➤ ಪ್ರತಿ ವರ್ಷ ಫೆಬ್ರವರಿ 11 ರಂದು ವಿಶ್ವದಾದ್ಯಂತ 'ಅಂತರರಾಷ್ಟ್ರೀಯ ವಿಜ್ಞಾನ ಕ್ಷೇತ್ರದಲ್ಲಿನ ಮಹಿಳೆಯರ ಮತ್ತು ಬಾಲಕಿಯರ ದಿನ' ವನ್ನು ಆಚರಿಸಲಾಗುತ್ತದೆ. ವಿಜ್ಞಾನ, ತಂತ್ರಜ್ಞಾನ, ಎಂಜಿನಿಯರಿಂಗ್ ಮತ್ತು ಗಣಿತ (STEM) ಕ್ಷೇತ್ರಗಳಲ್ಲಿ ಮಹಿಳೆಯರ ಸಮಾನ ಭಾಗವಹಿಸುವಿಕೆ ಮತ್ತು ಲಿಂಗ ಸಮಾನತೆಯನ್ನು ಉತ್ತೇಜಿಸುವುದು ಈ ದಿನದ ಪ್ರಮುಖ ಉದ್ದೇಶವಾಗಿದೆ. ವಿಜ್ಞಾನ ಕ್ಷೇತ್ರದಲ್ಲಿ ಮಹಿಳೆಯರ ಮಹತ್ವದ ಕೊಡುಗೆಯನ್ನು ಗುರುತಿಸಿ, 2015 ರಲ್ಲಿ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯು (UNGA) ಈ ದಿನವನ್ನು ಅಧಿಕೃತವಾಗಿ ಘೋಷಿಸಿತು. 1903 ರಲ್ಲಿ ಮೇರಿ ಕ್ಯೂರಿ ಅವರು ಭೌತಶಾಸ್ತ್ರದಲ್ಲಿ ನೊಬೆಲ್ ಪ್ರಶಸ್ತಿ ಪಡೆದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾದ ದಿನದ ಸ್ಮರಣಾರ್ಥವಾಗಿ ಫೆಬ್ರವರಿ 11 ಅನ್ನು ಆಯ್ಕೆ ಮಾಡಲಾಗಿದೆ.➤ 2026ರ ವರ್ಷದ ಘೋಷವಾಕ್ಯ: “Synergizing AI, Social Science, STEM and Finance: Building Inclusive Futures for Women and Girls.” (ಕೃತಕ ಬುದ್ಧಿಮತ್ತೆ, ಸಮಾಜ ವಿಜ್ಞಾನ, STEM ಮತ್ತು ಹಣಕಾಸು ಸಮನ್ವಯ: ಮಹಿಳೆಯರು ಮತ್ತು ಬಾಲಕಿಯರಿಗಾಗಿ ಅಂತರ್ಗತ ಭವಿಷ್ಯದ ನಿರ್ಮಾಣ).➤ ಈ ಬಾರಿಯ ಥೀಮ್ ನಾಲ್ಕು ಪ್ರಮುಖ ಸ್ತಂಭಗಳ ಮೇಲೆ ಕೇಂದ್ರೀಕರಿಸಿದೆ: - AI & STEM: ತಂತ್ರಜ್ಞಾನ ಮತ್ತು ಆರೋಗ್ಯ ಕ್ಷೇತ್ರದಲ್ಲಿ ಮಹಿಳೆಯರ ಸಬಲೀಕರಣ.- ಸಮಾಜ ವಿಜ್ಞಾನ (Social Science): ಮಹಿಳೆಯರ ಏಳಿಗೆಗಾಗಿ ನ್ಯಾಯಯುತ ನೀತಿಗಳ ವಿನ್ಯಾಸ.- ಹಣಕಾಸು (Finance): ಮಹಿಳಾ ಉದ್ಯಮಿಗಳಿಗೆ ಮತ್ತು ಸಂಶೋಧಕರಿಗೆ ಆರ್ಥಿಕ ನೆರವು ನೀಡುವುದು.- ಸಮನ್ವಯ: ಈ ಎಲ್ಲಾ ಕ್ಷೇತ್ರಗಳು ಒಟ್ಟಾಗಿ ಕೆಲಸ ಮಾಡುವ ಮೂಲಕ ಲಿಂಗ ಅಂತರವನ್ನು ಕಡಿಮೆ ಮಾಡುವುದು.➤ UNESCO ವರದಿಗಳ ಪ್ರಕಾರ ವಿಜ್ಞಾನ ಕ್ಷೇತ್ರದಲ್ಲಿ ಮಹಿಳೆಯರ ಪಾಲ್ಗೊಳ್ಳುವಿಕೆ ಇಂದಿಗೂ ಕಡಿಮೆ ಇದೆ:- ಜಾಗತಿಕವಾಗಿ ಸಂಶೋಧಕರಲ್ಲಿ ಮಹಿಳೆಯರ ಪಾಲು ಕೇವಲ 31% ರಿಂದ 33%.- ಕೃತಕ ಬುದ್ಧಿಮತ್ತೆ (AI) ಕ್ಷೇತ್ರದಲ್ಲಿ ಮಹಿಳೆಯರ ಪ್ರಮಾಣ 22%.- ಕ್ಲೌಡ್ ಕಂಪ್ಯೂಟಿಂಗ್‌ನಲ್ಲಿ ಕೇವಲ 12% ಮಹಿಳೆಯರು ಮಾತ್ರ ಕಾರ್ಯನಿರ್ವಹಿಸುತ್ತಿದ್ದಾರೆ.➤ ಪ್ರಮುಖ ಸಾಧಕಿಯರು: ಭಾರತೀಯ ಮಹಿಳೆಯರು ಜಾಗತಿಕ ಮಟ್ಟದಲ್ಲಿ ವಿಜ್ಞಾನ ಕ್ಷೇತ್ರದಲ್ಲಿ ಮೈಲಿಗಲ್ಲು ಸ್ಥಾಪಿಸುತ್ತಿದ್ದಾರೆ. - ಡಾ. ರಾಜುಲಾ ಶ್ರೀವಾಸ್ತವ: ಗಣಿತ ಕ್ಷೇತ್ರದಲ್ಲಿನ ಸಾಧನೆಗಾಗಿ 'ಮರಿಯಮ್ ಮಿರ್ಜಾಖಾನಿ ನ್ಯೂ ಫ್ರಾಂಟಿಯರ್ಸ್' ಪ್ರಶಸ್ತಿ ವಿಜೇತರು.- ಡಾ. ದಿವ್ಯಾ ಕರ್ನಾಡ್: ಸಮುದ್ರ ಜೀವವೈವಿಧ್ಯ ಸಂರಕ್ಷಣೆಗಾಗಿ 'ವಿಂಗ್ಸ್ ವುಮನ್ ಆಫ್ ಡಿಸ್ಕವರಿ' ಪ್ರಶಸ್ತಿ ಪಡೆದಿದ್ದಾರೆ.- ಜಿಲ್ಲಿಕಾ ತ್ರಿಸಲ್: AI ಆಧಾರಿತ ಶಾಲಾ ಕಲಿಕೆಗಾಗಿ 'ಅನ್‌ಲಾಕ್ ಹರ್ ಫ್ಯೂಚರ್' ಪ್ರಶಸ್ತಿ ಗೌರವ.- ರಾಶಿ ಜೈನ್: ಜೇಮ್ಸ್ ವೆಬ್ ಟೆಲಿಸ್ಕೋಪ್ ಬಳಸಿ 'ಅಲಕನಂದಾ' ಎಂಬ ನಕ್ಷತ್ರಪುಂಜವನ್ನು ಪತ್ತೆಹಚ್ಚಿದ ಟಾಟಾ ಇನ್‌ಸ್ಟಿಟ್ಯೂಟ್ ಸಂಶೋಧಕಿ.➤ ಭಾರತ ಸರ್ಕಾರದ ಯೋಜನೆಗಳು: ವಿಜ್ಞಾನ ಜ್ಯೋತಿ, ಕರನ್ (KIRAN) ಯೋಜನೆ, ಮತ್ತು ಗತಿ (GATI) ಮುಂತಾದವುಗಳು ಮಹಿಳೆಯರನ್ನು STEM ಗೆ ಉತ್ತೇಜಿಸಲು ಇರುವ ಕ್ರಮಗಳು.
