಕೂ ಹೆಚ್ಚು ಅಪರೂಪದ ರೇಡಿಯೋಗಳ ಸಂಗ್ರಹಕ್ಕಾಗಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಸೇರಿದ್ದಾರೆ. ಇವರ ಈ ಸಾಧನೆಯನ್ನು ಪ್ರಧಾನಿ ಮೋದಿ ಅವರು ಕೂಡ ಶ್ಲಾಘಿಸಿದ್ದಾರೆ.
