Loading..!

Back
KPSC ಯ ಎಫ್‌ಡಿಎ-ಎಸ್‌ಡಿಎ (FDA - SDA) ಹುದ್ದೆ ಪಡೆಯಲು ಏನು ಓದಬೇಕು?

| Published on: 18 ಮಾರ್ಚ್ 2019

Image not found

how to prepare for kpsc fda sda exam:

ಕರ್ನಾಟಕ ಲೋಕಸೇವಾ ಆಯೋಗ (ಕೆಪಿಎಸ್‌ಸಿ)ಪ್ರಥಮ ದರ್ಜೆ ಸಹಾಯಕ (ಎಫ್‌ಡಿಎ) ಮತ್ತು ದ್ವಿತೀಯ ದರ್ಜೆ ಸಹಾಯಕ (ಎಸ್‌ಡಿಎ) ಹುದ್ದೆಗಳ ನೇಮಕಕ್ಕಾಗಿ ನಡೆಸಲಿರುವ ಲಿಖಿತ ಪರೀಕ್ಷೆ ಬರೆಯುವ ಅಭ್ಯರ್ಥಿಗಳು ಸಾಮಾನ್ಯ ಜ್ಞಾನಕ್ಕೆ ಸಂಬಂಧಿಸಿದಂತೆ ಯಾವೆಲ್ಲಾ ವಿಷಯ ಅಧ್ಯಯನ ಮಾಡಬೇಕು ಎಂಬ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ.

ಇತಿಹಾಸ: ಇತಿಹಾಸದಿಂದ ಸುಮಾರು 10 ರಿಂದ 15 ಪ್ರಶ್ನೆಗಳು ಬರುವ ಸಾಧ್ಯತೆ ಇದೆ. ಪ್ರಾಚೀನ ಇತಿಹಾಸ, ಮಧ್ಯಕಾಲೀನ ಇತಿಹಾಸ, ಆಧುನಿಕ ಇತಿಹಾಸ ಹಾಗೂ ಕರ್ನಾಟಕ ಇತಿಹಾಸ ಓದಬೇಕು. ಜಾಗತಿಕ ಇತಿಹಾಸದಿಂದ ಪ್ರಶ್ನೆಗಳು ಬರುವುದಿಲ್ಲ. ಈ ಇತಿಹಾಸ ಓದುವಾಗ ಇಸ್ವಿಗಳ ಬಗೆಗೆ ಅಭ್ಯರ್ಥಿಗಳು ತಲೆಕೆಡಿಸಿಕೊಳುತ್ತಾರೆ. ಇದನ್ನು ಸರಳ ಮಾಡಿಕೊಳ್ಳಲು ಎಲ್ಲಾ ಇಸ್ವಿಗಳನ್ನು ಒಂದೇ ಕಡೆಗೆ ಬರೆದುಕೊಂಡು ಅಭ್ಯಾಸ ಮಾಡುವುದು ಉತ್ತಮ.
ಸಂವಿಧಾನ: ಸಂವಿಧಾನ ಸರಳವಾದ ವಿಷಯ. ಎಲ್ಲಾ ಭಾಗಗಳು ಮುಖ್ಯವಾಗಿವೆ. ಆಯ್ಕೆ ಮಾಡಿಕೊಂಡು ಓದಬಾರದು. ಈ ವಿಭಾಗದಿಂದ ಸುಮಾರು 15 ಪ್ರಶ್ನೆಗಳು ಬರುವವು. ಸಂವಿಧಾನ ಪ್ರಶ್ನೆಗಳನ್ನು ಪ್ರ್ಯಾಕ್ಟೀಸ್‌ ಮಾಡುವುದು ಉತ್ತಮ.
ಭೂಗೋಳ: ಭಾರತ, ಕರ್ನಾಟಕ, ಜಾಗತಿಕ ಹಾಗೂ ಪ್ರಾಕೃತಿಕ ಭೂಗೋಳ ಓದಬೇಕು. ಈ ವಿಭಾಗದಿಂದ 8 ರಿಂದ 10 ಪ್ರಶ್ನೆಗಳು ಬರುವವು. ಈ ವಿಷಯ ವಿಜ್ಞಾನ ಇದ್ದಂತೆ ನಿಖರತೆ ಮುಖ್ಯವಾಗಿದೆ. ಅದಕ್ಕಾಗಿ ಉತ್ತಮ ಪುಸ್ತಕಗಳಿಂದ ಮಾಹಿತಿಯನ್ನು ಕ್ರೂಢೀಕರಿಸಿಕೊಂಡು ಓದಬೇಕು.
ಅರ್ಥಶಾಸ್ತ್ರ: ಜನಸಂಖ್ಯೆ, ರಾಷ್ಟ್ರೀಯ ಆದಾಯ, ಪಂಚವಾರ್ಷಿಕ ಯೋಜನೆಗಳು, ಬಡತನ ಹಾಗೂ ನಿರುದ್ಯೋಗ, ಸಾರ್ವಜನಿಕ ಹಣಕಾಸು, ಬ್ಯಾಂಕುಗಳು, ವಿದೇಶಿ ವ್ಯಾಪಾರ ಭಾಗಗಳಿಂದ ಹೆಚ್ಚಿನ ಪ್ರಶ್ನೆಗಳು ಬರುವವು. ಅದಕ್ಕಾಗಿ ಇವುಗಳಿಗೆ ಹೆಚ್ಚಿನ ಗಮನ ನೀಡಬೇಕು. ಪ್ರಚಲಿತ ಆರ್ಥಿಕ ಅಂಕಿ-ಸಂಖ್ಯೆ ಆಧಾರವಾಗಿಟ್ಟುಕೊಂಡು ಅಧ್ಯಯನ ಮಾಡಬೇಕು.
ವಿಜ್ಞಾನ: ಭೌತಶಾಸ್ತ್ರ, ಜೀವಶಾಸ್ತ್ರ ಹಾಗೂ ರಾಸಾಯನಶಾಸ್ತ್ರದ ಮೂಲ ಅಂಶಗಳನ್ನು ಅಧ್ಯಯನ ಮಾಡಬೇಕು. ಈ ವಿಷಯ ಕಲಾ ಹಾಗೂ ವಾಣಿಜ್ಯ ವಿದ್ಯಾರ್ಥಿಗಳಿಗೆ ಕಠಿಣ ಎನಿಸುತ್ತದೆಂದು ನಿರ್ಲಕ್ಷ್ಯ ಮಾಡಬೇಡಿ. ಈ ವಿಷಯದಲ್ಲಿ ಹೆಚ್ಚಿನ ಪ್ರಾವಿಣ್ಯತೆ ಪಡೆಯುತ್ತಾರೋ ಅವರ ರ್ಯಾಂಕ್‌ ಹೆಚ್ಚಾಗುತ್ತದೆ.
ಈ ಮೇಲಿನ ಸಾಮಾನ್ಯ ವಿಷಯಗಳೊಂದಿಗೆ ಓದಲೇಬೇಕಾದ ವಿ‍ಷಯಗಳು
* ರಾಜ್ಯ, ರಾಷ್ಟ್ರ ಹಾಗೂ ಅಂತರರಾಷ್ಟ್ರೀಯ ಪ್ರಚಲಿತ ಘಟನೆಗಳು.
* ಪ್ರಶಸ್ತಿಗಳು ಹಾಗೂ ಪ್ರಶಸ್ತಿ ಪುರಸ್ಕೃತರು.
* ಕ್ರೀಡಾ ಸುದ್ದಿಗಳು, ಕ್ರೀಡೆಗಳು ಹಾಗೂ ಕ್ರೀಡಾಕೂಟಗಳು
* ಪ್ರಮುಖ ವ್ಯಕ್ತಿಗಳ ನೇಮಕ, ರಾಜೀನಾಮೆ ಹಾಗೂ ಮರಣ * ವ್ಯಕ್ತಿ ಹಾಗೂ ಸ್ಥಳ ವಿಶೇಷ
* ದೇಶದ ರಾಜಧಾನಿ ಹಾಗೂ ನಾಣ್ಯಗಳು * ಭಾರತದ ರಾಜ್ಯಗಳ ವಿಶೇಷತೆ ಹಾಗೂ ಇತಿಹಾಸ * ರಾಜ್ಯ, ರಾಷ್ಟ್ರ ಹಾಗೂ ಅಂತರರಾಷ್ಟ್ರೀಯ ಸಂಘ ಸಂಸ್ಥೆಗಳು
* ಅನ್ವರ್ಥಕ ನಾಮಗಳು ಹಾಗೂ ವೈಶಿಷ್ಟ್ಯತೆಗಳು * ಕಲೆ, ಸಾಹಿತ್ಯ, ಸಂಗೀತ ಹಾಗೂ ವಾಸ್ತುಶಿಲ್ಪ
* ಸಂಶೋಧನೆ ಹಾಗೂ ಆವಿಷ್ಕಾರಗಳು * ರಾಜ್ಯ, ರಾಷ್ಟ್ರ ಹಾಗೂ ಅಂತರರಾಷ್ಟ್ರೀಯ ನದಿಗಳು ಹಾಗೂ ಅವುಗಳ ವಿಶೇಷತೆ
* ಪತ್ರಿಕೆಗಳು ಹಾಗೂ ಸಂಪಾದಕರು * ಜನಸಂಖ್ಯೆ, ಸಂಪನ್ಮೂಲಗಳು, ಪರಿಸರ ಹಾಗೂ ಬೆಳೆಗಳು
* ಸಂಶೋಧನೆ ಕೇಂದ್ರಗಳು ಹಾಗೂ ಅವುಗಳ ಸಾಧನೆ * ಖಂಡಗಳ ವಿಶೇಷತೆ ಹಾಗೂ ಕೈಗಾರಿಕೆಗಳು * ಪ್ರಸಿದ್ಧ ಹೇಳಿಕೆಗಳು, ಸಮಾಧಿಗಳು ಹಾಗೂ ಅವರಿಗೆ ಸಂಬಂಧಿಸಿದ ಸ್ಥಳಗಳು
* ಜಗತ್ತಿನ ಹಾಗೂ ಭಾರತದ ಪ್ರಥಮಗಳು * ಲಿಮ್ಕಾ ಹಾಗೂ ಗಿನ್ನೆಸ್‌ ದಾಖಲೆಗಳು
* ಜಗತ್ತಿನ ಪ್ರಾಕೃತಿಕ ಹಾಗೂ ಮಾನವ ಅದ್ಭುತಗಳು ಯಾವ ಪುಸ್ತಕ ಓದಬೇಕು?
1) 6 ರಿಂದ 10ನೇ ತರಗತಿಯ ಸಮಾಜ ವಿಜ್ಞಾನ ಹಾಗೂ ವಿಜ್ಞಾನ ಪುಸ್ತಕಗಳನ್ನು ಪರಿಪೂರ್ಣವಾಗಿ ಓದಬೇಕು. ಇವುಗಳಿಂದಲೇ ಮೂಲ ಪ್ರಶ್ನೆಗಳು ಬರುವವು. ಇಲ್ಲಿ ಜ್ಞಾನ ಕಟ್ಟಡಕ್ಕೆ ತಳಪಾಯ ಇದ್ದಂತೆ ಅದಕ್ಕಾಗಿ ಇವುಗಳನ್ನು ನಿರ್ಲಕ್ಷ್ಯ ಮಾಡಬೇಡಿ. 2) ರಾಜ್ಯ ಸರಕಾರ ಪ್ರಕಟ ಮಾಡಿರುವ ಪಿಯುಸಿ ಪ್ರಥಮ ಹಾಗೂ ದ್ವಿತೀಯ ವರ್ಷದ ಇತಿಹಾಸ, ಅರ್ಥಶಾಸ್ತ್ರ, ರಾಜ್ಯಶಾಸ್ತ್ರ ಹಾಗೂ ಸಮಾಜಶಾಸ್ತ್ರ ಪುಸ್ತಕಗಳನ್ನು ಓದಬೇಕು. ಶೇಕಡಾ 30 ರಿಂದ 40 ಪ್ರಶ್ನೆಗಳು ಈ ಪುಸ್ತಕಗಳಿಂದಲೇ ಬರುವವು. 3) ಕರ್ನಾಟಕ ಕೈಪಿಡಿ, ಆರ್ಥಿಕ ಸಮೀಕ್ಷೆ, ಮನೋರಮ ಇಯರ್‌ ಬುಕ್‌, ಚಾಣಕ್ಯ ಕಣಜ, ಇಂಡಿಯಾ ಇಯರ್‌ ಬುಕ್‌ ಮುಂತಾದವುಗಳು ಉಪಯುಕ್ತ. 4) ಎಫ್‌ಡಿಎ/ಎಸ್‌ಡಿಎಗಾಗಿ ರಚನೆಗೊಂಡಿರುವ ಗೈಡ್‌ಗಳನ್ನು ಓದಬಾರದು. ಇವು ಪರಿಪೂರ್ಣವಾದ ಜ್ಞಾನ ನೀಡುವುದಿಲ್ಲ. ಅನೇಕ ಗೈಡ್‌ಗಳಲ್ಲಿ ಹಳೆಯ ಮಾಹಿತಿಯನ್ನು ನೀಡಿರುತ್ತಾರೆ. 5) ಪ್ರತಿನಿತ್ಯ ಒಂದು ದಿನಪತ್ರಿಕೆ ಹಾಗೂ ಸ್ಪರ್ಧಾ ಮಾಸಪತ್ರಿಕೆ ಓದಬೇಕು. 6) ಪ್ರತಿ ವಾರ ಮಾದರಿ ಪ್ರಶ್ನೆಗಳನ್ನು ಬಿಡಿಸಬೇಕು. ಇದರಿಂದ ಓದಿನ ಮಟ್ಟವನ್ನು ಪರೀಕ್ಷಿಸಿಕೊಳ್ಳಲು ಸಾಧ್ಯವಾಗುತ್ತದೆ ಹಾಗೂ ಯಾವ ವಿಷಯಕ್ಕೆ ಹೆಚ್ಚಿನ ಗಮನ ನೀಡಬೇಕು ಎಂಬುವುದು ಗೊತ್ತಾಗುತ್ತದೆ. 7) ಓದಿರುವ ವಿಷಯವನ್ನು ಟಿಪ್ಪಣಿ ಮಾಡಿಕೊಂಡು ಓದುವುದು ಉತ್ತಮ. ಇನ್ನೊಬ್ಬರು ಮಾಡಿದ ನೋಟ್ಸ್‌ ಹಾಗೂ ಟಿಪ್ಪಣಿ ಓದಬಾರದು. ಟಾಪ್ ಟಿಪ್ಸ್ -ಹಿಂದೆ ನಡೆದ ಎಫ್‌ಡಿಎ/ಎಸ್‌ಡಿಯ ಪರೀಕ್ಷೆಯಲ್ಲಿ ನಾನು ಪಾಸ್‌ ಆಗಿಲ್ಲ, ಈ ಬಾರಿಯೂ ಆಗುತ್ತೇನೋ ಇಲ್ಲವೋ ಗೊತ್ತಿಲ್ಲ ಎಂಬ ಭಾವನೆಯಿಂದ ಓದಬೇಡಿ. -ಲಕ್ಷಾಂತರ ಅಭ್ಯರ್ಥಿಗಳು ಪರೀಕ್ಷೆ ಬರೆಯುತ್ತಾರೆ ಅವರಲ್ಲಿ ನನ್ನದು ಏನಾಗುತ್ತದೆ ನಿರಾಸೆಬೇಡ. -ನಿಮ್ಮ ಗೆಳೆಯರೊಂದಿಗೆ ಹೋಲಿಕೆ ಮಾಡಿಕೊಳ್ಳಬೇಡಿ. ಅವರು ಎಲ್ಲಾ ವಿಷಯದಲ್ಲಿ ಪರಿಪೂರ್ಣವಾಗಿದ್ದರೆ, ನಾನು ಇನ್ನೂ ಪೂರ್ಣ ಮಾಡಿಲ್ಲ ಎಂಬ ಭಾವನೆ ಇಟ್ಟುಕೊಳ್ಳಬೇಡಿ. -ಯಾವುದಾದರೂ ವಿಷಯ ಹಾಗೂ ಪಾಠ ತಿಳಿಯದಿದ್ದರೆ ಗಾಬರಿಯಾಗಬೇಡಿ. ಅದನ್ನು ಪೂರ್ಣ ತಿಳಿದುಕೊಂಡು ಮುಂದಿನ ಪಾಠಕ್ಕೆ ಹೋಗುವ ಅಭ್ಯಾಸ ಮಾಡಿಕೊಳ್ಳಿ. -ಒಂದು ಕೈ ನೋಡುತ್ತೇನೆಂಬ ಭಾವನೆಯಿಂದ ಅಭ್ಯಾಸ ಮಾಡಬೇಡಿ. ನಾನು ಈ ಹುದ್ದೆ ಪಡೆದೇ ತೀರುತ್ತೇನೆ ಎಂಬ ಭಾವನೆಯಿಂದ ಅಭ್ಯಾಸ ಮಾಡಿರಿ. -ನಿಮ್ಮ ಕನಸು ನನಸಾಗಬೇಕಾದರೆ ಅದು ಅಪರಿಮಿತ ಉತ್ಸಾಹದಿಂದ ಮಾತ್ರ ಸಾಧ್ಯ. ಅದಕ್ಕಾಗಿ ಯಾವುದೇ ಕಾರಣಕ್ಕೂ ನಿಮ್ಮ ಉತ್ಸಾಹ ಕಳೆದುಕೊಳ್ಳಬೇಡಿ. -ಗುರಿ ಮುಟ್ಟುವರಿಗೂ ಸ್ವಯಂ ನಿಯಂತ್ರಣ ಮಾಡಿಕೊಳ್ಳಬೇಕು. ಈ ವಯಸ್ಸಿನಲ್ಲಿ ಮನಸ್ಸಿಗೆ ಕಾಡುವ ಆಕರ್ಷಣೆಗಳಿಂದ ದೂರ ಇರಬೇಕು. -ಪ್ರತಿನಿತ್ಯ 10 ರಿಂದ 12 ಗಂಟೆ ಅಭ್ಯಾಸ ಮಾಡುವ ಪದ್ಧತಿಯನ್ನು ರೂಢಿಸಿಕೊಳ್ಳಿ. how to prepare for kpsc fda sda exam
References: ವಿಜಯ ಕರ್ನಾಟಕ (Mar 7, 2019)

how to prepare for kpsc fda sda exam