Job Description: * ಬ್ರಿಟಿಷ್ ಕಾಲದಲ್ಲಿ ನಿರ್ಮಿತ ಕಾರ್ನಾಕ್ ಸೇತುವೆ, ಈಗ ಪುನರ್ ನಿರ್ಮಿಸಲಾಗಿದ್ದು, 'ಸಿಂಧೂರ ಸೇತುವೆ' ಎಂದು ಮರುನಾಮಕರಣ ಮಾಡಲಾಗಿದೆ. ಗುರುವಾರ(ಜುಲೈ 10) ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡಣವೀಸ್ ಉದ್ಘಾಟಿಸಿದರು.* ಸೇತುವೆಗೆ ಈ ಹೆಸರು ಇಡುವ ಮೂಲಕ 'ಆಪರೇಷನ್ ಸಿಂಧೂರ' ಸಂದರ್ಭದಲ್ಲಿ ಭಾರತೀಯ ಸೇನೆಯ ಧೈರ್ಯವನ್ನು ಗೌರವಿಸಲಾಗಿದೆ ಎಂದು ಅವರು ತಿಳಿಸಿದರು.* ಈ ಸೇತುವೆ ಮೂಲತಃ ಜೇಮ್ಸ್ ರಿವೆಟ್ ಕಾರ್ನಾಕ್ ಎಂಬ ಬ್ರಿಟಿಷ್ ಗವರ್ನರ್ ಕಾಲದಲ್ಲಿ ನಿರ್ಮಾಣವಾಗಿತ್ತು ಮತ್ತು ಪೂರ್ವ–ಪಶ್ಚಿಮ ಮುಂಬೈನ ಸಂಪರ್ಕಕ್ಕೆ ಸಹಾಯ ಮಾಡುತ್ತಿತ್ತು.* 2022ರ ಆಗಸ್ಟ್‌ನಲ್ಲಿ ಸೆಂಟ್ರಲ್ ರೈಲ್ವೆ ಇದನ್ನು ಅಸುರಕ್ಷಿತ ಎಂದು ಘೋಷಿಸಿದ ಬಳಿಕ ಬಿಎಂಸಿ ಇದರ ಪುನರ್ ನಿರ್ಮಾಣ ನಡೆಸಿತು.* ಈ ಸೇತುವೆ ಸಂಚಾರ ದಟ್ಟಣೆ ಕಡಿಮೆ ಮಾಡುವುದು ಹಾಗೂ ಪಿ ಡಿ'ಮೆಲ್ಲೊ ರಸ್ತೆಗೆ ಉತ್ತಮ ಸಂಪರ್ಕ ಕಲ್ಪಿಸುವ ನಿರೀಕ್ಷೆ ಇದೆ.
