➤ ನವದೆಹಲಿ: ಭಾರತದ ಸಹಕಾರಿ ವಲಯದಲ್ಲಿ ಹೊಸ ಕ್ರಾಂತಿ ಆರಂಭವಾಗಿದೆ. ಕೇಂದ್ರ ಸಹಕಾರ ಸಚಿವ ಅಮಿತ್ ಶಾ ಅವರು ಫೆಬ್ರವರಿ 5, 2026 ರಂದು ನವದೆಹಲಿಯ ವಿಜ್ಞಾನ ಭವನದಲ್ಲಿ ದೇಶದ ಮೊದಲ ಸಹಕಾರಿ ಆಧಾರಿತ ರೈಡ್-ಹೇಲಿಂಗ್ (ಟ್ಯಾಕ್ಸಿ ಸೇವೆ) ಪ್ಲಾಟ್‌ಫಾರ್ಮ್ 'ಭಾರತ್ ಟ್ಯಾಕ್ಸಿ' (Bharat Taxi) ಗೆ ಅಧಿಕೃತವಾಗಿ ಚಾಲನೆ ನೀಡಿದರು.ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ 'ಸಹಕಾರದಿಂದ ಸಮೃದ್ಧಿ' (Sahkar se Samriddhi) ಎಂಬ ದೂರದೃಷ್ಟಿಯಡಿ ಈ ಯೋಜನೆಯನ್ನು ರೂಪಿಸಲಾಗಿದೆ.➤ ಭಾರತ್ ಟ್ಯಾಕ್ಸಿ: ಇದು ಓಲಾ (Ola) ಮತ್ತು ಉಬರ್ (Uber) ನಂತಹ ಖಾಸಗಿ ಕಂಪನಿಗಳಿಗೆ ಪರ್ಯಾಯವಾಗಿ ಸರ್ಕಾರಿ ಬೆಂಬಲಿತ ಸಹಕಾರಿ ಮಾದರಿಯಲ್ಲಿ ಕಾರ್ಯನಿರ್ವಹಿಸುವ ಮೊಬೈಲ್ ಅಪ್ಲಿಕೇಶನ್ ಆಗಿದೆ. ಇದರ ವಿಶೇಷತೆ ಎಂದರೆ ಇಲ್ಲಿ ಚಾಲಕರು ಕೇವಲ ನೌಕರರಲ್ಲ, ಬದಲಿಗೆ ಆ ಸಹಕಾರಿ ಸಂಸ್ಥೆಯ ಮಾಲೀಕರೂ ಆಗಿರುತ್ತಾರೆ.➤ ಭಾರತ್ ಟ್ಯಾಕ್ಸಿಯ ಪ್ರಮುಖ ಲಕ್ಷಣಗಳು:- ಶೂನ್ಯ ಕಮಿಷನ್ ಮಾದರಿ: ಖಾಸಗಿ ಆಪ್‌ಗಳಲ್ಲಿ ಚಾಲಕರು ಪ್ರತಿ ಸವಾರಿಗೆ ಭಾರಿ ಕಮಿಷನ್ ನೀಡಬೇಕಾಗುತ್ತದೆ. ಆದರೆ ಭಾರತ್ ಟ್ಯಾಕ್ಸಿಯಲ್ಲಿ ಚಾಲಕರಿಂದ ಯಾವುದೇ ಕಮಿಷನ್ ಪಡೆಯಲಾಗುವುದಿಲ್ಲ.- ಗರಿಷ್ಠ ಬೆಲೆ ಏರಿಕೆ ಇಲ್ಲ : ಮಳೆ ಅಥವಾ ಬೇಡಿಕೆ ಹೆಚ್ಚಾದ ಸಮಯದಲ್ಲಿ ಪ್ರಯಾಣಿಕರಿಂದ ಹೆಚ್ಚಿನ ದರ ವಸೂಲಿ ಮಾಡುವ 'ಸರ್ಜ್ ಪ್ರೈಸಿಂಗ್' ಪದ್ಧತಿ ಇಲ್ಲಿ ಇರುವುದಿಲ್ಲ.- ಸಾರಥಿಯೇ ಮಾಲೀಕ: 'ಸಾರಥಿ ಹಿ ಮಾಲಿಕ್' ತತ್ವದಡಿ ಚಾಲಕರನ್ನು (ಸಾರಥಿಗಳು) ಪ್ಲಾಟ್‌ಫಾರ್ಮ್‌ನ ಮಾಲೀಕತ್ವ ಮತ್ತು ಕಾರ್ಯಾಚರಣೆಯ ಕೇಂದ್ರಬಿಂದುವಾಗಿರಿಸಲಾಗಿದೆ.- ಬೈಕ್ ದೀದಿ (Bike Didi) ಉಪಕ್ರಮ: ಮಹಿಳಾ ಸಬಲೀಕರಣಕ್ಕಾಗಿ ಈ ಯೋಜನೆಯಡಿ ಈಗಾಗಲೇ 150ಕ್ಕೂ ಹೆಚ್ಚು ಮಹಿಳಾ ಚಾಲಕರು ಸೇರ್ಪಡೆಗೊಂಡಿದ್ದಾರೆ.➤ ಸಹಕಾರ ಸಚಿವಾಲಯವು ಚಾಲಕರ ಕಲ್ಯಾಣಕ್ಕಾಗಿ 5 ಲಕ್ಷ ರೂ. ವೈಯಕ್ತಿಕ ಅಪಘಾತ ವಿಮೆ, 5 ಲಕ್ಷ ರೂ. ಕುಟುಂಬ ಆರೋಗ್ಯ ವಿಮೆ ಮತ್ತು  ನಿವೃತ್ತಿ ಉಳಿತಾಯ ಯೋಜನೆ ಮತ್ತು ಮೀಸಲಾದ ಚಾಲಕ ಸಹಾಯ ಕೇಂದ್ರಗಳನ್ನು ಘೋಷಿಸಿದೆ.➤ ಅಂಕಿ-ಅಂಶಗಳು ಮತ್ತು ಪ್ರಗತಿ:# ನೋಂದಾಯಿತ ಚಾಲಕರುಸುಮಾರು - 4 ಲಕ್ಷ# ನೋಂದಾಯಿತ ಬಳಕೆದಾರರು - 10 ಲಕ್ಷಕ್ಕೂ ಹೆಚ್ಚು# ಸ್ಥಾಪನೆ - 6 ಜೂನ್ 2025# ಕಾಯ್ದೆ - ಮಲ್ಟಿ-ಸ್ಟೇಟ್ ಕೋ-ಆಪರೇಟಿವ್ ಸೊಸೈಟೀಸ್ ಆಕ್ಟ್, 2002# ಭಾರತ್ ಟ್ಯಾಕ್ಸಿಯನ್ನು ನಿರ್ವಹಿಸುವ ಸಂಸ್ಥೆ: ಸಹಕಾರ್ ಟ್ಯಾಕ್ಸಿ ಕೋ-ಆಪರೇಟಿವ್ ಲಿಮಿಟೆಡ್ (STCL).
