Job Description: ➤ ಭಾರತೀಯ ಜಲ ಕ್ರೀಡಾ (Water Sports) ಇತಿಹಾಸದಲ್ಲಿ ಒಂದು ಅಭೂತಪೂರ್ವ ಮೈಲಿಗಲ್ಲು ಸ್ಥಾಪನೆಯಾಗಿದೆ. ಹಂಗೇರಿಯ ಬುಡಾಪೆಸ್ಟ್‌ನಲ್ಲಿ ಜೂನ್ 2, 2026 ರಿಂದ ಆರಂಭವಾಗಲಿರುವ ವಿಶ್ವ ಅಪ್ನಿಯಾ ಪೂಲ್ ಚಾಂಪಿಯನ್‌ಶಿಪ್ (World Apnea Pool Championship 2026) ನಲ್ಲಿ ದೇಶವನ್ನು ಪ್ರತಿನಿಧಿಸಲು ಭಾರತವು ತನ್ನ ಪ್ರಪ್ರಥಮ ಅಧಿಕೃತ ಫ್ರೀಡೈವಿಂಗ್ ತಂಡವನ್ನು (India's First Freediving Team) ಕಳುಹಿಸಿಕೊಡುತ್ತಿದೆ.➤ ಫ್ರೀಡೈವಿಂಗ್ (Freediving): ಸಾಮಾನ್ಯವಾಗಿ ಸಮುದ್ರ ಅಥವಾ ನೀರಿನ ಆಳಕ್ಕೆ ಇಳಿಯುವಾಗ ಸ್ಕೂಬಾ ಡೈವಿಂಗ್‌ನಂತೆ ಯಾವುದೇ ಆಮ್ಲಜನಕದ ಸಿಲಿಂಡರ್ (Breathing Apparatus) ಅಥವಾ ಉಸಿರಾಟದ ಉಪಕರಣಗಳನ್ನು ಬಳಸದೆ, ಕೇವಲ ಒಂದೇ ಒಂದು ದೀರ್ಘ ಉಸಿರನ್ನು ಹಿಡಿದಿಟ್ಟುಕೊಂಡು ನೀರಿನ ಆಳಕ್ಕೆ ಡೈವ್ ಮಾಡುವ ಸಾಹಸಮಯ ಜಲಕ್ರೀಡೆಯನ್ನು ಫ್ರೀಡೈವಿಂಗ್ ಅಥವಾ ಅಪ್ನಿಯಾ (Apnea) ಎನ್ನಲಾಗುತ್ತದೆ. ಇದು ಕೇವಲ ದೈಹಿಕ ಸಾಮರ್ಥ್ಯ ಮಾತ್ರವಲ್ಲದೆ ತೀವ್ರ ಮಾನಸಿಕ ಏಕಾಗ್ರತೆಯನ್ನು ಬೇಡುವ ಕ್ರೀಡೆಯಾಗಿದೆ. ➤ ವಿಶ್ವ ಚಾಂಪಿಯನ್‌ಶಿಪ್‌ಗೆ ಆಯ್ಕೆಯಾದ ಭಾರತದ ತ್ರಿವಳಿ ವೀರರು: 'ಐಡಾ ಇಂಡಿಯಾ' (AIDA India) ಅಡಿಯಲ್ಲಿ ಈ ಬಾರಿ ಮೂವರು ಪ್ರಮುಖ ಅಥ್ಲೀಟ್‌ಗಳು ವಿಶ್ವಮಟ್ಟದಲ್ಲಿ ಭಾರತದ ಧ್ವಜವನ್ನು ಹಾರಿಸಲಿದ್ದಾರೆ:1.ಅರ್ಚನಾ ತ್ಯಾಗರಾಜನ್ (Archana Thiagarajan): ಭಾರತದ ಪ್ರಮುಖ ಮಹಿಳಾ ಫ್ರೀಡೈವರ್ ಆಗಿರುವ ಇವರು ಪೂಲ್ ಮತ್ತು ಡೆಪ್ತ್ (ಆಳ) ಎರಡೂ ವಿಭಾಗಗಳಲ್ಲಿ 11 ಕ್ಕೂ ಹೆಚ್ಚು ರಾಷ್ಟ್ರೀಯ ದಾಖಲೆಗಳನ್ನು ಹೊಂದಿದ್ದಾರೆ. 2025 ರಲ್ಲಿ ಜಪಾನ್ನ ವಕಯಾಮಾದಲ್ಲಿ ನಡೆದ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಸ್ಪರ್ಧಿಸಿದ ಮೊದಲ ಭಾರತೀಯ ಮಹಿಳೆ ಎಂಬ ಕೀರ್ತಿಯೂ ಇವರಿಗಿದೆ. 2.ಅಕ್ಷಯ್ ಥಾಟ್ಟೆ (Akshay Thatte): ಇವರು ಭಾರತದ ಮೊದಲ 'ಫ್ರೀಡೈವಿಂಗ್ ಇನ್ಸ್ಟ್ರಕ್ಟರ್ ಟ್ರೈನರ್' ಆಗಿದ್ದು, ಪೂಲ್ ವಿಭಾಗದಲ್ಲಿ ನಾಲ್ಕು ಬಾರಿ ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದಾರೆ. 3.ವಚನ್ ಹೆಚ್.ಯು (Vachan H U - ವಚನ್ ಗೌಡ): ಇವರು ವೃತ್ತಿಯಿಂದ ವಕೀಲರಾಗಿದ್ದು, ಫ್ರೀಡೈವಿಂಗ್‌ನಲ್ಲಿ ರಾಷ್ಟ್ರೀಯ ದಾಖಲೆ ಬರೆದಿದ್ದಾರೆ. ಅತ್ಯಂತ ಹೆಮ್ಮೆಯ ವಿಷಯವೆಂದರೆ ಇವರು ಕನ್ನಡಿಗರಾಗಿದ್ದು, 'AIDA India' ಅಡಿಯಲ್ಲಿ ಅಧಿಕೃತವಾಗಿ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಸ್ಪರ್ಧಿಸುತ್ತಿರುವ ಕರ್ನಾಟಕದ ಮೊದಲ ಅಥ್ಲೀಟ್ ಆಗಿದ್ದಾರೆ. ➤ ನ್ಯಾಯಾಧೀಶರಾಗಿ ಅರ್ಚನಾ ಶಂಕರನಾರಾಯಣನ್ ಆಯ್ಕೆ: ಭಾರತದ ಫ್ರೀಡೈವಿಂಗ್ ಅಸೋಸಿಯೇಷನ್ (FAI) ಸಂಸ್ಥಾಪಕಿಯಾದ ಅರ್ಚನಾ ಶಂಕರನಾರಾಯಣನ್ ಅವರು ಈ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಪಾಲ್ಗೊಳ್ಳಲಿರುವ ಮೊದಲ ಭಾರತೀಯ ಸಹಾಯಕ ನ್ಯಾಯಾಧೀಶರಾಗಿ (First Indian Assistant Judge) ಆಯ್ಕೆಯಾಗಿದ್ದಾರೆ. ಬುಡಾಪೆಸ್ಟ್‌ನ 'ಡೂನಾ ಅರೆನಾ'ದಲ್ಲಿ ಅವರು ಈ ಜವಾಬ್ದಾರಿಯನ್ನು ನಿರ್ವಹಿಸಲಿದ್ದಾರೆ. ➤ ಸ್ಪರ್ಧಾತ್ಮಕ ಪರೀಕ್ಷೆಗಳಿಗಾಗಿ ಪ್ರಮುಖ ಎಕ್ಸಾಮ್ ಪಾಯಿಂಟ್ಸ್: ಭಾರತೀಯ ಫ್ರೀಡೈವಿಂಗ್ ಸಂಸ್ಥೆ (FAI) 2026ರ ಆರಂಭದಲ್ಲಿ ಅರ್ಚನಾ ಶಂಕರನಾರಾಯಣನ್ ಅವರ ನೇತೃತ್ವದಲ್ಲಿ ಸ್ಥಾಪನೆಯಾಗಿ, ಮಾರ್ಚ್ 2026ರಲ್ಲಿ ಅಂತರರಾಷ್ಟ್ರೀಯ ಐಡಾ (AIDA) ಸಂಸ್ಥೆಯ 'ವೀಕ್ಷಕ ಸದಸ್ಯತ್ವ' (Observer Member) ಸ್ಥಾನವನ್ನು ಪಡೆಯಿತು. 40 ಮೀಟರ್ ಆಳದ ಮೈಲಿಗಲ್ಲು: ಆಗಸ್ಟ್ 2025 ರಲ್ಲಿ ನಡೆದ ಸ್ಪರ್ಧಾತ್ಮಕ ಫ್ರೀಡೈವಿಂಗ್‌ನಲ್ಲಿ 40 ಮೀಟರ್ ಆಳದ ಗಡಿಯನ್ನು ದಾಟಿದ ಮೊದಲ ಭಾರತೀಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಅರ್ಚನಾ ತ್ಯಾಗರಾಜನ್ ಪಾತ್ರರಾಗಿದ್ದಾರೆ. ದಿನೇಶ್ ಸೌಂದಪ್ಪ ರಾಷ್ಟ್ರೀಯ ದಾಖಲೆ: ಮಾರ್ಚ್ 4, 2026 ರಂದು ಫಿಲಿಪೈನ್ಸ್‌ನ ಕ್ಯಾಲಪನ್‌ನಲ್ಲಿ ದಿನೇಶ್ ಸೌಂದಪ್ಪ ಅವರು 34.6 ಮೀಟರ್ ಆಳಕ್ಕೆ ಡೈವ್ ಮಾಡಿ ರಾಷ್ಟ್ರೀಯ ದಾಖಲೆ ಬರೆದಿದ್ದಾರೆ.
