➤ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ICC) ಬಿಡುಗಡೆ ಮಾಡಿರುವ ನೂತನ ಟಿ20 ತಂಡಗಳ ರ‍್ಯಾಂಕಿಂಗ್ ನಲ್ಲಿ ಭಾರತ ತಂಡ ತನ್ನ ಪ್ರಾಬಲ್ಯವನ್ನು ಮುಂದುವರಿಸಿದ್ದು, ಮತ್ತೆ ನಂ.1 ಸ್ಥಾನವನ್ನು ಅಲಂಕರಿಸಿದೆ. ಮಂಗಳವಾರ ದುಬೈನಲ್ಲಿ ಬಿಡುಗಡೆಯಾದ ವಾರ್ಷಿಕ ರ‍್ಯಾಂಕಿಂಗ್  ಅಪ್‌ಡೇಟ್ ಪ್ರಕಾರ, ಟೀಮ್ ಇಂಡಿಯಾ ಅಗ್ರಸ್ಥಾನದಲ್ಲಿದ್ದರೆ, ವಿಶ್ವದ ಬಲಿಷ್ಠ ತಂಡಗಳಾದ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ನಂತರದ ಸ್ಥಾನಗಳನ್ನು ಪಡೆದುಕೊಂಡಿವೆ.
1. ಭಾರತ- 275 ರೇಟಿಂಗ್ ಪಾಯಿಂಟ್ಸ್
2. ಇಂಗ್ಲೆಂಡ್- 262 ರೇಟಿಂಗ್ ಪಾಯಿಂಟ್ಸ್
3. ಆಸ್ಟ್ರೇಲಿಯಾ- 258 ರೇಟಿಂಗ್ ಪಾಯಿಂಟ್ಸ್
➤ ಭಾರತದ ಈ ಸಾಧನೆಗೆ ಕಾರಣ: ಭಾರತ ತಂಡವು ಇತ್ತೀಚಿನ ವರ್ಷಗಳಲ್ಲಿ ಟಿ20 ಮಾದರಿಯಲ್ಲಿ ಅತ್ಯಂತ ಸ್ಥಿರವಾದ ಪ್ರದರ್ಶನ ನೀಡುತ್ತಾ ಬಂದಿದೆ. ವಿಶೇಷವಾಗಿ ಕಳೆದ ಮಾರ್ಚ್‌ನಲ್ಲಿ ನಡೆದ ಟಿ20 ವಿಶ್ವಕಪ್‌ನಲ್ಲಿ ಮೂರನೇ ಬಾರಿಗೆ ಪ್ರಶಸ್ತಿ ಗೆಲ್ಲುವ ಮೂಲಕ ಭಾರತ ಇತಿಹಾಸ ನಿರ್ಮಿಸಿದೆ. ಈ ಮೂಲಕ ಟಿ20 ವಿಶ್ವಕಪ್ ಕಿರೀಟವನ್ನು ಸತತವಾಗಿ ಉಳಿಸಿಕೊಂಡ ಮೊದಲ ತಂಡ ಎಂಬ ದಾಖಲೆಗೂ ಭಾರತ ಪಾತ್ರವಾಗಿದೆ.
➤ ಐಸಿಸಿ ಈ ರ‍್ಯಾಂಕಿಂಗ್ ನೀಡುವಾಗ ನಿರ್ದಿಷ್ಟ ಮಾನದಂಡಗಳನ್ನು ಬಳಸುತ್ತದೆ:
- 2025ರ ಮೇ ನಂತರ ಆಡಿದ ಎಲ್ಲಾ ಪಂದ್ಯಗಳ ಫಲಿತಾಂಶವನ್ನು 100% ಪರಿಗಣಿಸಲಾಗಿದೆ.
- ಅದಕ್ಕೂ ಹಿಂದಿನ ಎರಡು ವರ್ಷಗಳ ಪಂದ್ಯಗಳ ಫಲಿತಾಂಶವನ್ನು 50% ರಷ್ಟು ಪರಿಗಣನೆಗೆ ತೆಗೆದುಕೊಳ್ಳಲಾಗಿದೆ.
ಮತ್ತಷ್ಟು ಇಂತಹ ಪ್ರಚಲಿತ ವಿದ್ಯಮಾನಗಳ ಅಪ್‌ಡೇಟ್‌ಗಳಿಗಾಗಿ KPSCVaani ಫಾಲೋ ಮಾಡುತ್ತಿರಿ.