Job Description: ➤ ಭಾರತದ ಪರಿಸರ ಸಂರಕ್ಷಣೆ ಮತ್ತು ಜೀವವೈವಿಧ್ಯದ ಇತಿಹಾಸದಲ್ಲಿ ಒಂದು ಅಭೂತಪೂರ್ವ ಮೈಲಿಗಲ್ಲು ಸ್ಥಾಪನೆಯಾಗಿದೆ. ದೇಶದ ಒಟ್ಟು ರಾಮ್ಸರ್ ತಾಣಗಳ (Ramsar Sites) ಸಂಖ್ಯೆ ಅಧಿಕೃತವಾಗಿ 100ಕ್ಕೇರಿದೆ. ಉತ್ತರ ಪ್ರದೇಶದ ಬಲ್ಲಿಯಾ ಜಿಲ್ಲೆಯಲ್ಲಿರುವ ಪ್ರಸಿದ್ಧ 'ಜಯಪ್ರಕಾಶ್ ನಾರಾಯಣ್ ಪಕ್ಷಿಧಾಮ'ವನ್ನು (ಸುರ್ಹಾ ತಾಲ್ - Surha Tal) ಭಾರತದ 100ನೇ ರಾಮ್ಸರ್ ತಾಣವನ್ನಾಗಿ ಘೋಷಿಸಲಾಗಿದೆ. ವಿಶ್ವ ಪರಿಸರ ದಿನದ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಈ ಐತಿಹಾಸಿಕ ಸಾಧನೆಯನ್ನು ಅಧಿಕೃತವಾಗಿ ಹಂಚಿಕೊಂಡಿದ್ದು, "ರಾಮ್ಸರ್ ತಾಣಗಳ ಪಟ್ಟಿಯಲ್ಲಿ ಭಾರತ ಶತಕ ಬಾರಿಸಿರುವುದು ಇಡೀ ದೇಶಕ್ಕೆ ಹೆಮ್ಮೆಯ ಸಂಗತಿ" ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.➤ ಸುರ್ಹಾ ತಾಲ್ (ಜಯಪ್ರಕಾಶ್ ನಾರಾಯಣ್ ಪಕ್ಷಿಧಾಮ): ಉತ್ತರ ಪ್ರದೇಶದ ಬಲ್ಲಿಯಾ ಜಿಲ್ಲೆಯ ಗಂಗಾ ನದಿ ಜಲಾನಯನ ಪ್ರದೇಶದಲ್ಲಿ ನೈಸರ್ಗಿಕ ಆಕ್ಸ್‌ಬೋ ಸರೋವರವಾಗಿ ಸೃಷ್ಟಿಯಾಗಿರುವ ಜಯಪ್ರಕಾಶ್ ನಾರಾಯಣ್ ಪಕ್ಷಿಧಾಮವು (ಸುರ್ಹಾ ತಾಲ್), 1991ರಲ್ಲಿ ಪಕ್ಷಿಧಾಮವಾಗಿ ಘೋಷಿಸಲ್ಪಟ್ಟು ಪ್ರಸ್ತುತ ರಾಜ್ಯದ 13ನೇ ರಾಮ್ಸರ್ ತಾಣವಾಗಿದ್ದು, ಮಧ್ಯ ಏಷ್ಯಾದ ಹಕ್ಕಿಗಳ ವಲಸೆ ಮಾರ್ಗದಲ್ಲಿರುವ ಕಾರಣ ಸೈಬೀರಿಯಾ ಸೇರಿದಂತೆ ಜಗತ್ತಿನ ವಿವಿಧ ಭಾಗಗಳ ಲಕ್ಷಾಂತರ ವಲಸೆ ಹಕ್ಕಿಗಳಿಗೆ, 221 ಸಸ್ಯ ಪ್ರಭೇದಗಳಿಗೆ, 66 ಮೀನು ಪ್ರಭೇದಗಳಿಗೆ ಹಾಗೂ ಅಳಿವಿನ ಅಂಚಿನಲ್ಲಿರುವ 'ಫಿಶಿಂಗ್ ಕ್ಯಾಟ್'ಗೆ ಆಶ್ರಯತಾಣವಾಗಿದೆ. ➤ ರಾಮ್ಸರ್ ಒಪ್ಪಂದ: ಜಾಗತಿಕವಾಗಿ ಅಳಿವಿನ ಅಂಚಿನಲ್ಲಿರುವ ಚೌಗು ಪ್ರದೇಶಗಳು (Wetlands), ಕೆರೆ-ಕಟ್ಟೆಗಳು ಮತ್ತು ನೀರಿನ ಮೂಲಗಳನ್ನು ಸಂರಕ್ಷಿಸುವ ಉದ್ದೇಶದಿಂದ 1971 ಫೆಬ್ರವರಿ 2 ರಂದು ಇರಾನ್‌ನ 'ರಾಮ್ಸರ್' (Ramsar) ನಗರದಲ್ಲಿ ಅಂತರರಾಷ್ಟ್ರೀಯ ಒಪ್ಪಂದವೊಂದನ್ನು ಮಾಡಿಕೊಳ್ಳಲಾಯಿತು. ಭಾರತವು 1982 ಫೆಬ್ರವರಿ 1 ರಂದು ಈ ಒಪ್ಪಂದಕ್ಕೆ ಸಹಿ ಹಾಕಿ ಅಧಿಕೃತವಾಗಿ ಸದಸ್ಯ ರಾಷ್ಟ್ರವಾಯಿತು. (ನಿಯಮ: ಒಮ್ಮೆ ಒಂದು ಪ್ರದೇಶವನ್ನು 'ರಾಮ್ಸರ್ ತಾಣ' ಎಂದು ಘೋಷಿಸಿದರೆ, ಅಂತರರಾಷ್ಟ್ರೀಯ ಮಾನದಂಡಗಳ ಪ್ರಕಾರ ಆ ಜೌಗು ಪ್ರದೇಶದ ಪರಿಸರ ಸಮತೋಲನ ಕಾಯ್ದುಕೊಳ್ಳುವುದು ಕಡ್ಡಾಯವಾಗಿರುತ್ತದೆ.) ವಿಶ್ವ ಚೌಗು ಪ್ರದೇಶ ದಿನ: ಪ್ರತಿ ವರ್ಷ ಫೆಬ್ರವರಿ 2 ಅನ್ನು 'ವಿಶ್ವ ಚೌಗು ಪ್ರದೇಶ ದಿನ' (World Wetlands Day) ಎಂದು ಆಚರಿಸಲಾಗುತ್ತದೆ.➤ ಜಾಗತಿಕ ಮಟ್ಟದಲ್ಲಿ ಭಾರತದ ಸ್ಥಾನ: ಭಾರತವು 100 ರಾಮ್ಸರ್ ತಾಣಗಳನ್ನು ಹೊಂದುವ ಮೂಲಕ ಏಷ್ಯಾ ಖಂಡದಲ್ಲೇ ಅತಿ ಹೆಚ್ಚು ರಾಮ್ಸರ್ ತಾಣಗಳನ್ನು ಹೊಂದಿದ ಮೊದಲ ದೇಶ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಜಾಗತಿಕವಾಗಿ ಭಾರತವು ಈಗ 3ನೇ ಸ್ಥಾನದಲ್ಲಿದೆ.1. ಯುನೈಟೆಡ್ ಕಿಂಗ್ಡಮ್ (UK): 176 ತಾಣಗಳು (ವಿಶ್ವದಲ್ಲೇ ಪ್ರಥಮ)2. ಮೆಕ್ಸಿಕೋ: 144 ತಾಣಗಳು (ದ್ವಿತೀಯ)3. ಭಾರತ: 100 ತಾಣಗಳು (ತೃತೀಯ ಹಾಗೂ ಏಷ್ಯಾದಲ್ಲಿ ಪ್ರಥಮ)➤ ಇತ್ತೀಚೆಗೆ ಸೇರ್ಪಡೆಯಾದ ಭಾರತದ ಕೊನೆಯ 4 ರಾಮ್ಸರ್ ತಾಣಗಳು:1. 97ನೇ ತಾಣ: ಪಟ್ನಾ ಪಕ್ಷಿಧಾಮ (Patna Bird Sanctuary): ಉತ್ತರ ಪ್ರದೇಶ2. 98ನೇ ತಾಣ: ಛಾರಿ-ಧಾಂಡ್ ಚೌಗು ಪ್ರದೇಶ (Chhari-Dhand Wetland): ಗುಜರಾತ್3. 99ನೇ ತಾಣ: ಶೇಖಾ ಜೀಲ್ ಪಕ್ಷಿಧಾಮ (Shekha Jheel Bird Sanctuary): ಉತ್ತರ ಪ್ರದೇಶ4. 100ನೇ ತಾಣ: ಜಯಪ್ರಕಾಶ್ ನಾರಾಯಣ್ ಪಕ್ಷಿಧಾಮ (ಸುರ್ಹಾ ತಾಲ್)ಉತ್ತರ ಪ್ರದೇಶ
