* ಇಂಟರ್‌ನ್ಯಾಶನಲ್ ಸೂಪರ್ 300 ಬ್ಯಾಡ್ಮಿಂಟನ್ ಟೂರ್ನಮೆಂಟ್‌ನಲ್ಲಿ ಭಾರತದ ಸ್ಟಾರ್ ಷಟ್ಲರ್‌ಗಳಾದ ಪಿವಿ ಸಿಂಧು (PV Sindhu) ಮತ್ತು ಲಕ್ಷ್ಯಸೇನ್ ಸಿಂಗಲ್ಸ್ ಪ್ರಶಸ್ತಿಗಳನ್ನು ಗೆದ್ದರೆ, ಗಾಯತ್ರಿ-ಟ್ರೀಸಾ ಮಹಿಳೆಯರ ಡಬಲ್ಸ್‌ನಲ್ಲಿ ಪ್ರಶಸ್ತಿಯನ್ನು ಗೆದ್ದರು. ಈ ಟೂರ್ನಿಯಲ್ಲಿ ಭಾರತ ಒಟ್ಟು ಮೂರು ಪ್ರಶಸ್ತಿಗಳನ್ನು ಗೆದ್ದುಕೊಂಡಿತು.
- ಸಿಂಧು ಸಿಂಗಲ್ಸ್ ಚಾಂಪಿಯನ್​ : 
ಭಾನುವಾರ (ಡಿ.1) ನಡೆದ ಅಂತಾರಾಷ್ಟ್ರೀಯ ಸೂಪರ್ 300 ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ ಪಂದ್ಯದಲ್ಲಿ ಮಾಜಿ ವಿಶ್ವ ಚಾಂಪಿಯನ್ ಸಿಂಧು 21-14, 21-16ರಲ್ಲಿ ಚೆನ್ನೈನ ಲುವು ವಿರುದ್ಧ ಗೆದ್ದರು. ಇಡೀ ಪಂದ್ಯದಲ್ಲಿ ಪ್ರಾಬಲ್ಯ ಮೆರೆದ ಸಿಂಧು ಸತತ ಎರಡು ಗೇಮ್ ಗೆದ್ದು ಪ್ರಶಸ್ತಿ ಮುಡಿಗೇರಿಸಿಕೊಂಡರು. 2017 ಮತ್ತು 2022ರ ನಂತರ 3ನೇ ಬಾರಿಗೆ ಸಿಂಧು ಈ ಪಂದ್ಯಾವಳಿಯಲ್ಲಿ ಚಾಂಪಿಯನ್​ ಆಗಿದ್ದಾರೆ.
- ಟ್ರೋಫಿ ಗೆದ್ದ ಲಕ್ಷ್ಯ ಸೇನ್ :  
ಪ್ಯಾರಿಸ್ ಒಲಿಂಪಿಕ್ಸ್‌ನ ಸೆಮಿಫೈನಲ್‌ನಲ್ಲಿ ಸೋಲು ಕಂಡ ನಂತರ ಕೆಲವು ಟೂರ್ನಿಗಳಲ್ಲಿ ನಿರಾಶಾದಾಯಕ ಪ್ರದರ್ಶನವನ್ನು ಮುಂದುವರಿಸಿದ್ದ ಲಕ್ಷ್ಯಸೇನ್ ಈ ಟೂರ್ನಿಯಲ್ಲಿ ವಿಜೇತರಾಗಿ ಫಾರ್ಮ್​ಗೆ ಮರಳಿದ್ದಾರೆ. ಫೈನಲ್‌ನಲ್ಲಿ ಸಿಂಗಾಪುರದ ಜಿಯಾ ಹೆಂಗ್ ಜೇಸನ್ ಟೆ ವಿರುದ್ಧ 21-6, 21-7 ಸೆಟ್‌ಗಳಿಂದ ಗೆದ್ದರು.
- ಗಾಯತ್ರಿ ಗೋಪಿಚಂದ್-ಟ್ರೀಸಾ ಜೋಡಿಗೆ ಡಬಲ್ಸ್ ಜಯ : 
ಗಾಯತ್ರಿ ಗೋಪಿಚಂದ್-ಟ್ರೀಸಾ ಜೋಳಿ ಜೋಡಿ ಮಹಿಳೆಯರ ಡಬಲ್ಸ್ ಗೆದ್ದು ಇತಿಹಾಸ ಸೃಷ್ಟಿಸಿತು. ಈ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದ ಭಾರತದ ಮೊದಲ ಮಹಿಳಾ ಡಬಲ್ಸ್ ಜೋಡಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಫೈನಲ್‌ನಲ್ಲಿ ಟ್ರೀಸಾ-ಗಾಯತ್ರಿ ಜೋಡಿ 21-18, 21-11ರಲ್ಲಿ ಬಾವೊ ಲಿ ಜಿಂಗ್ ಮತ್ತು ಲಿ ಕಿಯಾನ್ (ಚೀನಾ) ಜೋಡಿ ವಿರುದ್ಧ ಗೆದ್ದರು. ಈ ಜೋಡಿ 2022 ರಲ್ಲಿ ರನ್ನರ್ ಅಪ್ ಆಗಿತ್ತು.
* ಪುರುಷರ ಡಬಲ್ಸ್‌ ವಿಭಾಗದ ಫೈನಲ್‌ನಲ್ಲಿ ಪೃಥ್ವಿ-ಪ್ರತೀಕ್‌ ಜೋಡಿ 71 ನಿಮಿಷಗಳ ಕಾಲ ಹೋರಾಟ ನಡೆಸಿತಾದರೂ ಪ್ರಶಸ್ತಿ ಸುತ್ತಿನ ಹೋರಾಟದಲ್ಲಿ ಹುವಾಂಗ್ ಡಿ ಮತ್ತು ಲಿಯು ಯಾಂಗ್ (ಚೀನಾ) ಜೋಡಿ ವಿರುದ್ಧ ಸೋತರು.