➤ ದೇಶದ ಇಂಧನ ಭದ್ರತೆ ಮತ್ತು ಸ್ವಯಂ-ಅವಲಂಬನೆಯ (Atmanirbhar Bharat) ದಾರಿಯಲ್ಲಿ ಭಾರತಕ್ಕೆ ಮತ್ತೊಂದು ಮಹತ್ವದ ಯಶಸ್ಸು ಸಿಕ್ಕಿದೆ. ಪಶ್ಚಿಮ ರಾಜಸ್ಥಾನದ ಜೈಸಲ್ಮೇರ್ ಜಿಲ್ಲೆಯ ಬೃಹತ್ ದಾಂಡೇವಾಲಾ ಕ್ಷೇತ್ರದಲ್ಲಿ (Dandewala Onshore Field) ಮಹಾರತ್ನ ಕಂಪನಿಯಾದ ಆಯಿಲ್ ಇಂಡಿಯಾ ಲಿಮಿಟೆಡ್ (Oil India Limited - OIL) ಹೊಸ ನೈಸರ್ಗಿಕ ಅನಿಲ ನಿಕ್ಷೇಪವನ್ನು ಪತ್ತೆಹಚ್ಚಿದೆ. ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವ ಹರ್ದೀಪ್ ಸಿಂಗ್ ಪುರಿ ಅವರು ಈ ಐತಿಹಾಸಿಕ ಸಾಧನೆಯನ್ನು ದೃಢಪಡಿಸಿದ್ದು, ಇದು ಭಾರತವನ್ನು ಇಂಧನ ಸ್ವಾವಲಂಬನೆಯತ್ತ ಕೊಂಡೊಯ್ಯಲು ಪ್ರಮುಖ ಮೈಲಿಗಲ್ಲಾಗಲಿದೆ ಎಂದು ಶ್ಲಾಘಿಸಿದ್ದಾರೆ.

➤ಶಾಲೋ ಸಾನು ಫಾರ್ಮೇಶನ್ (Sanu Formation): ದಾಂಡೇವಾಲಾ ಗ್ಯಾಸ್ ಫೀಲ್ಡ್‌ನಲ್ಲಿ ಈ ಹಿಂದೆ ಆಳವಾದ ಪ್ರದೇಶಗಳಲ್ಲಿ ಅನಿಲ ಶೋಧನೆ ನಡೆಸಲಾಗುತ್ತಿತ್ತು. ಆದರೆ ಈ ಬಾರಿ ವಿಜ್ಞಾನಿಗಳು 'ಸಾನು ಫಾರ್ಮೇಶನ್' (Sanu Formation) ಎಂಬ ಕಡಿಮೆ ಆಳದ (Shallower Zone) ಭೂಗರ್ಭ ಪದರದಲ್ಲಿ ಅನಿಲ ಇರುವುದನ್ನು ಮೊದಲ ಬಾರಿಗೆ ಪತ್ತೆಹಚ್ಚಿದ್ದಾರೆ. ಭೂಮಿಯ ಮೇಲ್ಮೈನಿಂದ ಕೇವಲ 950 ಮೀಟರ್ ಆಳದಲ್ಲಿ ಈ ಹೊಸ ಅನಿಲ ವಲಯ ಪತ್ತೆಯಾಗಿರುವುದು ಕಂಪನಿಯ ತಾಂತ್ರಿಕ ಸಾಮರ್ಥ್ಯಕ್ಕೆ ಹಿಡಿದ ಕೈಗನ್ನಡಿಯಾಗಿದೆ. ತಜ್ಞರ ಪ್ರಕಾರ, ಕಡಿಮೆ ಆಳದಲ್ಲಿ ಅನಿಲ ಸಿಗುವುದರಿಂದ ಕೊರೆಯುವ ವೆಚ್ಚ (Drilling Cost) ಗಣನೀಯವಾಗಿ ಕಡಿಮೆಯಾಗಲಿದೆ.

➤ನಿಕ್ಷೇಪದ ಸಾಮರ್ಥ್ಯ ಮತ್ತು ಗುಣಮಟ್ಟ:

- ದೈನಂದಿನ ಉತ್ಪಾದನಾ ಸಾಮರ್ಥ್ಯ: ಪ್ರಾಥಮಿಕ ಪರೀಕ್ಷೆಗಳ ಪ್ರಕಾರ, ಈ ಹೊಸ ಬಾವಿಯಿಂದ ಪ್ರತಿದಿನ ಸರಾಸರಿ 25,000 ಸ್ಟ್ಯಾಂಡರ್ಡ್ ಕ್ಯೂಬಿಕ್ ಮೀಟರ್ (SCMD) ನೈಸರ್ಗಿಕ ಅನಿಲ ಹರಿವು ದಾಖಲಾಗಿದೆ.

- ಒಟ್ಟು ಅನಿಲದ ಅಂದಾಜು (Gas in Place - GIP): ಈ ನಿಕ್ಷೇಪದಲ್ಲಿ ಸುಮಾರು 75 ಮಿಲಿಯನ್ ಸ್ಟ್ಯಾಂಡರ್ಡ್ ಕ್ಯೂಬಿಕ್ ಮೀಟರ್ (MMSCM) ಅನಿಲ ಸಂಗ್ರಹವಿರಬಹುದು ಎಂದು ಅಂದಾಜಿಸಲಾಗಿದೆ.

- ಕಡಿಮೆ ಮಾಲಿನ್ಯ (Low Carbon-dioxide): ಈ ಅನಿಲದ ಅತ್ಯಂತ ದೊಡ್ಡ ಪ್ಲಸ್ ಪಾಯಿಂಟ್ ಎಂದರೆ ಇದರಲ್ಲಿ ಕಾರ್ಬನ್ ಡೈಆಕ್ಸೈಡ್ (CO2) ಪ್ರಮಾಣ ತೀರಾ ಕಡಿಮೆ ಇದೆ. ಹೀಗಾಗಿ ಇದು ಪರಿಸರ ಸ್ನೇಹಿಯಾಗಿದ್ದು, ಭಾರತದ 'ಗ್ರೀನ್ ಎನರ್ಜಿ' (Clean Fuel) ಗುರಿಗಳಿಗೆ ಪೂರಕವಾಗಿದೆ.

➤ ಭಾರತಕ್ಕೆ ಇದರ ಆರ್ಥಿಕ ಮತ್ತು ಕಾರ್ಯತಂತ್ರದ ಪ್ರಾಮುಖ್ಯತೆ:

- ಆಮದು ಅವಲಂಬನೆ ಇಳಿಕೆ: ಪ್ರಸ್ತುತ ಭಾರತವು ತನ್ನ ನೈಸರ್ಗಿಕ ಅನಿಲದ ಅಗತ್ಯತೆಗಳಿಗಾಗಿ ವಿದೇಶಗಳ ಮೇಲೆ ಭಾರಿ ಪ್ರಮಾಣದಲ್ಲಿ ಅವಲಂಬಿತವಾಗಿದೆ. ಇಂತಹ ದೇಶೀಯ ಆವಿಷ್ಕಾರಗಳು ಭಾರತದ ಆಮದು ವೆಚ್ಚವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

- ರಾಜಸ್ಥಾನದ ಹೊಸ ಇಂಧನ ಹಬ್: ಜೈಸಲ್ಮೇರ್ ಬೇಸಿನ್‌ನಲ್ಲಿ ಸಿಕ್ಕಿರುವ ಈ ಯಶಸ್ಸು, ಈ ಪ್ರದೇಶದ ಸುತ್ತಮುತ್ತ ಮತ್ತಷ್ಟು ಅನಿಲ ಶೋಧನೆ (Exploration) ನಡೆಸಲು ಹೂಡಿಕೆದಾರರನ್ನು ಆಕರ್ಷಿಸಲಿದೆ.

- ಸ್ವಚ್ಛ ಇಂಧನ ಪರಿವರ್ತನೆ: ಕಡಿಮೆ ಇಂಗಾಲದ ಹೊರಸೂಸುವಿಕೆ ಹೊಂದಿರುವ ಈ ಅನಿಲವು ಭಾರತವು ಸಾಂಪ್ರದಾಯಿಕ ಕಲ್ಲಿದ್ದಲು ಮತ್ತು ಕಚ್ಚಾ ತೈಲದಿಂದ ಪರಿಸರ ಸ್ನೇಹಿ ನೈಸರ್ಗಿಕ ಅನಿಲದತ್ತ ಮುನ್ನಡೆಯಲು ವೇಗ ನೀಡಲಿದೆ.