Job Description: ➤ ಭಾರತೀಯ ವಾಯುಪಡೆಯ (IAF) ಪ್ರಮುಖ ಕಾರ್ಯಾಚರಣಾ ವಿಭಾಗವಾದ ಸೆಂಟ್ರಲ್ ಏರ್ ಕಮಾಂಡ್ (Central Air Command - CAC) ನ ನೂತನ ಏರ್ ಆಫೀಸರ್ ಕಮಾಂಡಿಂಗ್-ಇನ್-ಚೀಫ್ (Air Officer Commanding-in-Chief) ಆಗಿ ಏರ್ ಮಾರ್ಷಲ್ ತರುಣ್ ಚೌಧರಿ (Air Marshal Tarun Chaudhry) ಅವರು ಜೂನ್ 1, 2026 ರಂದು ಅಧಿಕಾರ ವಹಿಸಿಕೊಂಡಿದ್ದಾರೆ. ಕಳೆದ 40 ವರ್ಷಗಳ ಕಾಲ ಭಾರತೀಯ ವಾಯುಪಡೆಯಲ್ಲಿ ಸುದೀರ್ಘ ಸೇವೆ ಸಲ್ಲಿಸಿ, ಮೇ 31, 2026 ರಂದು ನಿವೃತ್ತರಾದ ಏರ್ ಮಾರ್ಷಲ್ ಬಾಲಕೃಷ್ಣನ್ ಮಣಿಕಂಠನ್ ಅವರ ಸ್ಥಾನಕ್ಕೆ ತರುಣ್ ಚೌಧರಿ ಅವರು ನೇಮಕಗೊಂಡಿದ್ದಾರೆ.➤ ಏರ್ ಮಾರ್ಷಲ್ ತರುಣ್ ಚೌಧರಿ: ತರುಣ್ ಚೌಧರಿ ಅವರು ಡಿಸೆಂಬರ್ 1989 ರಲ್ಲಿ ಭಾರತೀಯ ವಾಯುಪಡೆಯ ಫೈಟರ್ ಸ್ಟ್ರೀಮ್ (Fighter Stream) ಅಂದರೆ ಯುದ್ಧವಿಮಾನ ವಿಭಾಗಕ್ಕೆ ಅಧಿಕಾರಿಯಾಗಿ ಸೇರ್ಪಡೆಗೊಂಡರು. ಪ್ರಸ್ತುತ ಜವಾಬ್ದಾರಿ ವಹಿಸಿಕೊಳ್ಳುವ ಮುನ್ನ ಅವರು ಸದರ್ನ್ ಏರ್ ಕಮಾಂಡ್ (Southern Air Command) ಪ್ರಧಾನ ಕಚೇರಿಯಲ್ಲಿ ಸೀನಿಯರ್ ಏರ್ ಸ್ಟಾಫ್ ಆಫೀಸರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಇವರು ರಾಷ್ಟ್ರೀಯ ರಕ್ಷಣಾ ಅಕಾಡೆಮಿ (NDA), ಡಿಫೆನ್ಸ್ ಸರ್ವಿಸಸ್ ಸ್ಟಾಫ್ ಕಾಲೇಜ್ (DSSC), ಕಾಲೇಜ್ ಆಫ್ ಏರ್ ವಾರ್‌ಫೇರ್ ಮತ್ತು ನ್ಯಾಷನಲ್ ಡಿಫೆನ್ಸ್ ಕಾಲೇಜ್‌ನ ಹಳೆಯ ವಿದ್ಯಾರ್ಥಿಯಾಗಿದ್ದಾರೆ. ಸ್ವೀಡನ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯಲ್ಲಿ ರಕ್ಷಣಾ ಅಟ್ಯಾಚ್ (Defence Attaché) ಆಗಿ ಸೇವೆ ಸಲ್ಲಿಸಿದ ಅನುಭವ ಹೊಂದಿದ್ದಾರೆ. ಇದರೊಂದಿಗೆ ನಾರ್ವೆ, ಫಿನ್ಲೆಂಡ್ ಮತ್ತು ಡೆನ್ಮಾರ್ಕ್‌ ದೇಶಗಳ ರಕ್ಷಣಾ ವ್ಯವಹಾರಗಳಲ್ಲೂ ಭಾರತವನ್ನು ಪ್ರತಿನಿಧಿಸಿದ್ದರು.➤ ಸೆಂಟ್ರಲ್ ಏರ್ ಕಮಾಂಡ್ (CAC): ಸೆಂಟ್ರಲ್ ಏರ್ ಕಮಾಂಡ್ ಭಾರತೀಯ ವಾಯುಪಡೆಯ ಅತ್ಯಂತ ಪ್ರಮುಖ ಕಾರ್ಯಾಚರಣಾ ಕಮಾಂಡ್‌ಗಳಲ್ಲಿ ಒಂದಾಗಿದೆ.- ಪ್ರಧಾನ ಕಚೇರಿ (Headquarters): ಉತ್ತರ ಪ್ರದೇಶದ ಪ್ರಯಾಗ್‌ರಾಜ್ (ಹಳೆಯ ಹೆಸರು ಅಲಹಾಬಾದ್) ನಲ್ಲಿದೆ.- ಕಾರ್ಯವ್ಯಾಪ್ತಿ: ಇದು ಮಧ್ಯ ಭಾರತದ ವಿಶಾಲವಾದ ಪ್ರದೇಶವನ್ನು ಕವರ್ ಮಾಡುವುದಲ್ಲದೆ, ದೇಶದ ಪಶ್ಚಿಮ ಮತ್ತು ಉತ್ತರ ವಲಯಗಳ ರಕ್ಷಣಾ ಕಾರ್ಯಾಚರಣೆಗಳಿಗೆ ಗಣನೀಯ ಬಲವನ್ನು ತುಂಬುತ್ತದೆ.➤ ಭಾರತೀಯ ವಾಯುಪಡೆಯಲ್ಲಿ ಕಾರ್ಯಾಚರಣಾ ಕಮಾಂಡ್‌ನ ಅತ್ಯುನ್ನತ ಅಧಿಕಾರಿಯನ್ನು 'ಏರ್ ಆಫೀಸರ್ ಕಮಾಂಡಿಂಗ್-ಇನ್-ಚೀಫ್' (AOC-in-C) ಎಂದು ಕರೆಯಲಾಗುತ್ತದೆ.
