➤ ಪ್ರತಿ ವರ್ಷ ಮಾರ್ಚ್ 20 ರಂದು ವಿಶ್ವದಾದ್ಯಂತ 'ಅಂತರಾಷ್ಟ್ರೀಯ ಸಂತೋಷ ದಿನ' (International Day of Happiness) ವನ್ನು ಆಚರಿಸಲಾಗುತ್ತದೆ.ಭೂತಾನ್ ದೇಶದ ಪ್ರಸ್ತಾವನೆಯ ಮೇರೆಗೆ, ವಿಶ್ವಸಂಸ್ಥೆಯು (UNGA) ಜುಲೈ 12, 2012 ರಂದು ಮಾರ್ಚ್ 20 ಅನ್ನು 'ಅಂತರಾಷ್ಟ್ರೀಯ ಸಂತೋಷ ದಿನ' ಎಂದು ಘೋಷಿಸಿತು. ಸುಸ್ಥಿರ ಅಭಿವೃದ್ಧಿ ಮತ್ತು ಮಾನವನ ಒಟ್ಟಾರೆ ಯೋಗಕ್ಷೇಮವೇ ಸಂತೋಷದ ಮೂಲ ಎಂಬ ಉದ್ದೇಶದೊಂದಿಗೆ 2013 ರಿಂದ ಈ ದಿನವನ್ನು ಅಧಿಕೃತವಾಗಿ ಆಚರಿಸಲಾಗುತ್ತಿದೆ..➤ ವಿಶ್ವ ಸಂತೋಷ ವರದಿ 2026: ಈ ಬಾರಿಯ ವರದಿಯು ಒಟ್ಟು 147 ದೇಶಗಳನ್ನು ಸಮೀಕ್ಷೆಗೆ ಒಳಪಡಿಸಿದೆ. ದೇಶಗಳ ಶ್ರೇಯಾಂಕವನ್ನು ಜಿಡಿಪಿ (GDP), ಸಾಮಾಜಿಕ ಬೆಂಬಲ, ಆರೋಗ್ಯಕರ ಜೀವಿತಾವಧಿ, ಜೀವನದ ಆಯ್ಕೆಗಳನ್ನು ಮಾಡುವ ಸ್ವಾತಂತ್ರ್ಯ, ಔದಾರ್ಯ ಮತ್ತು ಭ್ರಷ್ಟಾಚಾರದ ಮಟ್ಟ ಎಂಬ ಆರು ಪ್ರಮುಖ ಅಂಶಗಳ ಆಧಾರದ ಮೇಲೆ ನಿರ್ಧರಿಸಲಾಗುತ್ತದೆ. ಪ್ರತಿ ವರ್ಷ 'ವಿಶ್ವ ಸಂತೋಷ ವರದಿ'ಯನ್ನು ಸುಸ್ಥಿರ ಅಭಿವೃದ್ಧಿ ಪರಿಹಾರಗಳ ಜಾಲ (SDSN) ಸಂಸ್ಥೆಯು ಬಿಡುಗಡೆ ಮಾಡುತ್ತದೆ.➤ ಫಿನ್ಲೆಂಡ್ ಸತತ 9ನೇ ಬಾರಿಗೆ ಅಗ್ರಸ್ಥಾನ: ಯುರೋಪಿನ ಸಣ್ಣ ರಾಷ್ಟ್ರವಾದ ಫಿನ್ಲೆಂಡ್ (Finland) ವಿಶ್ವದ ಅತ್ಯಂತ ಸಂತೋಷದಾಯಕ ದೇಶವಾಗಿ ತನ್ನ ಸ್ಥಾನವನ್ನು ಉಳಿಸಿಕೊಂಡಿದೆ. ಅತ್ಯುತ್ತಮ ಶಿಕ್ಷಣ ವ್ಯವಸ್ಥೆ, ಉಚಿತ ಆರೋಗ್ಯ ಸೇವೆ ಮತ್ತು ಕಡಿಮೆ ಭ್ರಷ್ಟಾಚಾರ ಇಲ್ಲಿನ ಜನರ ಸಂತೋಷಕ್ಕೆ ಪ್ರಮುಖ ಕಾರಣಗಳಾಗಿವೆ.➤ ಭಾರತದ ಸ್ಥಾನಮಾನ: 2026ರ ವರದಿಯ ಪ್ರಕಾರ, ಭಾರತವು 116ನೇ ಸ್ಥಾನವನ್ನು ಪಡೆದುಕೊಂಡಿದೆ. ಕಳೆದ ಬಾರಿಗೆ (126ನೇ ಸ್ಥಾನ) ಹೋಲಿಸಿದರೆ ಭಾರತದ ಶ್ರೇಯಾಂಕದಲ್ಲಿ ಸ್ವಲ್ಪ ಸುಧಾರಣೆ ಕಂಡುಬಂದಿದ್ದರೂ, ನೆರೆಹೊರೆಯ ದೇಶಗಳಿಗೆ ಹೋಲಿಸಿದರೆ ಭಾರತದ ಸ್ಥಾನ ಇನ್ನೂ ಕೆಳಮಟ್ಟದಲ್ಲಿದೆ ಎಂಬುದು ಗಮನಾರ್ಹ.➤  ಅಗ್ರ 5 ಸಂತೋಷದಾಯಕ ದೇಶಗಳು:1.ಫಿನ್ಲೆಂಡ್ (Finland)2.ಡೆನ್ಮಾರ್ಕ್ (Denmark)3.ಐಸ್ಲ್ಯಾಂಡ್ (Iceland)4.ಸ್ವೀಡನ್ (Sweden)5.ಇಸ್ರೇಲ್ (Israel)➤ ಕೊನೆಯ ಸ್ಥಾನ: ವರದಿಯ ಪ್ರಕಾರ ಅಫ್ಘಾನಿಸ್ತಾನವು ವಿಶ್ವದ ಕನಿಷ್ಠ ಸಂತೋಷದಾಯಕ ದೇಶವಾಗಿ (147ನೇ ಸ್ಥಾನ) ಮುಂದುವರಿದಿದೆ.
