➤ ನವದೆಹಲಿಯಲ್ಲಿ ನಡೆದ ಪ್ರತಿಷ್ಠಿತ ಇಂಡಿಯಾ ಓಪನ್ ಸೂಪರ್ 750 (India Open Super 750) ಬ್ಯಾಡ್ಮಿಂಟನ್ ಟೂರ್ನಿಯು ಭಾನುವಾರ (18-01-2026) ಮುಕ್ತಾಯಗೊಂಡಿತು. ಈ ಟೂರ್ನಿಯಲ್ಲಿ ತೈವಾನ್‌ನ ಲಿನ್ ಚುನ್-ಯಿ ಮತ್ತು ದಕ್ಷಿಣ ಕೊರಿಯಾದ ಆನ್ ಸೆ-ಯಂಗ್ ಕ್ರಮವಾಗಿ ಪುರುಷರ ಮತ್ತು ಮಹಿಳೆಯರ ಸಿಂಗಲ್ಸ್ ಪ್ರಶಸ್ತಿಗಳನ್ನು ಗೆದ್ದುಕೊಂಡಿದ್ದಾರೆ. ➤ ಪುರುಷರ ಸಿಂಗಲ್ಸ್:- ತೈವಾನ್‌ನ ಭರವಸೆಯ ಆಟಗಾರ ಲಿನ್ ಚುನ್-ಯಿ (Lin Chun-Yi) ಅವರು ಫೈನಲ್‌ನಲ್ಲಿ ಇಂಡೋನೇಷ್ಯಾದ ಜೊನಾಥನ್ ಕ್ರಿಸ್ಟೀ ಅವರನ್ನು 21-10, 21-18 ನೇರ ಸೆಟ್‌ಗಳಿಂದ ಸೋಲಿಸಿ ತಮ್ಮ ಚೊಚ್ಚಲ ಸೂಪರ್ 750 ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು. ಪ್ರಸ್ತುತ ವಿಶ್ವ ಕ್ರಮಾಂಕದಲ್ಲಿ 12ನೇ ಸ್ಥಾನದಲ್ಲಿರುವ ಲಿನ್, ಗಾಯದ ನಡುವೆಯೂ ಅದ್ಭುತ ಪ್ರದರ್ಶನ ನೀಡಿದರು.➤ ಮಹಿಳೆಯರ ಸಿಂಗಲ್ಸ್:- ವಿಶ್ವದ ನಂಬರ್ 1 ಆಟಗಾರ್ತಿ ಮತ್ತು ಹಾಲಿ ಚಾಂಪಿಯನ್ ದಕ್ಷಿಣ ಕೊರಿಯಾದ ಆನ್ ಸೆ-ಯಂಗ್ (An Se-Young) ಅವರು ಚೀನಾದ ವಾಂಗ್ ಜಿಯಿ ವಿರುದ್ಧ 21-13, 21-11 ಅಂತರದಲ್ಲಿ ಜಯಗಳಿಸಿ ಪ್ರಶಸ್ತಿಯನ್ನು ಉಳಿಸಿಕೊಂಡರು. ಇದು ಈ ಋತುವಿನಲ್ಲಿ ಆನ್ ಸೆ-ಯಂಗ್ ಗೆದ್ದ ಎರಡನೇ ಪ್ರಶಸ್ತಿಯಾಗಿದೆ. ➤ ಮಹಿಳೆಯರ ಡಬಲ್ಸ್:- ಚೀನಾದ ಲಿಯು ಶೆಂಗ್ಶು ಮತ್ತು ಟ್ಯಾನ್ ನಿಂಗ್ ಜೋಡಿಯು ಜಪಾನ್‌ನ ಯೂಕಿ ಫುಕುಶಿಮಾ ಮತ್ತು ಸಾಯಕ ಮತ್ಸುಮೊಟೊ ಅವರನ್ನು ಸೋಲಿಸಿ ಪ್ರಶಸ್ತಿ ಗೆದ್ದುಕೊಂಡಿತು.➤ ಮಿಶ್ರ ಡಬಲ್ಸ್:- ಥೈಲ್ಯಾಂಡ್‌ನ ಡೆಚಾಪೋಲ್ ಪುವಾವರನುಕ್ರೋ ಮತ್ತು ಸುಪಿಸ್ಸರಾ ಪೇವ್‌ಸಂಪ್ರಾನ್ ಜೋಡಿಯು ಡೆನ್ಮಾರ್ಕ್‌ನ ಮಥಿಯಾಸ್ ಕ್ರಿಸ್ಟಿಯನ್ಸೆನ್ ಮತ್ತು ಅಲೆಕ್ಸಾಂಡ್ರಾ ಬೋಜೆ ಅವರನ್ನು ಸೋಲಿಸಿ ಚಾಂಪಿಯನ್ ಆಗಿ ಹೊರಹೊಮ್ಮಿತು.
