* ಒರಾಕಲ್ ಸಹ-ಸ್ಥಾಪಕ ಲ್ಯಾರಿ ಎಲಿಸನ್, ಎಲಾನ್ ಮಸ್ಕ್ ಅವರನ್ನು ಹಿಂದಿಕ್ಕಿ ಜಗತ್ತಿನ ಶ್ರೀಮಂತ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ ಎಂದು ಬ್ಲೂಂಬರ್ಗ್ ವರದಿ ಮಾಡಿದೆ.
* ಸೆಪ್ಟೆಂಬರ್ 10, 2025ರಂದು ಒರಾಕಲ್ ಷೇರುಗಳು 41% ಏರಿಕೆಯಿಂದ ಅವರ ಸಂಪತ್ತಿಗೆ ಒಂದೇ ದಿನದಲ್ಲಿ 101 ಬಿಲಿಯನ್ ಡಾಲರ್ ಸೇರಿ, ಒಟ್ಟು ಶುದ್ಧ ಸಂಪತ್ತು 395.7 ಬಿಲಿಯನ್ ಡಾಲರ್‌ಗೆ ತಲುಪಿದೆ.
* ಒರಾಕಲ್ ತನ್ನ ಎಐ ಹಾಗೂ ಕ್ಲೌಡ್ ಸೇವೆಗಳ ಬೆಳವಣಿಗೆ ಘೋಷಣೆಯಿಂದ ಮಾರುಕಟ್ಟೆ ಮೌಲ್ಯವನ್ನು 947 ಬಿಲಿಯನ್ ಡಾಲರ್ ಹತ್ತಿರಕ್ಕೆ ಕೊಂಡೊಯ್ದಿದೆ.
* ಮುಂದಿನ ತ್ರೈಮಾಸಿಕದಲ್ಲಿ 12–14% ಆದಾಯ ಮತ್ತು 32–36% ಕ್ಲೌಡ್ ವೃದ್ಧಿ ನಿರೀಕ್ಷಿಸಲಾಗಿದೆ. ಇದರಿಂದ ಮೈಕ್ರೋಸಾಫ್ಟ್, ಅಮೆಜಾನ್, ಗೂಗಲ್ ವಿರುದ್ಧ ಎಐ ಪೈಪೋಟಿಯಲ್ಲಿ ಒರಾಕಲ್ ತನ್ನ ಸ್ಥಾನ ಬಲಪಡಿಸಿದೆ.
* ಟೆಸ್ಲಾ ಷೇರುಗಳ 14% ಕುಸಿತದಿಂದ ಮಸ್ಕ್ ಅವರ 300 ದಿನಗಳ ಪ್ರಥಮ ಸ್ಥಾನ ಕಳೆದು ಹೋಗಿದೆ. ಆದರೂ ಕಂಪನಿಯ ಮಂಡಳಿ ಅವರಿಗೆ 1 ಟ್ರಿಲಿಯನ್ ಡಾಲರ್ ಪ್ಯಾಕೇಜ್ ಪ್ರಸ್ತಾಪಿಸಿದೆ, ಇದರಲ್ಲಿ ವರ್ಷಕ್ಕೆ 2 ಕೋಟಿ ಕಾರುಗಳ ಉತ್ಪಾದನೆ ಹಾಗೂ 10 ವರ್ಷಗಳಲ್ಲಿ 10 ಲಕ್ಷ ಎಐ ರೋಬೋಟ್ ತಯಾರಿಕೆ ಗುರಿಯಾಗಿವೆ.
* 1977ರಲ್ಲಿ ಒರಾಕಲ್ ಸ್ಥಾಪಿಸಿದ ಎಲಿಸನ್, ಈಗಲೂ ಅದರ ಅಧ್ಯಕ್ಷರು ಮತ್ತು CTO ಆಗಿದ್ದಾರೆ. 2025ರಲ್ಲಿ ಕಂಪನಿಯ ಮೌಲ್ಯ 45% ಏರಿಕೆಯಿಂದಲೇ ಅವರ ಸಂಪತ್ತು ಗಟ್ಟಿಗೊಂಡಿತ್ತು.
* ಜೂನ್‌ನಲ್ಲಿ ಅವರು ಜೆಫ್ ಬೇಜೋಸ್ ಮತ್ತು ಮಾರ್ಕ್ ಜುಕರ್‌ಬರ್ಗ್ ಅವರನ್ನು ಹಿಂದಿಕ್ಕಿ ದ್ವಿತೀಯ ಸ್ಥಾನ ಪಡೆದಿದ್ದರು. ಎಲಿಸನ್ ಟೆಸ್ಲಾದಲ್ಲೂ ಹೂಡಿಕೆ ಮಾಡಿದ್ದು, 2018ರಲ್ಲಿ ಅದರ ಮಂಡಳಿಗೆ ಸೇರಿದ್ದರು.
* ಆದರೆ ಫೋರ್ಬ್ಸ್ ಪ್ರಕಾರ, ಮಸ್ಕ್ ಇನ್ನೂ ಶ್ರೀಮಂತನೇ. ಅವರ ಆಸ್ತಿ ಮೌಲ್ಯವನ್ನು 439 ಬಿಲಿಯನ್ ಡಾಲರ್ ಎಂದು ಅಂದಾಜಿಸಿದೆ.